PDA

عرض كامل الموضوع : أخاف ان الزمن لو طال صمتك يلفظ ألأنفاس ....؟!!



not4any1
30-12-2004, 11:06 PM
صحيح أن الذهب صمتك ولكن الكلام ألماس

وبين الصمت والكلمه تبعثرخافقي لمه

دخيل عيونك اللي ظللت برموشها الانعاس

تقول الي تقوله بس أريدك تنطق الكلمه

إذا ما هو عشانك وعلى شاني وشان الناس


على شان العيون الي تمنت طيفك تضمه


أخاف ان الزمن لو طال صمتك يلفظ ألأنفاس

واخاف ان الفؤاد الي سكنته ينحبس دم

حبيبي ضاقت الدنيا بعيني واعتراها الياس

لبس ثوب الحزن كل الوجود وضاق به حجمه

وانا مثل الغريق اللي تبلل والعروق يباس

حياتي بين صدك والرضا ما تقبل القسمه

وش الدنيا بدونك لا عدمتك غير هم وباس

قبل لا يعرفك خلك نسى فيها حروف اسمه

ويوم ألله جمعنا والتقى بقلوبنا الاحساس

توطنت الخلايا والجسد.والروح.والهمه

على صوتك رقص طيرالهوى بالصبح والأغلاس

ومن وصفك شرب وحي القصيد وطاب لي نظمه

هنياللقلم لي بك كتب والحبر والقرطاس

لقى حتى أكبر عيوبك يسمه الحسن عمه

وماتبغى فؤادي ينكسر غيره عليك أخماس

ألا..إلا..واغار من العطر لي يعجبك شمه

تجول بين ريضان المشاعرمثلما النسناس

حلالك كل شي...ألأعذاب العاشق وهمه

(( أحمد بن ظاهر المهيري // إماراتى ))
__________________

الجروووح
30-12-2004, 11:14 PM
شكرك اشكر من اعماق قلبي .


كلمات سيتردد صداها في أذني ولن تمل .


كلمات قوية ومشاعر جياشة .


وعاطفة صادقة تكاد تنطق بلا نسج .


اشكرك اختي الغالية على هذا الطرح الراقي .


تقبلي شكري وتحياتي .

not4any1
30-12-2004, 11:26 PM
الجروووح ,,

اشكر تواجدك الطيب ..وبوووحك الجياااش

هلا أخوووى

الورود
31-12-2004, 11:43 AM
بسم الله الرحمن الرحيم


قمة .. رووعه قليل فيها

لانها بجد معاني سامية

احساس ورقة ..

شعور وهموم ما تنقاس .. تصوير رائع ..تشبيه جميل

وبالذات ...ها المقطع

كل الاحساس وكل الجمال ينطق من اسطره




حبيبي ضاقت الدنيا بعيني واعتراها الياس
لبس ثوب الحزن كل الوجود وضاق به حجمه
وانا مثل الغريق اللي تبلل والعروق يباس
حياتي بين صدك والرضا ما تقبل القسمه
وش الدنيا بدونك لا عدمتك غير هم وباس
قبل لا يعرفك خلك نسى فيها حروف اسمه
ويوم ألله جمعنا والتقى بقلوبنا الاحساس
توطنت الخلايا والجسد.والروح.والهمه
على صوتك رقص طيرالهوى بالصبح والأغلاس
ومن وصفك شرب وحي القصيد وطاب لي نظمه



بصراحة ذووقك عالي واختيارك راائع واحساسك قمة اختي not4any1

امتعتينا بكل شطر وبالمعنى الرائع للقصيده..لا تحرمينا اطلالتك يالغالية

not4any1
03-01-2005, 05:11 PM
مرحبا ملاييييييين ......ولا تسد بريحة الفل والرياحييين :P

هلا الغاليه ..الورود ..


اسعدنى تواجدكِ المعطر بلكلماتكِ الرائعه ...وشذى عبيرك ورقة إحساسكِ...

بابيااات تلامس الشعوووور والوجـــــدان :oops:


هلا الغاليه ,,