PDA

عرض كامل الموضوع : الوزة التي أكلت الرئيس!!



issam.obayd
03-12-2013, 01:01 PM
سمير الجمل يكتب ...


الوزة التي أكلت الرئيس!!







http://www.alnaharegypt.com/upload/press/13/11/29/13857181333702.jpg
سمير الجمل








من شدة ذكاء الرئيس المعزول لا يميز بين الحبس في سجن.. أو في مطعم فهو لا يحب سوى أكل البط والوز والأسماك.. والحلو بسبوسة المرشد «بالقشطة» ومع ذلك جاءوا إليه بـ«الوزة»!
الوزة: تحت أمرك يا مسجون؟
مرسي: أنا الرئيس يا وزة.
الوزة: وأنا الوزة يا أكيل!
مرسي: حضرتك جاية تهزري مع الرئيس؟ أنا ممكن أخليهم يقدموكي للأسد بتاع جنينة الحيوانات!
الوزة: إنت لسة عايش في الدور؟
مرسي: قلت لك احترمي نفسك.. وإيه رأيك بقى عشان قلة أدبك مش هاكلك.. وهاخلي العدس ينول الشرف لأنه أحسن منك واتكلم معايا بكل احترام.. أنا ممكن أديله وسام «أبو جبة» بعد ما أرجع قصر الاتحادية إن شاء الله.
الوزة: خلاص خلي العدس ينفعك!
مرسي: وانتي هتروحي فين؟
الوزه: أولى بيا عسكري سهران بيحرس طول الليل.
مرسي: وكمان بتحبي العسكر؟
الوزة: لا يا سي مرسي.. بكرة أطلق دقني.. وأتاجر بالدين.. عشان أعجبك أنت والعشيرة.
مرسي: وبتقولي مرسي حاف من غير رئيس؟!
الوزة: أيوة باقولها.. أنت نسيت نفسك ولا إيه..؟ يا بتاع وادي النطرون!!
مرسي: بطلي قلة أدب.. واتفضلي اخرجي برة!
الوزة: هاخرج.. بس هاخد معايا الرز والسلطة والعيش والبلح..!!
مرسي: بأمارة إيه؟
الوزة: لأن الرز والوز إيد واحدة!
مرسي: أنا شاكك فيكي!!
الوزة: لازم تشك لإني مواليد ٣٠ يونيو.
مرسي: انقلابية!!.. يبقى لازم أكلك.
الوزة: مشد هتقدر لأني هاقف في زورك!
مرسي: وأنا هادبحك!
الوزة: زي رجالتك ما عملوا مع جنودنا في رفح؟!
مرسي: انتي أكيد جاية من مطاعم الجيش.
الوزة: لا يا «موورسي» جاية من عشة رجب أفندي أردوغان ومتزغطة في الدوحة.. وعديت شوية على سطوح البيت الأبيض!
مرسي: يا بنت الو…زة أنا مضرب عن الطعام!!.. حتى لا يقال إن الرئيس جاء يأكل الوزة أكلته!!