PDA

عرض كامل الموضوع : تعاليمه كلها نور وسعادة وهنا وسرور



issam.obayd
29-05-2011, 08:58 PM
تعاليمه كلها نور وسعادة وهنا وسرور

‎Ameera Karkar‎

فتحت التلفزيون لقيت بلاوي بتتحدف

في حديقة عامة (الميريلاند)في عز الظهر ..لب وسوداني وطرارطير وزمامير وبلالين وطاولة وكورة وبعدين ادقق النظر مالقيتش
واحدة محجبة توحد الله واشكال غريبة ضالة ..والست تقابل صاحبتها امواااااااااه امواااااااااااااااه
اذيك كل سنة وانتي طيبة
قلت ياربي رمضان وخلص من زمان وكحك العيد نسفناه وخروف العيد وسلخناه وشعلقناه وحمرناه وفروته بنام
عليها
وحتى الظلانـتاين داي (عيد الحب اللي انا رافضاه طبعا) خلص وكل واحد جاب لغرام فؤاده كلبوب أحمر
وشم الفسيخ لسه عليه شوية لما نشمه
كل سنه وانتي طيبة على ايه يكونش عيد الأم؟ بس هما بيقدروا الأم للدرجة دي يخرجوا ميات ميات في حديقة عامة
ماهو اخرها خلاط بالكهرباء للست الوالدة ولا طرحة فوحلـؤي
بسم الله الرحمن الرحيم في حاجة في مصر وانا ماعرفهاش
عيد طبعا.. ولا جوزي يقولي كل سنه وانتي طيبة ولا يفسحني ويجبلي هدية أنا إتأرطاست يارجالة في قرطاس كبير ولا ايه؟؟
بصيت تاني للتلفزيون شوية وسمعت شحط محط من اعاجيب الزمان واقف في الحديقة بيغني أغنية بتقول
"بهاء الله.. تعاليمه كلها نور.. تان تان.. وسعاده وهنا وسرور.. تررررام تررررام ..محتاج العالم نوره "
بهاء الله مين يابن المجنونة الله يخرب بيوتكم هيا مصر ناقصاكم انتم كمان مش كفاية البلاوي اللي فيها
واقفلي انت كمان وملزق شعرك وعينيك يندب فيها ألف رصاصة وقاعد تغني لبهائك
جاتك خيبة انت والبهائي اللي وراك والبهائي اللي جنبك والبهائي اللي في قفاك
وبعدين ظهر المذيع وائل الإبراشي يقول.. الحقيـــقية البهائين في مصر يحتفلون بعيد البزبوز سوري سوري (النيروز) يعني
السنة الجديدة بتاعتهم ال166 ابتدت يوم 21 مارس.. حتى الأم ياعنيني ماسابوهاش تفرح بطرحتها يوم في السنه يقوم يطلعلها البهائين يحشروا مناخيرهم اليوم ده بالذات عشان يقولوا للعالم احنا اهو
وتبقا كلمة كل سنه وانتي طيبة في اليوم ده من ابن لمامته اتهام ليها انها بهائية ...حاجة تقطع القلب
يالهو بالي ..بزبوز ونيروز وبهائيين كل الأعداد دي في مصر جم منين وازاي بدأوا واحنا كنا فين وهما عمالين
يتجوزوا ويولدوا ويستولدوا ..كل الأعمار شفتها وكل الأشكال اللي ماتريحش ..
وخلق غريبة الاطوار شكلهم مش مصري..
أما في الإستوديو مع وائل الإبراشي ..قاعد واحد صعيدي ظريف جدا بيقول انه بهائي ياحبة عيني . وبيحلف ماحدش دعاني للبهائية
وبيقول "أنا اللي قعدت افكر وادور وأبحث".يعني الله يخرب بيته ..اليوم الوحيد اللي شغل فيه دماغ الصعايدة بتاعته دي
وحاول يجرب مخه لأول مرة في حياته من يوم ماتولدhttp://smileys.smileycentral.com/cat/4/4_12_12.gif (http://plugin.smileycentral.com/http%253A%252F%252Fwww.smileycentral.com%252F%253Fpartner%253DZSzeb008%255FZKman000%2526i%253D4%252F4%255F12%255F12%2526feat%253Dprof/page.html).. ..اتنيل اعتنق البهائية...
ياريتك يأخي ماكنت شغلته وسبته ضلمة أرحم
اللي فهمته ان البهائية لها علاقة وثيقة بالصهيونية ..حتى انهم استقبلوا سفير اسرائيل في المحلة الكبرى
أما قصة بهاء الله فدي طويله جدا هوا وابنه بسلامته ربنا يبشبش الطوبة اللي تحت قفاه عباس أفندي
أكيد هانتكلم فيها بس مش هنا.. في مدونتي الحب الحقيقي كلام جد شوية ولا ايه رايكم

وفي الاخر حسبي الله ونعم الوكيل فيهم وفي كل اللي بيساعدهم ويشجعهم من المسيحين ..والمسلمين العلمانين

بحجة حرية الأديان وحقوق البلاوي ....ياناس كفاية مصر مش ناقصة اللي يفتت فيها
أعصابي كفاية كده أحسن ممكن أفرقع http://smileys.smileycentral.com/cat/3/3_8_13.gif (http://plugin.smileycentral.com/http%253A%252F%252Fwww.smileycentral.com%252F%253Fpartner%253DZSzeb008%255FZKman000%2526i%253D3%252F3%255F8%255F13%2526feat%253Dprof/page.html)