PDA

عرض كامل الموضوع : ياحبيبتى يامصر



magohosoboso
16-03-2012, 12:41 PM
محلاك يا اجمل بلد

لما يعود ليكي الامان

لما السلام يملا ربوعك

مع صوت جرس جنب الأذان

محلاك ببسمة صافيه

وحب واقف ع البيبان

لما عاد الحق لحضنك

وخاب الظلم والبهتان

لما صرخة لأ دوّت

كرهنا الظلم والطغيان

وقف العالم كله يسمع

زئير اسودك ف الميدان

الشمس مهما الغيم حجبها

لابد ييجي يوم تبان

قصة الزمان بيكررها

يوم مااغرى فرعون هامان

لو كنت هعبر عن رأيي

سامحوني لو اكون غلطان

من بعد تعاطي الحرية

خوفي توصل للادمان

دي مصرنا ف ايدنا امانة

ربي قرنها بالامان

لو سألت عن حبي ليها

مقدرش احصر في البيان

ارض طاهرة مقدسة

طور سينا وكليم الرحمن

وامر الله له (اخلع نعليك)

قدسي انزله قرآن

وعيسى بن مريم يرتحل

على ارضها كان الامان

وخليل الله حل بها

من ارضها ام العربان

ويعقوب اذ يطلب ابنه

ويدعو ان ادخلوها بامان

يوسف الصديق خازنها

يدبر ملكها بالعدل والميزان

ماذ اقول في حبها

ستبقى ويذهب من خان

لو سألت التاريخ عنها

هتلاقي مصر العنوان

لو هسأل عنها السلام

على بابها مات العدوان

هوصف ايه من جمالها

درة على تاج الزمان

كلام بسيط عنها كتبته

وبدعي يحميها الرحمن

المصدر: كلمات في حب مصر اجمل بلد
http://youtu.be/_zY1CwveOBY

sasowoman
16-03-2012, 12:55 PM
لـــو كـــل مصـــري قــــــال كـــلمتين زيـك
نتحـدىكـل المصــاعب ونــلاقي كل الحلول

كلامك جميل حته لو كان منقول فاله مغزى فى النفس

مع التحيه

sasowoman
17-03-2012, 01:22 AM
يا ابو قلب طيب يا مصرى شكلك ف تكوينى

اسمك كمان هوّ اسمى ومعدنك طينى

اغزل بقلبك معانى لجل ست الكل

راح تلقى نبضك ف لحظه بيهز شرايينى

sasowoman
19-03-2012, 12:25 AM
لساها بلدي لساها مصر


أكتب يا قلبي دة الخير في مصر
لساها نيلها يملاك نسيم
لساها بسمة وشمس الأصيل
لساها جهد وعرق جبين
فلاح بيزرع الخير لبلده
وصنايعي ينتج فخار لوردي
وصحفي يكتب بحب بلدي


لساها مصر لساها بلدي


نيلها سمارهبلون ولادها
تياره ماشي يستني عيدها


وقمرها يكتب أشواق لنيلها
حلوة الأصالة يا مين يطولها


كلمة وقاعدة من بدري أقولها


لساها حلوة لساها بلدي


رغم الأنين لساه بيضحك


مصراوي جامد
عايش معاند شاكر وحامد
وساعة العصاري تلاقاه في ريحك
يكتب غناوي وعلي القهاوي
تلقاه يعيدها والكل يضحك


لساها مصر لساها بلدي


بعد العشا يحلي الكلام
اللمة حلوة والناس تمام
كلمة وضحكة علي الشفايف
الكل واحد والكل شايف
بلاص عسل وحبة قطايف
نأكل ونضحك ولا حد خايف


بحبك يا مصر بحبك يا بلدي


بحبك يا بلدي وشيئ يشرفني
يكفيني أني بنام في حضنك
بأحس أني بأمان علي طول
دانا بنتك ومن غيرك اتوه