PDA

عرض كامل الموضوع : حوار بين الحماة والكنه...لا يفوتكم



حسنا
11-12-2011, 02:43 PM
لكل بيعرف انو الحماية ومرات ابنها ضراااااير



ويا عيني شو بيصير كل يوم من طوش وخناقات واصوات وحالة بتبكي ههههه
منشان هيك بتلاقي الرجال دايما طافش
يا حراااام يقف مع امو ولا مع مراتو ( الله يعينه )



حوار بين الحماه والكنه :


الحماه : بكرا بعد متتزوجي ابني رح دللك كثير يا قلبي ( لك بكرا بعد متتزوجي ابني رح ورجيكي الويل يا بنت الكلاب )


الكنه : ييي تسلميلي يا مرت عمي كلك ذوق وانشالله رح تشوفي مني اشياء حلوة كثير ( لك يقصف عمرك شو كذابة ولك لورجيكي الويل بعد متزوج )


الحماه : انشالله يا روحي...لك انا من كثر مابني بحبك مش عارفة كيف ابسطك عشان ينبسط ( وانا رح ورجيكي اشياء بعمرررك ما شفتيها...لك مش عارفة كيف بدي اتخلص منك بس عشان ابني بحبك ( حبه برس ) بدي اتحمل قرفك )


الكنه : ولا شي ما تعملي شي بكفيني شوفتك بنبسط ( ما تعملي شي لك بس اشوووفك بحس حالي قرفاااانه )


الحماه : طيب شو بتحبي اجبلك والبسك يوم العرس ( لك بدي اجبلك حيي الفها عرقبتك وارتاح منك !!!! مجبووورة اسأل)


الكنه : جيبي يللي بتحبيه بس مش يكلفك كثير جيبي اشي خفيف انا برضى فيه ولا يهمك ( لك جيبيلي المااااااس بحالووو انكنك بتقدري...لك انشالله بنقبرك يوم العرس نفسسه )


الحماه : عنجد لك دخيل المذوووقة ... طيب وشو بتحبي اجبلك لبيتك ؟ ( لك دخيييل كذبك قال اشي خفيف قال...ريتني اجبلك قرد يقردك في بيتك انشالله!!!! الله بعيني كلو متحملته عشان ابني )


الكنه : جيبي اشي خفيف لا تثقلي على حالك السعر...جيبي اشي خفيف ولطيف مثلك ( جيبي طاولة سفره وادوات المطبخ وثلاجة وطقم كرستال...ريتك تدفعي عمرك عشان تجبيلي كل اشي بنفسي )


الحماه : عنجد انا ربحت في هيك كنه منيحة يلا لكان بشوفك بكرا يا روحي مضطره اروح ( لك يقطع كذبك وهيك تنقااااي لك انا كيف بدي اتحملك مش عارفة...يلا انقلعي من خلقتي قبل ميصيبني انهيار عصبي ما عاد فيني ابقى واطلع فيكي واتحمل قرفك )


الكنه : وانا ربحت مرت عم مثلك....طيب يا قلبي بكرا بشوفك ومنحكي وحب علي اضلي يلا سلامات ( لك انا ماكللللللله هوى في هيك مرت عم مززززفته...هوووف الحمدلله...يلا طيري من وجهي واخيرا بدك تنقلعي يلا رووووووحه بلا رجعه الله لا يوففففففقك )



********************


حماية مو راضية بعروس ابنها يعني مو حاببتها وقفت قبالها بالعرس وآاهت


آويها يلي قاعدة جنب ابني
آويها ما فيكي شي عاجبني
اويها هلأ بتقولي حبني
اويها بكرة بتقولي كبني
اويها و ان ما مشيتي دغري
اويها لتلاقي بيت الضرة مبني
لي لي لي ليييييييش


**********
قامت ردت عليها العروس وقالت...
آويها وحيات شالك وشنشالك..
آويها بعد اسبوع لافضالك
اويها و انشاء الله فال الله و لا فالك
و اويها و داء الفالج جالك
اويها لأشغل بالك و انهب مالك
اويها و ابنك ما بيهنالك
اويها و بعدها لفرجيكي حالك


لي لي لي ليييييييييش

منقوووووووووول لانو عجبني هالحوار

nawal
13-12-2011, 09:21 PM
يا لطيف
حسنا --لااااااااااااااااا

مش كلهم
انا كنة منيحة كتير وبحب مرة عمي كتير

والي كنة--ابني خاطب--بحبها كتير كمان
وما اتخيل نفسي ازعلها يوم

حسنا
13-12-2011, 09:28 PM
يا لطيف
حسنا --لااااااااااااااااا

مش كلهم
انا كنة منيحة كتير وبحب مرة عمي كتير

والي كنة--ابني خاطب--بحبها كتير كمان
وما اتخيل نفسي ازعلها يوم
لا اكيد مو الكل
بس ما بعرف ليش على طول منسمع
الكني وحماتها ضراير
وانتي اكيد مرت عم منيحه لكنتك:)
وعلى طول منسمع نكت عن الكني وحماتها
هالشي ما بينطبق عالكل نوال
بس بتسدئي عجبني الحوار
والحمايه الي ااهت
تحياتي نورتي الحته
يا احلى كني واحلى حماة المستقبل
لان بعد ابنك خاطب
انشالله خير
الله يتمم عخير وتفرحي بابنك
بس ما تنسينا بالحلويات والشربات:d;)
يوم الفرح يختي

binmofeed
28-12-2011, 01:47 PM
يسلمووووووووووووووو

حسنا
28-12-2011, 02:09 PM
يسلمووووووووووووووو


ايديك نورت
تحياتي