PDA

عرض كامل الموضوع : امتحان....



ملك
04-10-2003, 01:05 AM
السلام عليكم و رحمة الله وبركاته
بسم الله الرحمن الرحيم
و الصلاة و السلام على أشرف المرسلين
من ليس من نفسه أنو يطلع من العشرة الأوائل على الثانوية العامة أو الكلية
و يأتى فى حفل التكريم و أبوه و أمه فى الصف الأول و كل الحاضرين بيصفقوا له
و المدير أو العميد يصافحه و الدكاترة و كل الناس بتضحك فى وجهه
شعور خرافة لا يوصف
كل ده عشان طلعت الأول على 5-10 ألاف طالب و طالبة
و يا سلام لو كانت ثانوية عامة التيليفزيون و الأذاعة و الصحف و الجيران و البوابين
يجيوا لحد عندك عشان كلميتن تقولهم لهم
و الوزير يجى يكرمك
كل ده عشان طلعت الأول على 300 ألف طالب و طالبة
تخيل أن أنك تطلع الأول على
1,300,000,000 مسلم و مسلمة

لأ ومين اللى هيعطيك الجائزة
الله
و من صنعها و أعدها
الله

و اللى الناس التى سوف تشاهد تكريمك كم عددهم


تخيل

البشرية جمعاء
من لدن أدم إلى أن تقوم الساعة
لأ و مش بس دول
لأ كمان الملائكة
عشان تتخيل عدد الملائكة
كل يوم يدخل البيت المعمور 70,000 لا يعودون إليه أبدا

ها
بدأت تهتم بالموضوع
طيب عشان تطلع من العشرة الأوائل
لازم و أكيد تدخل أمتحان
حاجة منطقية
مفيش حد بينجح من غير ما يدخل أمتحان
طيب أيه هوا الأمتحان
أنت عندك أمتحان كبييييييييييييييييييييييييييير
عمرك من أوله لأخره
و عندك أمتحان تانى صغير زمنيا بس حاجة خرافة فى الأجر
رمضان قرب وبقى على الأبواب
فيضان حسنات و لا فيضان سيدنا نوح
و بلاش نقعد نقول هنعتق من النار بس
لماذا ضعف الهمم ده لماذا لا نخرج من رمضان و ينطبق علينا قول رسول الله صلى الله عليه و سلم لعثمان ) ما ضر عثمان ما فعل بعد ذلك )
إليك القواعد

1- مدة الأمتحان 30 أو 29 يوم
2- أخر 10 أيام مهمين خالص
3- الليالى الوتر ( الفردية ) مهمة جدا فمتستهبلش فيها و تخليها زى ليالى إظلام المدنية
4- الحسنة ب70
5- السنة بثواب فرض
6- الشياطين مصفدة (محبوسة) يعنى مفيش حد بينخرب وراك
7- قيام الليل جماعة سنة
8- أول 10 أيام رحمة
9- أوسط 10 أيام مغفرة
10- أخر 10 أيام عتق من النار
فيه ليلة bouns (مش عارفة معناها أيه بالعربى اللى عارفه يكتبه)
ب 80 سنة مجهولة الميعاد بس هى إما 21 ،23،25،27،29
طبعا
الله سبحانه و تعالى هو الرقيب
ثم هناك مراقييب عن اليمين و الشمال لا تفوتهما شاردة و لا واردة


1- الدعاء
2-الدعاء
3- الدعاء
4- الدعاء
5-الدعاء
6- الدعاء
7- الدعاء
8- ترك المعاصى
9- الصحبة الصالحة
10- تنظيم الأعمال و الأوقات
أحضر و رقة و مسطرة و قلم و أرسم جدول
و أكتب الأعمال و ظبط الأوقات عليها و ألتزم بها تماما

* نبذة عن الأعمال

1- القرآن أختم على مقدار ما تستطيع
2- الصلاة الفروض فى الجامع و التكبيرة الأولى
3- سنن الصلاة 12
4- قيام الليل 8 أو 20
5- التهجد 11
6- الصدقات
7- الدعاء للمسلمين
8- أدخال السرور على قلوب المسلمين - محدش يتعبط و يروح يصاحب بنت و يقول بنية أدخال السرور عليها و أهى قلب مسلم
9- الأذكار ( الصباح و المساء و أذكار الحال<ركوب الدابة و الخلاء و النوم....إلخ> )
10 - دعوة الناس إلى الإسلام
11- عمرة
12- الجلوس بعد صلاة الفجر جماعة لذكر الله حتى طلوع الشمس و صلاة ركعتين كأجر حجة و عمرة تامة تامة تامة * صلاة الإشراق
13- دعوة المسلمين عشان يقربوا من ربنا
14- البر و صلة الرحم
15- الدال على الخير كفاعله قول لأصحابك على أى عمل خير
16- قم بزيارة لأى دار أيتام و أدخل السرور على قلوب بريئة وأقعد ألعب معاهم هيفرحوا خالص
17- الصلاة على النبى صلى الله عليه و سلم
18- الإستغفار

من بريدى

مسطل
04-10-2003, 02:07 AM
جزاك الله خير !! وجعل الله كل حرف كتبته في ميزان حسناتك !!
ونقل موفق يالغالي !! وكثر الله من امثالك !;)


تحياتي

بنت الاسلام
04-10-2003, 02:17 AM
جزاك الله خيرا اخت ملك واود ان اضيف امرين مهمين جدا علينا ان ننتبه لهما قبل رمضان وسانقلهما كما قراتهما فقد اعجبتني كلماتهما

1- خللوا بالكم من الشيطان هيتسلسل من 1 رمضان :evil: عشان كده مش هيسيبك :twisted: الا أما يكعبلك في ذنب يفضل معاك رمضان كله .. مثلا يعرفك على بنت و يسيبك هوه و يمشي .. خناقه ما بين زوج و زوجته و مشاكل تضيع رمضان عليهم .. ركز قوي و خد بالك .. الشيطان أكيد دلوقتي محضرلك كارثه أو مصيبه يعملهالك قبل ما يمشي و يسيبك .. اللهم سلم .. اللهم سلم .. اللهم سلم ..
2- شعبان ان شاء الله يبقى شهر تجهيز لرمضان :shock: .. أصل لو استنيت تشد في رمضان أسبوع و هتقع .. عشان كده عود نفسك من دلوقتي


قال رسول الله صلى الله عليه و سلم :
" من صام رمضان ايمانا و احتسابا غفر له ماتقدم من ذنب "
هتقول صعبه اني أجيب صيام رمضان كله ايمانا و احتسابا .. ييجي الحديث اللي بعده .
" من قام رمضان ايمانا و احتسابا غفر له ماتقدم من ذنب "
ممكن تقول صعب برده اني أجيبها كل ليله . يقولك طيب
" من قام ليلة القدر ايمانا و احتسابا غفر له ماتقدم من ذنب " ..
عارف اللي عايز يغفرلك و يرحمك و خلاص .. سبحان الله


البرنامج العملي جدا يساعدك على الآخر : ( اعمل ورقه النهرده و حطها في غرفتك و كبرها و بروزها و حطها في حته باينه .. عشان تبص عليها كل يوم 8-) .. الواحد لما بييجي رمضان بيتوه و يقول أنا عايز أعمل حاجات كتير بس ايه هيه ؟! .. عشان كده اعمل الورقه من دلوقتي)

اللهم بلغنا رمضان هذا العام , اللهم اجعلنا من عتقاءك هذا العام , اللهم بلغنا ليلة القدر , اللهم اجعلنا ممن يصومون رمضان ايمانا و احتسابا و يقومون رمضان ايمانا و احتسابا و يقومون ليلة القدر ايمانا و احتسابا .. يارب العالمين ..

ملك
04-10-2003, 09:14 PM
أخى الكريم مسطل
شكرا جزيلا لمرورك وردك

أخت العزيزة بنت الاسلام
شكرا جزيلا لمرورك واضافتك القيمة

جزاكما الله كل خير

بنت الاسلام
07-10-2003, 05:14 PM
واياكي يا اختي العزيزة

ملك
11-10-2003, 01:58 PM
:)
:)
تحياتى أختى الغالية