PDA

عرض كامل الموضوع : رواية العشق المحرم (وبأجزائها السبعة)



issam.obayd
06-05-2012, 03:48 PM
رواية العشق المحرم (وبأجزائها السبعة)


(الروايه حقيقية وليست من نسج الخيال )


اماني كانت ملكه بجمالها
كانت جالسه على الدرج الي بالساحه المدرسه تنتظر وجدان للحين ماطلعت
اماني متضايقه من نظرات هالنبت تلاحقها بعيونها وين ماتروح
وتكره احد يراقبها تحس انها ماتقدر تأخد راحتها وتصنع طول الوقت
(اماني بثالث ثانوي علمي كان شعرها اسود طويل لما خصرها مدرجات كثير وناعم
عيونها كبار وساع وناعسات وخشمها صغير وشفايفها منفوخه وكبيره
وضعيفه وطولها عادي موقصيره ولاطويله
كانت حلوه بمعنى الكلمه وفيها غرور شوي)
وجدان مرحبا اماني
اماني:وينك فيه صارلي ساعه انتظرك بتخلص الفسحه وللحين ماجيتي
وجدان:شسوي المراقبه امسكتني وخلتني امسح كحلي
الا اقول معك كحل
اماني:نعنبو دارك توهم ماسكينك ماتوبين انتي
وجدان:ههههههههههه والله ماجلس بدون كحل يمه شوفي عيوني
صغار تقول زيتونه
اماني(بغرور):اي هذي مشكله الي عيونهم صغار
وجدان(ضربت اماني على كتفها) اقول امشي للحمامات بس ابي اتعدل
وهم رايحين لدوره المياه بنت صدمت اماني
اماني اااآه وجع ماتشوفين
تعلقت عيونها بعيون البنت اول مره تقرب لها كذا
دايم تناظرلها من بعيد هذي نفس البنت الي صارلها اسبوع تخز اماني
البنت(عبير):سوري ماشفتك
اماني(انصدمت من جمال البنت الي قدامها كان عيونها عسلي وناعسات وحور
وخشمها حاد وفمها صغير كانت ملامحها على قد ماهي حاده الانها ناعمه
وشعرها البوي مره )
اماني:لاحصل خير وبعدت بسرعه
وجدان:واي تخقق شفتيها
اماني :اي ماتوقعت انها حلوه يمه من بعيد تخررع
وجدان:والله طيرتيها من يدك انك خبله
اماني :وش اطيرها هي حمامه
وجدان:مالت عليك وش حمامته ياخبله البنت معجبه فيك صارلها اسبوع تلاحقك
لاتقولين انك مو منتبهه حتى لما غبتي اسألت ريم عنك
اماني:بالله متى..؟؟
وجدان:يوم السبت كنت انا وريم وسحر وجت واسألت ريم عنك وحتى عارفه اسمك
اماني:غريبه وريم ليه ماقالت لي
وجدان:ريم وسحر دايخات من كثر مايحشون ويتعرفون ينسون بس انتي لاطوفينها مبين انها تحبك
اماني:لاياختي يمه اخاف والله نظراتها تخوف وشكلها يخوف تقول ولد
وجدان:تعرفين رهف الماجد احلى بنت بالمدرسه معجبه بعبير بس عبير رفضتها وقالت لها انا احب اماني
اماني:بذمتك احلفي
وجدان:والله العظيم واسألي سحر وريم(سحر وريم هم صديقات وجدان واماني بس غايبات وشلتهم بس اربع بنات
دق الجرس يعلن انتهاء الفسحه
اماني :يوه خلصت الفسحه وانا ماشريت والله اني جوعانه
وجدان:وش تشترين تبين تفضحينا تفطرين بالمدرسه يقولون هذي ماعندها بيت تأكل فيه
اماني:اي ادري ماني خبله بس ابي عصير على الاقل
جو الاستاذات يطلعون البنات من الساحه وراحو للفصل
وجدان:اماني شوفي من ورانا بس سوي تفسك موقاصده تلفين
اماني(ها (شهقت
عبير مو ادبي وش جابها هنا((كانت مدرستهم عباره عن مبنين مبنى للقسم العلمي ومبني للقسم الادبي واولى ادبي
وجدان:اوص وطي صوتك فضحتينا بس عشان تعرفين انها تحبك بالله شوفي رهف قدامنا كيف تخزها
وعبير مطنشتها ومو معطتها وجه ياربي ياليتها معجبه فيني شوفي كل بنات المدرسه يبونها
فيه احد يحصله يصير ليدي راشد(عبير)ويرفض مالت عليك غبيه
اماني(اسكتت وماردت على وجدان حالسه تفكر بالسالفه اعجبتها بس لان الكل يبي عبير مع ان عبير جديده بالمدرسه
وماصارلها الا اسبوعين بس كانت مميزه حيل والكل عارفها وعبير رفضتهم عشانها
وخصوصا رهف لانها تغار منها ومن جمالها ورهف ماتقصر معها)
كان عليهم حصه رياضيات
اماني:اف مالي خلق الرياضيات يجيب المرض ماصدق على الله افتك من الاستاذه بالبيت تجي هنا بعد
(كانو بمدرسه خاصه واغلب المدرسات مصريات ويعطون دروس خصوصيه واماني والشله مومخليه استاذه
مودارسه عندها خصوصي عشان تساعدها وتعطيها اسأله الامتحان)
وجدان:اماني امشي نهرب
اماني:لاماتسوى نهرب وسحروريم مو معنا
وجدان:امشي بس شوفي ثالث ادبي ماعليهم شي كلهم بالساحه لاحد مسكنا نقول انا ادبي
اماني :لامالي خلق
وجدان:يوه منك كيفك بس انا بهرب لولحالي ان شاء الله
اماني:لاخلاص انتظري بجي معك
اماني وجدان قدرو يطلعون لساحه بدون ماحد يمسكهم
اماني:وجدان
وجدان:هلا
اماني:رشود(عبير) هنا ومالي خلقها والله ماقدر اتحرك ولا اخذ راحتي وهي موجوده
وجدان:يعني وش اسوي ......
اماني :امشي نرجع لو كان معنا ريم وسحر عادي بس لحالنا لاتكفين ابي ارجع
وجدان:وش فيك خايفه يعني بتطقنا مثلا
اماني :يختي والله نظراتها تخوف هي والبويتين الي وياها
راشد(عبير) ابوها للجنه البلوه جراح وعزوز والله يخوفون نظراتهم تخوف(عزوزوجراح هم بويات مع عبير
وجدان:اف منك يالله روحي للفصل مالت على يهرب معك بس
اماني:وانتي ماراح ترجعين وياي
وجدان:لاوالله ماني راجعه بروح لشله رهف احسن من س وص ومثلث ومربع الرياضيات
اماني:براحتك باي بس تعالي وصليني لما المبنى مابي اروح لحالي
وجدان وصلت اماني للمبنى وراحت عند رهف وشلتها وقضتها سوالف
عبير:لوسمحتي
وجدان:انا
عبير(تبتسم)؛ايه ممكن شوي بس
وجدان(اللعن ابو الابتسامه تذبح):اي اكيد هلا وش بغيتي
عبير:هلا وجدان كيفك
وجدان:تمام بس عفوا اعرفك......؟؟
عبير:ههههههههه لابس انا اعرفك وجايتك بخدمه
وجدان(ياويلي ويلاه ياحلو ضحكتها مالت على اماني بس)عيوني لك اذا اقدر
عبير:تسلم عيونك بس طيب نتمشى شوي
وجدان(وش اشوي امشي معك لما تكسر رجولي ياويلي ياعيونها ياناس)مشت وجدان بدون ماتكلم
عبير:صراحه وجدان وبدون لف ودوران انا حابه اسألك عن اماني هي تحب عندها حبيبه
وجدان:وليه تسألين....؟؟
عبير:طيب عشان اجوابك قولي لي هي تحب
وجدان:اممممممممممم لا ماتحب
عبير(ابتسمت)قولي والله طيب وغرام
وجدان:وش فيها غرام
عبير:غرام مو حبيبتها
وجدان:هههههههههههه هههههههههههههههه
عبير:ليه قلت شي يضحك انا
وجدان:هههههههههههههه لابس غرام بنت خالتها
عبير:بذمتك غرام بنت خالتها ههههههههه (وتمسح شعرها بيدها)مدري هم قالولي حبيبتها (( ليصلك كل جديد (http://mn66.com/sms.htm) أرسل الرقم 1 الى - 81428 للإتصالات السعودية - 601428 لموبايلي - 701428 زين (http://mn66.com/sms.htm) ))

وجدان:اي بس ماقلتي لي ليه تسألين..؟؟
عبير(وشاقه الضحكه):لاخلاص فديتك مافيه شي المهم انها ماتحب
وجدان:طيب براحتك ومشت لشله رهف

انتهى الدوام وجدان ماقالت للاماني عن عبير
رجعت من الدوام الساعه 1ونص اول مادخلت بيتها الفخم
كان عباره عن قصر مو بيت كان بيتها كبيرها
ولها جناح خاص فيها
رمت شنطتها عند الباب طبعا الشغالات بيودونها فوق
عبير:هيه انتي(تكلم الشغاله)خلص الغداء
الشغالات كانو يخافون من عبير:يس خلاص
عبير:حطي لي غداء بسرعه
الشغاله:مافيه ينتظر بابا
عبير:قلت لك باحماره حطي غداء يعني حطي غداء مافيه قرقر كثير
الشغاله(ودها تذبح عبير)طيب اللحين حطي غداء
وجلست عبير على طاوله الطعام تنتظرهم يحطون الغداء
جت جنان (زوجه ابو عبير)السلام انتي جيتي
عبير:لاللحين بالطريق وش رايك يعني
جنان:شوي وشوي علي وش قلت انا
عبير:لانك غبيه واسألتك اغبى منك
جنان :تبين تغدين اللحين
عبير:وش رايك جالسه ع طاوله الطعام برقص يعني صج انك غبيه
جنان:هيه انتي ماغبي غيرك احترميني انا زوجه ابوك
عبير:ياليل ماتسوى علي زوجتك ابوي تراك اكبر مني 3 سنين مدري 4 يعني لايكثر حكيك فهمتي
جنان:مالت عليك وعلي مسوي لك احترام بس
عبير:اقول جنانوه اطلعي براء غرفه بعرف اكل لاوالله لاحط حرتي فيك
جنان(كانت تخاف من عبير وكذا مره عبير طفقتها وتدري انها مجنونه)وتلف عنها مالت عليك بس وطلعت براء الغرفه
عبير(عادي الوضع عندها كملت اكلها بكل برود)
**((عبير عمرها20وبثالث ثانوي درست متأخر بالمدرسه
بسب وفاه امها عبير كانت متعلقه بامها حيييييييييييل وعاشت عند جدتها سنتين وكانت جدتها تسافر كثير لسبب علاجها عشان كذا مادخلت عبير المدرسه
هي بويه وعربجيه حيييييييل وعنيده حيييييييل كانت حلوه بمعنى الكلمه وملامحها ناعمه بس حاده
ودايم خلاف مع زوجه ابوها كانت ماتطيقها ابوها تزوجها لما كانت
عبير باولى متوسط بس كانت تكرها من الله تحسها متزوجه ابوها طمع فيه جنان عمرها 25 وصغيره))**
خلصت عبير اكل وغسلت وصعدت على جناحها اول ماحطت راسها تبي تنام
طاحت عينها على الصوره الي على الدرج الي عند السرير هذي صوره لينـــــــا
دمعت عيونها غصب هذي حالتها كل ماتشوف صوره لينــــا ماتقدر ماتناظر لصوره لينـــا
ضمت الصوره لصدرها وقامت تبكي بقوه وصوت شهقاتها كل ماله يعلو
سامحيني سامحيني يالينا نامت ودموعها على خدها والصوره كالعاده ضامتها لصدرها
هذي حالها من سنتين من توفت لينــــــــا وهي كذا...
بيــــــــــــت اماني
نتعرف على عايله اماني (عايله ابو جابر)
اماني كان عندها اخوين كلهم متزوجين
وعايشين معهم بنفس البيت واختين
ابو جابر(ابو اماني)رجل اعمال ناجح وكبير ومهتم بعايلته حييييل وحنون وطيب واغلى شي عنده اعياله
ام جابر:حرمه كبيره هاديئه كانت شخصيتها طيبه حيييييييل وكل همها بيتها وبس
جابر 35سنه ويشتغل مع ابوه بالشركه وماسك الشركه مع ابوه
متزوج بنت عمه وزوجته غزل 30 موظفه بالبنك كانت عاديه مافيها اي شي يجذب ملامحها هاديه حييييل وكل شي فيها صغير
وشعرها اشقر قصير مره وظعيفه وطويله وعندها بناتها
روز 8 سنين ثاني ابتدائي ولوتس 5 سنين بالروضه
منصور 28 معيد بالجامعه ومتخرج من امريكا توه متزوج بنت عمه واخت غزل زوجه جابر
وفاء عمرها 23 سنه وتوها متخرجه من الجامعه كانت عكس اختها غزل مو حلوه ابدا
وقصيره ومليانه وشعرها اسود لما كتفها كانت بارده وماتهتم بنفسها
شهد 23 رابع جامعه تخصص انجليزي كانت تشبه اماني حييييييييل كأنهم توأم بس شهد سمراء عكس اماني الي حيل بيظاء وكانت تهتم بنفسها حيل
اهم شي عندها مكياجها وشعرها وكشختها وطول وقتها على النت وداوم يوم وتغيب عشره
جوان 14 ثاني متوسط وهي اخر العنقود ومدلعه حييييييل كانت تختلف عن اماني وشهد ماكأنه اختهم بس انها حلوه وعيونها اوساع وفمها صغير
وخشمها فيه عظمه بس على بعض طالعه حلوه ونعومه

*************************
اماني جت من الدوام تعبانه غيرت ملابسها ولبست بيجامه بيظاء بوردي ورفعت شعرها حدها تعبانه كانت جالسه على التسريحه تمسح مكياجها
بمناديل جونسون
جت شهد السلام عليكم
اماني:هلا وعليكم السلام
شهد :ابي مناديل جونسون خلصو حقي
(شلونك حبيبي مشتاق لك مر عمري كله وانا اتخيلك)دق جوال اماني
اماني(وبان عليها الارتباك)وعطته مشغول
اماني:مشاء الله خبري مناديلك صارلهم اسبوع مخلصات وراء ماشتريني
شهد:منو هذا الي داق
وبعدين والله مالي خلق اروح لصيديله وبعدين عندك وش له اشتري
اماني:هاه لاوحده من صديقاتي بس مالي خلقهت
وبعدين اي مو انا اصرف عليك كل كريماتي عندك
شهد:يمه يمه اكلتيني ترا كل الي اخذته منك كريمين مايسوى علي
اماني:اي والله مو انا الي تكسرت رجولي بالفر لما لقيتهم وانتي مقابله هالنت
شهد وتسحب علبه المناديل من اماني:مالت عليك ماتسوى علي كل هذا عشان مناديل
اماني:اقول بس اطلعي احسن لك مالي خلقك اي هين قابليني لارحتي شريتي
شهد:اماني وش رايك دامك تحبين الفرفره تروحين تشتريلي اليوم
اماني:ليه ان شاء الله خدامه عندك ولاخدامه عندك
شهد:ياخبله عشان يكون عندك حجه تطلعين من البيت ترا الكل ملاحظ ان طلعاتك زادت يعني خففي شوي من طلعاتك
اماني:هاه اي طيب المغرب يصير خير انا بتغدى وبنام ولاصحيت بروح
شهد:طيب وقامت تمسح مكياجها ها(شهقت)يمه شنو هذا
اماني :شنو وش فيك شهد
شهد:شوفي
اماني :شنو
شهد:شوفي الحبه الي طالعه بجمب خشمي
اماني:وريني يايمه وش كبرها
دخلت جوان:وش فيكم
شهد:اهي اهي شوفي شنو طالع بوجهي
جوان:وش فيه مافيه شي
شهد:هذي وتأشر على الحبه شوفي كيف
جوان:يايمه انا سمعت اصواتكم قلت مافيه ياصارت برصاء وتحقق حلمها بالبياض من الخلطات الي تحطينها على وجهك
ولفت شهد واخذت المخده من السريروضربت جوان عمى بعينك لاتفاولين علي اسم الله قال برصاء
ضفي وجهك من بنت والله ماجيكر غيرك يالجيكره
جوان:احسن منك يالعبده وطلعت بسرعه
شهد:عمى بعينها عوبا اماني انا سمراء حيل
اماني:هههههههههههههههههه
شهد:وش فيه يضحك
اماني:لاوالله انتي حنطيه موسمراء بس انتي مكبره السالفه
جت الشغاله مس اماني شهد تفضلو الغداء جاهز
شهد :طيب اللحين نجي
*******************
خلصت غداء وصعدت على غرفتها اول مادخلت
الاجوالها يدق
كان توأم روحي يتصل بيك
ردت اماني بسرعه على غرام
اماني :هلا وغلا
غرام:مرحبا
اماني :مراحب وينك يالدوبا اليوم غايبه
غرام :ههههههههه شوي شوي اكلتيني ليه مادريتي...؟؟
اماني:لادريت عن شنو
غرام:اخوي سامي امس جاء من امريكا وخلص دراسته
اماني:صج مشاء الله الحمدلله على سلامته
غرام:الله يسلمك من كل شر وتراه يسلم عليك
اماني:ياحليله الدب والله اني مشتاقه له الله يسلمه من زمان ماشفته
غرام:اماني تراه صار رجال طوله قد طولك عشرين مره يعني عيب استحي
اماني:عشتو هذا الي باقي استحي من سامي
غرام:صج انك فاصخه الحيا ليت خالتي تسمعك بس والله لاتزوجك ياها على طول
اماني :ههههههههههههه اجل بسمعها يمكن الله يسمع منك واتزوج
غرام:ههههههههههههههه صج انك فاصخه الحياء ترا لودرى سامي انك تبينه قسم بالله اليوم ملكتكم
اماني:غرام وش فيك وش ابيه انا امزح معك سامي اعتبره مثل اخوي وبس
غرام:علينا
اماني:يوه وش علينا غرام وش فيك اليوم اصلا اخر واحد بفكر فيه هو سامي
غرام:المهم اليوم عندنا عشاء تعالي طيب ياويلك لوماتجين
اماني:طيب ان شاء الله
غرام:يالله سي يو باي
اماني:بايات
عبير صحت من النوم على صوت المنبه الساعه 7 ونص المغرب سحبت جوالها من تحت المخده وطفت المنبه ماشبعت نوم ومالها خلق بس وراها موعد مع صديقتها عزوز
(شجون)(شجون صديقتها من اولى ابتدائي وهي توأم روحها صارلهم 12 سنه مع بعض ومحد فاهم عبير بالدنيا الاشجون وشجون وحيده ابوها وامها توفت من كذا سنه
وهي بويه زي عبير)
عبير متفقه تلتقي مع شجون بالكوفي جرت نفسها جرلحمام تأخذ لها شور سريع قبل لاتروش عطت ماري بيل شغالتها الخاصه
خبر انها صحت وانها اول اتطلع من الحمام لازم يكون الاكل جاهز
ماري بيل تخاف من عبير واصلا كل البيت يخاف من عبير ويحسب لها الف حساب(ماري بيل لبنانيه عمرها 32 تشتغل عند عبير تشتغل عند عبير من لما اخذها ابوها من جدتها
جاب ماري بيل عشان تربيها بس عبير اخر همها ماري بيل وهي الي ربت نفسها بنفسها)
عبير طلعت من الحمام والبست جينزوبلوزه سوداء وسيعه وتركت شعرها مبلول
ماري بيل:عبير الاكل جاهز
عبير طنشتها ونزلت تحت
ماري بيل:عبير جففي شعراتك قبل ماتنزلي هلا بتاخذي برد
عبير عطتها نظره
افهمتها ماري بيل ان معناها اسكتي(ماري بيل كانت تغلي وتحب عبير حيييييييييل وهذا الي مصبرها عليها ولاماحد يتحمل عبير وطبعها الجافي مع الكل)
عبير اكلت على السريع الساعه 8 وخمس تأخرت على شجون موعدهم الساعه 8 ويبي لها ساعه على ماتوصل من الزحمه
البست عبايتها وحطت الشيله على كتفها ومشت بسرعه واخر شي ممكن تفكر فيه شكلها ولاكيف طالعه
طبعا لازم السايق يكون ينتظرها ويفتح لها الباب ولوتأخر عليها دقيقه سودت عيشته اركبت السياره دقت عليها شجون وقالت لها انها تعبانه
وموقادره تطلع من البيت عبير :مصطفى روح لبيت شجون
مصطفى:حاضر(مصطفى كان عبد مأمور ولو تكلم وقال غير حاضر فهو عارف انه بعد ساعه بيكون بالمطار)

كانت طايره من الفرحه ان سامي جاء مشتاقه له ولهباله كان سامي اخوها الثالث (http://forum.mn66.com/t252834.html)
دق باب غرفتها
اماني :منو
جوان:اماني ممكن شوي
اماني طلعن عيونها من مكانها من الصدمه الله اكبر جوان تستأذن غريبه اكيد وراها شي)
اماني :ادخلي
جوان:امون حياتي انا اختك الصغيره
اماني:ادري وغيره اخلصي قولي الي عندك بدون مقدمات
جوان:ابي البلوزتك الورديه بلبسها عى تنورتي البيضاء
اماني :اي بلوزه
جوان http://www.mn66.com/icon/000.gif (http://forum.mn66.com/t252834.html)وتشق الضحكه )الي شريتها الخميس الي فات يوم رحت معك للفيصيله ب850
اماني :هههههههههههههههه ضحكتيني والله
جوان:ليه
اماني:انا اشوف هلادب مولله وممكن ادخل وهالمقدمه الطويله تريه البلوزه اقول امسكي الباب والله ماشتريتها عشان حضرتك تلبسينها
جوان:تكفين اماني والله فشله وش اللبس اللحين
اماني:والله موذنبي روحي لشهد تعطيك دولابها يشكي من كثرملابسها
جوان:الشرهه موعليك الشرهه علي يطلبك شي
اماني:اقول صكي الباب واذا جت الكوفيره نادوني
طلعت جوان من غرفه اماني وهي تحلطم مالها الاشهد تطلب منها ادخلت غرفه شهد كانت بجمب غرفه اماني ومالقت شهد بالغرفه
ركضت على الدولاب وكانت لبلايز الجديده حاطتهم شهد على جمب وشوفو كم بلوزه مالبستها بكيسها طبعا جوان عارفه
ان شهد تنسى لبسها الي لابسته امس كيف ببلوزه مالبستها وطلعت ركض لغرفتها بالدور الثالث (http://forum.mn66.com/t252834.html) مقابل جناح امها لانها دلوعه امها
ولازم امها كل شوي تطمن عليها


وصلت عبير لبيت شجون وكالعاده البيت هادي وماكان احد ساكنه نزلت عبايتها وصعدت لجناح شجون كان تصميم جناح وشجون زي بعض بالضبط
والي مصصممه لهم مصمم واحد كان الجناح لون الجدار اسود×اسود بستثناء الستاير الاسود الي عليهم رسمات باللون الاحمر والفراش الاحمر
واضات تلابجورات حمراء وطبعا الاضافه هاديه مره شجون كانت نايمه على الكرسي شجون كانت بيضاء مره
وشعرها بوي لونه ثلجي فاتح بستثناء خصله طويله على جمب مصبغوه باللون الاسود وعدساتها رمادي فاتح مره كانت نسخه امها امها فرنسيه
ابوها طلق ام شجون بسبه الخلافات على الديانه وان امها مسيحيه وتبيها زيها وابوها رافض هالشي طبعا وطلقها غصب عنه وكان يكره شجون كل مايطلع فيها
يتذكر امها شجون كانت تزور امها كل صيف وتقضى العطله الصيفيه عند امها توفت قبل 4 سنين
عبير موعاجبها حال شجون هلايام حتى صار لها يومين مادوم بالمدرسه زي قبل
عبير:عزوز عزوز
شجون:هلا رشود وتأخذها بالاحضان
عبير:سلامات عزوز وش فيك
شجون:الله يسلمك لا ابدبس هالعله جتني وانت عارف الماغص الي يجني موطبيعي
عبير؛هههههههه خوفتني على بالي فيك شي وانت هاذي حالتك كل ماجت ياخي روح للمستشفى شف وش بلاك
شجون:ومن قالك اني مارحت رحت بس قالت الدكتوره هذا شي طبيعي وكل البنات يصير فيهم كذا وقالت لازم اسوي تحاليل ولويه


وانتي عارف ان اكثر شي اكرهه بالدنيا المستشفى
عبير:اشربي شي حار واغلي قرفه واشربيه
شجون ترفع حاجبها:اشوف عندك خبره اي منت هين
عبير:ايه لما كانت تجي لينا كانت تشرب قرفـــــ (حست على نفسها وماكملت كلمتها
شجون ندمت على كلمتها ماصدقت على الله ان عبير نست لينا وحبت تغير السالفه)امشي ننزل للحديقه احسن
ابتسمت عبير ابتسامه صفراء غصب تجامل شجون

***************************

الساعه 7 المغرب اماني راحت بدري لبيت خالتها اول مادخلت
جلست تعدل قدام المرايه كانت لابسه ثوب احمر ضيق حيل على الجسم وقصير فوق الركبه بشوي
ومسيحه شعرها وفاكته وحاطه ورده حمراء على جمب ومكياجها خفيف وروج احمر صارخ عدسات خضر ومسكرا وبس اماني جاء سامي من وراها وصرخ
اماني صرخت باعلي ماعنده
اماني:عمى بعينك خوفتني وتحط يدها على قلبها اول ماستوعبت ان الي دامها سامي ركضت وضمته
سامي:هههههههههههههه للحين بزر وتخافين
اماني تبعد عنه وتضربه عمى بعينك خوفتني والله
سامي:هههههههههههههههه والله انك بزر لاشفتي النمله هجيتي
اماني:لاوش رايك شسوي يعني نمله اجلس اقابلها زيك المهم شخبارك سامي يالدب حليان اوخص وطالع لك عظلات وحركات يعني هاه
سامي:اي افا عليك اعجبك وانا سامي بذمتك ماخقق
اماني(تخزه من فوق لتحت):اذا طلع راجا يخقق فانت تخقق(راجا سايق اماني) وطلعت تركض لدرج وهو وراها تعالي كان فيك خير تجين
اماني شافت خالته وقفت وراها
اماني:خاله تكفين فكيني منه
ام وائل:وجعه سامي وش فيك تركض وراء البنت تقول بزر
اماني من وراء خالتها تمد لسانا له تبي تغيضه
سامي(تفشل من امه)لايمه مافيه شي سلامتك
اوريك ياماني هين هين
اماني:خاله شوفيه شيقول
ام وائل:اقول سامي رح عند الرجال شف اخوك وائل ساعدهم
سامي:ان شاء الله يمه ونزل تحت
نتعرف على عايله سامي((ابوائل كان عنده شركه وهو شريك ابوجابر بالشركه كان طول وقته بشغله واغلب وقته مسافر يتابع مشاريعهم برا ومايحب يعتمد على احد بالشغل
ام وائل اخت ام جابر كانت شخصيتها ضعيفه مره وطيبه مره وتمنى الخير للكل
وائل عمره 28يشتغل معيد بالجامعه مع منصور وهو توأم روحه وصديقه ودرسو مع بعض بامريكا ومو متزوج كان ابيض وملامحها حلوه مره وهو اوسم اخوانه
بس عيبه انه مزاجي مره واذا عصب مايعرف امه من عدوه بس مايعصبه شي هين يعني لاعصب ماحد يقرب له
سامي توه مخلص دراسته من باراء طب تخصص جراحه وعمره 26 كان ابيض طويل مره وله عضلات وكانت ملامحه عاديه عيونه كبار خشمه فيه عضمه صغيره وشفايفه عاديه
لوجين اختهم الكبيره عمرها 30 سنه متزوجه وعندها ولدين توم غيث وليث عمرهم 5سنين وعايشه مع زوجها بدبي
غرام اخر العنقود عمرها 18 سنه بثالث ثانوي علمي تدرس مع اماني كانت ملامحها عاديه مره وضعيفه وطويله وملامحها نسخه اخوها سامي نفس العيون
والخشم فيه عظمه صغيره معقدتهاوشعرها قصير قصه فكتوريا لونه احمر صارخ)
اماني ركضت على غرفه غزل وقفلت الباب بسرعه خايفه من سامي
غزل:يمه بسم الله خوفتيني وش فيك
اماني وتسلم على غزل وتجلس على السريربجمب غزل
اماني:ههههههههههههههههههههههه لابس اخوك الدب بيضربني
غزل:وائل
اماني:ياليت وائل ارحم بسرعه ينسى الاسامي
غزل:اوف مسرع لحقتم تهاوشون توكم تشوفون بعض
اماني:ههههههههه ياختي والله ماصبر يدي تحكني الاعلق عليه
غزل:اقول وش رايك فيني.؟
اماني:تجننين
غزل:امانه يعين انخطب اليوم
اماني:مالت عليك وانتي هذا همك بس تفكرين بالزواج
غزل:اي والله اجل لومافكرت بالزواج افكر بمن..؟؟
اماني :وع تو الناس حبيتي انا لاخلصت جامعه وتوظفت يصير خير
غزل:ياويل قلبي عشان تعجزين وماحد يناظر فيك
اماني(بغرور):لاياحبيتي انا كل ماكبر احلو واصير احلى واحلى(تغني
ضربتها غزل بالمخده :من زين صوتك تغنين عندي
اماني:مالت عليك وتروح تعدل قدام المرايه
نغمه مسج كان جوال اماني اماني قرت الرساله وابتسمت
غزل:من الي مرسلك عشان ابتسمتي هلابتسامه
اماني:لاوشي مومهم
يدق جوال غزل كانت شهوده يتصل بك
غزل :هلا وغلا شهوده اي اصعدي لغرتي فوق انا واماني بغرفتي طيب اللحين ننزل
غزل:اماني شهد دقت تقول المعازيم وصلو امشي ننزل
اماني :اخاف سامي هنا
غزل:هههههههههههه دامك خايفه منه ليه تحرشين فيه من البدايه
اماني:يوه منك غزل والله ماتسوى علي مجنون اخاف يسوي فيني شي
غزل:طيب بشوف هو موجود ولالا اول ماطلع صكي الباب بسرعه
اماني :طيب
طلعت غزل وصكت اماني الباب
غزل:اماني وجعه يالمال الخبال صكيتي ع فستاني كل هذا خوف
اماني:ههههههههه طيب وفتحت الباب
غزل :شكله مو هنا يالله انزلي
اماني كانت نفس فستان اختها شهد وطالعين كانهم توأم بالمكياج يجنون والكل يسأل عنهم
وامهم موصيتهوم مايتحركون من المجلس
اماني جالسه بجمب اختها شهد
جت زوجات اخوانهم وفاء وغزل غزل كالعاده تعمد البساطه والنعومه ولابسه تيور ابيض وبدي ابيض ضيق حيل على جسمها وحزام وردي على الخصر
ومكياج مره ناعم وردي
اما وفاء كانت لابسه لبس اسود وسيع ورافعه نص شعرها وشكلها يجيب الهم
اول مادخلت وفاء اماني ماتت ضحك على شكلها وشهد عصبت من وفاء تفشل الي ماينفشل اللحين كيف تعرف صديقاتها عليها
شهد:تقرص اماني اسكتي فضحتينا الله يفضحها شوفي لبسها نعبو دارها لو ماعرف اخوي كان قلت انه بخيل
اماني:يايمه يابطني من الضحك شوفي شعرها بس ياحلو الي يحرقه لها تفشل الله ياخذها لبسها لبس قرويه
شهد وتبتسم غصب مجامله لناس
خلص العشاء وراحو المعازيم بس بقى شهد واماني وامهم جالسين بالصاله يسولفون وضحك دخل وائل وسامي (طبعا اماني وشهد مايتغطون عنهم ويسلمون عليهم
كأنهم اخوانهم عادي)سلمو عليهم وجلسو يسولفون وائل مانزل عيونه من شهد صارله فتره موشايفها بس البنت محلوه حيل وحيل عاجبته
شهد كانت حاسه بنظراته بس تجاهله وتظن انه سراحان بشي ماتدري انه متنح فيها دق جوالها واستأذنت وراحت تكلم بالحديقه
شهد:هلا حبيبي سوري تأخرت عليك بس انا اللحين بيت خالتي
وانا اشتقت لك اكثر واكثر
حبيبي لارجعت للبيت اكلمك
اللحين ماقدر اوك مع السلامه
ورجعت لصاله وتحس ان العيون كله عليها
شهد :هذي وحده من البنات تسال اداوم ولالا جد ماعندها سالفه فاضيه بقوه وصرفتها
وائل:شهد انتي باي سنه
شهد:اخر سنه بالجامعه وافتك اف طفشت من الدراسه
وائل:تخصصك عربي صح
شهد:افا بس ماهقيتها منك ماتدري بنت خالتك وش تخصصها وش عربي لاتخصصي انجليزي
وائل:ههههههه لاسوري بس العقل ضارب من الجامعه موفقه ان شاء الله تحملي هانت دامها اخر سنه بس عاد الله الله بالشهاده الي ترفع الراس
شهد:اي افا عليك انا شهد مارضى اقل من الاولى
اماني:كح كح اشرقت بالعصير
غزل:وتطق كتف اماني بسم الله عليك
اماني :وجها حمر من الضحك
سامي:وش فيك
اماني:لاولاشي بس جاني مسج مت الضحك عليه
سامي:طيب ضحكينا معك وش المسج
اماني(وتعطيه نظره):لاقلت لي من تراسل صارلك ساعه تبوسم كل ماجاك مسج بقولك المسج
سامي:بل مراقبتني حضرتك
اماني:هههههههههههه كلنا ملاحظين بس حضرتك بعالم ثاني
دق جوال وائل
شنو
متى اللحين
اللحين اللحين جاي طيب طيب بالطريق
وطلع بسرعه براء البيت
ام وائل :وائل وائل
سامي يمه رح اللحق اخوك شف وش السالفه
سامي طلع ركض وراء وائل بس مالحقه وائل حرك سيارته بسرعه
دق عليه وفهمه سامي وش السالفه
سامي احتار مايديري وش السالفه ولاكيف بيقولها لامه واخته وخالته وبناتها
دخل سامي وجه قالب ويعطي اللوان
ام وائل:سامي يمه وش فيك
سامي:هه لايمه مافيني شي
ام وائل :وائل وينه وش صار يمه ابوك فيه شي
سامي :يايمه ابوي نايم فوق وش فيك انتي
ام وائل :اجل وش فيه
سامي:لوجين جت بالمطار
ام وائل:لوجين ليه وش فيها متى جت وليه ماحد قالي يمه بنتي فيها شي
سامي:يايمه هدي مافيها شي البنت جايه مسويه لنا مفجأه هذي السالفه وابتسم غصب
ام جابر(بشك):الحمدلله على سلامتها المهم انها وصلت بخير
شهد:يالله ماما نمشي للبيت
ام جابر :ننتظر اول شي لوجين بنسلم عليها وبعدين بنروح للبيت
سامي:لالالالالا
اماني:وشو الي لا
سامي:لوجين بتأخر
صراحه لوجين .........لوجين
ام وائل:وش فيها بنتي
سامي:يمه لوجين بالمستشفى
ام وائل:يمه بنتي وش فيها مو تو وصلت وش صار ببنتي
سامي :يمه هدي وانا اقولك كل السالفه
ام وائل:اي سالفه ودني لبنتي اللحين
قطع عليهم صوت بكى طفل كانت الشغاله جايبه ليث وغيث
الشغاله:ماما هذا سايق جيبي
ام وائل( كانت مصدومه ) ماتدري وش السالفه
سامي: منو جابهم
الشغاله:بابا وائل دقي على سايق جيب هذا بيبي جيب شنطه كولو من مطار
سامي :طيب روحي اللحين ويدق على وائل واخذ منه عنوان المستشفى
سامي:يمه امشي نروح يالله
ام جابر :بروح معكم هذي لوجين بنتي الرابعه
غزل :,انابروح
اماني:وانا بعد
سامي :هو عرس و كلكم تروحون هذا مستشفى بس امي وخالتي وانا بدق عليكم واطمنكم مع السلامه
وراح هو وامه وخالته للمستشفى

***********************

شجون نزلت تحت توصل عبير لباب
وراحت للمطبخ تبي تشرب ماء جذبها صوت التلفزيون كان فيلم اجنبي جلست عليه ونادت الشغاله تجيب لها ماء
اول ماشافت مسدسات وبداء اطلاق النار بالمسلسل
فجأه قامت تصرخ وتحط ايدها على اذنيها ماتبي تكره صوت المسدس اطلاق النار قامت ترتجف
نجنت الشغاله ماتدري ركضت تنادي احد الاجاء ابوها على صراخها حاول يهديها ويضمها ويطفى التلفزيون شجون ماكانت منتبه لهم ولاتسمع لهم
كانت تبكي وتصرخ باعلى صوتها ونامت وهي تبكي ولاجفت دموعها
......................................


الفــــــــــــــــــصل الثــــــــــــــــــــانـــــــــــي

انصدم لما شاف شكل اخته وكلها كدمات وجروح لوجين كانت ظعفانه وكأنها هيكل عظمي وجسمها كله كدمات وفيه اثار جرح على وجهها
مازال مصدوم من شكلها والي يشوفها يقول عمرها 50 مو30 كان منظرها يكسر الخاطر
انزلت دموعه غصب وهو يتحلف بلي سوا فيها كذا
جت امه وخالته مع فارس
فارس :وائل وش السالفه فهمني ياخي
وائل :علمي علمك مدري عن شي ننتظر الدكتور يطلع
ام وائل:ياويل قلبي بنتي وش فيها تكفون جيبو لي بنتي ابي اشوف بنتي
ام جابر:اهدي ان شاء الله مافيها الاخير ومافيها الا العافيه
فارس:يايمه اهدي مافيه شي فضحتونا بالمستشفى
طلع الدكتور ولحقه وائل وفارس
وائل:دكتور طمنا وش فيها
الدكتور:انتم بتقربو لها..؟؟
فارس :اي حنا خوانها
الدكتور:هي متزوجه
وائل:ايه متزوجه بس زوجها مسافر
الدكتور:طيب تعالو معي نتكلم بالمكتب
دخلو مع الدكتور لمكتبه
جلس الدكتور يتامل بالاوراق الي بين يديه
الدكتور:اختكم متعرضه لضرب فيها كدمات وجروح مو طبيعيه واثبتت التحاليل ان ماصار لها اسبوع مجهضه وتحتاج لعمل تنظيفات وهي اللحين بتكون تحت المراقبه
سامي وائل :ماكان عندهم كلام صدمتهم سكتتهم
الدكتور:حنا لازم نفتح تحقيق بالموضوع والشرطه بتكمل باقي الاجراءت
وائل:شرطه
سامي:لاوش شرطته يادكتور مانبي فضايح
الدكتور:هذي الاجراءت القانونيه واختكم مضروبه ويمكن ضرب فيه شروع بالقتل جسمها كله ضربات ويدها اليسرى مكسوره ومجهضه هذا غير الكدمات وحروق الي بجسمها
وائل :حروق
الدكتور:اي حروق واثار سجاير بكل جسمها وين زوجها..؟؟
وائل وناظر سامي
وائل:والله لوكان الكلب مسويها لاذبحه واشرب من دمه الحيوان
وطلع براء الغرفه مسرع ومايشوف احد
سامي يركض وراء وائل سامي مسك يد وائل وقفه
وائل هد انت مجنون وش بتسوي اللحين
اسوي وش رايك وش اسوي يعني اوقف اتفرج على شكل لجين انا طالع للكلب والله لاربيه والله مايشفي غليلي الادمه الحيـــوان
سامي:وائل اهدئ مانبي مشاكل تعوذ من ابليس يارجال وعين من الله خير
وائل (بصراخ):انت انثبر هنا وماعليك مني فاهم
سامي:قصر صوتك فضحتنا
وائل:اقولك هدني وبعد عني رح عند امي وخالتي طمنهم ودهم للبيت
سامي طلع جواله على طول ودق على ابوه يقوله الي صار وبعد نص ساعه جاء ابوه
سامي يدق على فارس بس جواله مقفل ماقال لابوه عن وائل كفايه حالته بعد ماشاف اكبر بناته بهلوضع حتى عدوه مايتمنى يشوفه بالشكل هذا
كيف بكره واغلى اولاده
الساعه 3 ونص الفجر وتو طلعت لوجين من غرفه العمليات تطمنو عليها وراحت امها للبيت غصب فارس اصر انها ترجع معه للبيت
وام جابر تعبانه وصل خالته لبيتها وامه من دخلت اكلت علاجها ونامت
اماني وشهد كانو مع غزل بغرفتها ويحاولون يهدونها
اماني سمعت صوت سياره دخلت للبيت وراحت قالت لشهد ويبدلون بجاماتهم(غيرو لبسهم ولبسو من بجامات غزل)
غزل(بصراخ):سامي سامي(كان سامي على الدرج بينزل)
سامي:هلا غزل اوص وطي صوتك امي نامت
غزل :سامي لوجين وش فيها لاتكذب علي قلي الصحيح وش فيها
سامي:ادعي لها
غزل:ماتت
سامي:بسم الله عليها لامامت
اماني(جايه تركض):من مات
سامي:وطي صوتك انتي الثانيه وسحبهم تحت ونزلهم لصاله ماحد مات هي اللحين بالعنايه
شهد(جت تركض مالحقت تغير لبسها ولبست جلال الصلاه ونزلت):وش فيه وش فيها لوجين سمعت بالعنايه
سامي:اي بالعنايه وحالتها صعبه شوي
غزل:لجين وطاحت بالارض تبكي
اماني تحاول تقومها غزل استهدي بالله يابنت مافيها الا العافيه
غزل:لوصار بلجين شي والله لاموت ابي اشوفها
سامي:غزل تكفين ماني ناقصك تكفين قومي والله الي فيني كافيني وطلع برا البيت
شهد واماني صعدو غزل لغرفتها

كالعاده جايه متأخره مع شجون عبير فاتنا الطابور رشود الحين وش يفكنا من اللسان عجوز النار(المديره)
عبير:ليه هوانا متى حضرت الطابور اصلا عادي المفروض تعود على هالشي
شجون:ههههههههه اقول رشود امش قدامي خلنا ننحاش للفصل بسرعه
عبير:لاوين الفصل لازم اول شي اشوف حبيتي واصبح عليها بعدين يصير خير
شجون:رشود حبيب قلبي انت مو اللحين بعدين بس خلنا نهج قبل لاحد يشكنا
عبير:طيب عشانك بس
ركضت عبير وشجون ونحشه للفصل كان الفصل كله برا الفصل الي واقفات عند الباب والي يتمشون بالممر والاستاذه غايبه
عبير وشجون حطو شناطهم وطلعو بسرعه من المبنى الادبي رايحين لمبنى العلمي
شجون:رشود فصل حبيتك تحت ولافوق
عبير:لاتحت هذاك اخر فصل شجون اسمع اطلب منهم اي شي ولاقل هنا منى اي اسم من عندك وانا بقز البنات ماعرف وين مكانها بالفصل
شجون وتطق الباب استاذه تسمحين
الاستاذه:تفضلي
شجون:منى الجابر هنا عبير وتقز البنات وحده وحده
وحده من البنات لاماعندنا احد بالفصل اسمه منى
عبير:اماني مداومه اليوم
نفس البنت:لامو مداومه غايبه
الاستاذه:بنات انتم تبون اماني ولامنى
شجون:لاخلاص استاذه مو موجودين وطلعت وصكت الباب
عبير:اف وش هالحظ غايبه
شجون:رشود امش ندور لك غيرها لما داوم
عبير(وعطت شجون نظره)ليه هو فستان ندور لك غيرها تدري اني مابي غيرها
شجون:هههههههههههههههههههههههه
يلعن خشمك امش وانت ساكت بس فيه وحده خقق بثاني 1 بس شكلها مخاويه
عبير:ولايهمك اخليها تتركه بس دلني عليها دامها حلوه
شجون:ااآه وحطت يدها على بطنها وجلست على الدرج
عبير:شجون وش فيك
شجون:كانت من قوه الوجع كانت تعض على شفايفها وطلع الدم من فمها
عبير(خافت لما شافت شكل شجون كيف تعصر من الألم):وش فيك خوفتيني
شجون:لاخلاص شوي ويروح الوجع
عبير:انت من صجك وش فيك انادي لك الدكتوره
شجون:لامايحتاج خلاص
عبير :وش خلاصه انتي صاحيه انتي
شجون(بصوت عالي شوي)لاخلاص انا اللحين بخير تطمن
عبير(شافت شجونعصبت وسكتت ورجعو لفصلهم)
عبير راحت سألت وجدان عن اماني وقالت اماني انها تدق عليها من الصبح بس جوالها مقفل(طبعا البنات كلهم معهم جولاتهم ويخبونها لانها ممنوعه)


الساعه 2ونص ضهرا
بشركه الجدلان وشركأه بمكتب المدير (http://forum.mn66.com/t252834.html) العام (ابوجابر)
جابر :اي يبه بس انا الحمدلله مرتاح مع زوجتي ولا أبي اتزوج
ابوجابر:بس انا ماقلت لك تزوج لعب انت تعرف هذا الزواج مهم لنا وسمعتنا وعايله الجبار الكل يتمنى يناسبهم وانا ابوك وناس معروفين وماعليهم كلام وامك كلمتهم واهم موافقين
ولو عندي ولد ثالث ماقلت لك تزوج على بنت عمك وبنت عمك حقها بيجيها انا شريت الفله الي بجمب بيتنا تعيش فيها هي وبناتك وحرمتك الجديده
بتأخذ جناحكم ببيتنا (طبعا جناحهم كان مره فخم وحتى له حديقه وباب خارجي يعني كأنهم في بيت مستقل)
جابر:طيب يبه قل لمنصور
ابو جابر:انت تستهبل اخوك ماصار له سنه متزوج تبيني ازوجه خلاص مايبي لها كلام جهز نفسك اليوم بالليل نروح نخطب وماعندي كلام ثاني
طلع جابر من مكتبه وهموم الدنيا عليه كيف يتزوج فجأه يجيه ابوه يقوله بزوجك وهوعارف ان مثل ماغصبه المره الاولى وطرده من الشركه عشان يتزوج
غزل يسويها اللحين يعني ماعنده خيار الا الموافقه بس كيف بيقول لغزل عن الموضوع
فتح ازرار ثوبه يحس انه مخنوق وطلع يفرفر بسيارته يمكن يلقى له حل ولاصرفه مع هالمصيبه
الساعه جت 8 وللحين وهويفرفر قطع تفكيره صوت جواله
كان الوالد يتصل بك
جابر:هلا يبه
ابوجابر:انت وينك اللحين يالله تعال نبي نروح لناس
جابر:دقايق واجي
دخل جناحه من الباب المخصص له دخل ماتمنى يلقاها لاكن صدمته انا جالسه تنتظره كانت عيونها حمراء ومنفوخه من البكاء وقف مكانه وهو يناظر لها
مابيده شي غصب عنه كان يحاول يفهمها بعيونه بس صدمته انها جابت له ثوبه والمبخره
غزل:مبروك يامعرس هذا ثوبك جديد عسى الله يهنيكم وحطت المبخره ودخلت الغرفه وقفلت عليها
جابر(يطق الباب عليها)غزل غزل افتحي افهمي وش السالفه والله غصب عني ياغزل
غزل(بصراخ)روح عني اتركني بحالي اتركنــي
دق جواله طاعه من جيبه كان الوالد يتصل بك نفسه يكسر الجوال بالجدار
جابر:هلا يبه طيب اللحين جاي
لبس بسرعه واول مانزل الامه قدامه مبروك يمه مبروك
جابر (يبتسم مجامله لأمه)الله يبارك فيك يمه ويحب راسها
منصور:اوخص يالمعرس من ورانا تزوج يالدب ويضمه مبروك ياخوي مبروك والله يتتم على خير ان شاء الله
راحو الرجال للخطبه وطبعا ام جابر اعتذرت لأم العروس عشان ظروف بنت اختها لجين وطبعا كانت ام العروس مره مقدره وتفهمت الوضع
ام جابر وشهد واماني راحو لبيت خالتهم ام وائل
اماني وشهد مو عاجبهم خطبه اخوهم بس افرحوله وتمنو الي مكانه منصور مو هو لان غزل طيبه معهم موزي الغيبه البارده على قولتهم وفاء
طلب جابر انه يشوفها شوفه شرعيه
كانت العروس ملاك وحيده اهلها ومدلعه حيل عمرها 24 سنه كانت دلوعه ومغروره مع ان جمالها عادي مره موحلوه ولاشينه يعني عاديه
مخلصه الجامعه تخصص اداره اعمال
كان جابر جالس ينتظرها بالمجلس ودخلت مع ابوها ومها العصير جابر انصدم فيها وبجماله عكس زوجته غزل كانت ملاك جسمها ضعيف شوي
وشعرها بنتي لنهايه ظهرها وطوله واحد ومحدد وكثيف مره وحواجبها شاينيز ورافعه شعرها بف صغير من قدام وكان يميزها شامه فوق شفايفها
مع هذا ماأثارت اي اهتمام هو قلبه لغزل وبس اخذ العصير وابتسم لها وهي طلعت على طول
اول ماطلعت اسحبتها امها مع شعرها وملاك صرخت
ام ملاك:اوص ولاكلمه
وسحبتهامع شعرها ودخلتها الغرفه وقفلت عليها الباب واخذت المفتاح معها
ملاك(من بين شهقاتها) :حرام عليكم ليه تسون فيني كذا انا بنتكم وعيونها تنتقل بكل زاويه بالغرفه صار لها شهر وهي محبوسه بالغرفه ويوم طلعوها
عشان يورنها واحد حتى اسمه مو عارفته بس الي عرفته انها بتزوجه وبس
قامت تبكي ظلم واسىء وندم وشوق اشتاقت له واندمت انها عرفته ياما تمنت تترك الشرقيه وتجي لرياض بس عشان تشوفه قلبها معه مو مع غيره
ااااه اشتقت لك ياليتني ماعرفتك ولاشفتك ياليتني مت قبل اشوفك ياترى وينك اللحين وكيفك فقدتني اكيد انه فاقدني
ونفجرت بالبكاء من قهرها مسكت ثوبها من عند الصدر وشقته ماتبيه ماتبي تزوج كيف تزوج وهي قلبها معه ناظرت لشكلها بالمرايه
وكيف صايره هي نفسها ماعرفت نفسها تحس انها موهي الي قدام المرايه قامت تحسس وجها بيدها وكحلها الي سايل عظام وجها بارزه عيونها ذبلانه
ناظرت بيدها وجسمها وكأنها اول مره تناظر لنفسها او انها جالسه تناظرشخص ثاني هي نفسها انصدمت من شكلها عضام صدرها بارزه
اتحس انها غريبه تذكرت كلمته لماقال لها لاتضعفين ولاتسمنين جسمك عاجبني وقامت تبكي على حالها وحاله
هي الي اصرت على اهلها ينتقلون لرياض عند خوالها بس عشانه عشان تبقى قريبه منه عشان تتنفس الهواء الي تنفسه اعشقت الرياض من عشقها له