PDA

عرض كامل الموضوع : في بيتنا مجنون



issam.obayd
29-05-2011, 08:39 PM
http://profile.ak.fbcdn.net/hprofile-ak-snc4/195563_100001008386575_6714215_q.jpg (http://www.facebook.com/profile.php?id=100001008386575)
‎Ameera Karkar (http://www.facebook.com/profile.php?id=100001008386575)‎
في بيتنا مجنون
فيها حاجة لما تدخل ساعة العصاري تقيل لك شوية وتريح العضمتين
طيب وبعد ماتصحى لا بيك ولا عليك تلااااااااقي؟؟؟؟
بعد ماتغدينا وكانت اكلة سمك حلوة سمرت في النافوخ
وبقيت نايمة زي اهل الكهف تحت الأرض اللي هوا من غير لت وعجن
نوم العوافي
بس في بن ادمين عندنا أعداء النوم زي مافي أعداء النجاح
ولادي طبعا
صحيت من الاحلام مالاقتش غير الالام وعذابي مستنيني
على راي الست وردة
معدية في الطرقة اللي بتبص على الصالة لقيت عمرو ورنيم
صاحيين وبيلعبوا قلتلهم لسه صاحيين حسبي الله نادوا ماما ماما بكل فرحة
تعااااااااااالي ياماما شوفي تعالي تعااااالي طنشت
ومشيت خطوتين ووقفت ادعك في عيني وابص بعين واحدة والتانية لسه نايمة........ الله انا زي ماكون شفت
حاجة غربية حاجة غريبة على رأي حولم
نفضت راسي وقلت لا مش معقول .....
روحي يابت بصي تاني لاتكوني نايمة لسه وده حلم قصدي كابوس
رجعت بابحلق لقيت واحد غريب في بيتنا زي مايكون زي ما يكون ؟؟؟؟
يانهار اسود يانهار كحلي منقط باسود برضه
ده المجنون اللي بيمشي في حتتنا يحدف الناس بالطوب
حاولت اصرخ ماقدرتش الصوت ماطلعش ...
قلت لو لمحني هينأحني طوبة في السليم ودي بقى من قريب
جوزي مش في البيت
ساعتها هايجلي ارتجاج واروح في الباي باي
يعني معقول تبقا دي نهاية شخصية عظيمة زيي اموت على ايد مجنون
اعمل ايه أعمل ايه يارب
ايوه انادي من البلكونة على البواب
اتسحبت وانا ماشية على طراطيف ضوافري كما راقصات الباليه العالميات في بحيرة الوز والحمد لله لقيته واقف في الشارع
ناديت عليه بصوت واطييييي أحسن المجنون لو حس بيا هايشلني يرميني من البلكونة في الشارع
واحنا في دور عالي يعني هانزل اقول اااااااااااااااااه وبعدين بوم
وساعتها ماليش ديه لانه مجنون
البواب عندنا سمعه تقييييييل من حسن الحظ ومركب سماعات
ههههههههههههههههههه
فين وفيييييييييين
قلت اشاور اي حاجة هانروح فطيس ...

جايز يقدر يمنع الجريمة
شاورت له ... فهم


رد ايوه... قلتله الحقني اطلع
قلت رحنا بلاش
طلع البواب.... رن الجرس وطبعا الباب كان مفتوح الحمد لله
لاني ماكنتش هاقدر اعدي في الصالة افتحله بص شاف العجب
المجنون قاعد مع عيالي بجلابيته المقطعة والطوبه اياها لسه في ايده
وعمال يضحك مش قادرة افهم ليه
البواب بكل ذكاء متقد ومتوهج سالني ..هوا ده حضرتك مش برده المجنون اللي بيمشي نواحينا
ماقدرتش ارد وااقوله اه ده المجنون احسن يكون فيها احراج او اهانة لاخينا وجايز يفهمني غلط
شاورت براسي اه
مسكه البواب ضربه وجرجره وقعد يزعق له
والتاني في السحاااااااااااااااااااااب فووووووووووووووووووق
عند خرم الأوذون
يني وبينكم أنا متاكده انه هوا اللي خرمه بالطوبه اللي معاه لانه نشين قديييم
على فكرة
نسيت ااقولكم ان المجنون ده في حتتنا بطل العالم والالومبياد في رمي الجله والقفز بدون سبب ولا وجه حق.. انا دوقت مرة الطوبه اللي كانت في ايده
رزعني في كعب رجلي وانا ماشية في الشارع من على بعد يجي 30 متر أأقله
ورشقت الله يخرب بيت مخه بس يخرب مخه ايه اكتر من كده
ماهو مخروب على الاخر
وأنا لما شفته قلت جايز جاي ينتقم مني لان الطوبه القديمة كانت جت في رجلي
وهوا كان عاوزها في دماغي
اللي هايجنني دخل ازاااااااااااااي؟؟
عيالي بيرموا التهم على بعض هوا لا هيا يا ماما مش انا
طبعا هوا ماخبطش على الباب بس عيالي لما بيسمعوا دوشه قدام الباب مابيصدقوا ويفتحوا .....
وخايفة بعد كده عيني تغفل اصحا الاقي في بيتنا كلب ولا فيل
مش عارفة لو انتم مكاني وقمتم من النوم لقيتم مجنون في بيتكم تعملوا ايييييييييييه؟؟
أم وتلات قرود