PDA

عرض كامل الموضوع : لـــــعــــنــبو امــــريكــــا



بليز وخر شوي
07-10-2003, 08:53 AM
انا عادة اعمل تنظيف للوجه وآخر صابون لقيته جابته لي إختي دلال من فونتين فرانس وهو عبارة عن كريم برغوة (على وزن ادغام بغنة) ، وكنت من زمان اعمل التنظيف عشان الحبوب (اللي راح مخه بعيد يرجع ثاني بليز) بعدها صرت اسوي تنظيف عشان البثور ، بعدين عشان البزور ، وامهم .

طبعا الإشاعة اللي طالعة على معجون أسنان (كلوز أب) ضرتني كثير ، وهي ان المعجون ما يستخدمة الا الشاذين ، ورغم ان هالإنطباع مهو موجود برا ، الا اني حاولت اتعرف على السبب ولقيت انه بسبب دعايتهم في تلفزيونا ، فالشركة متعودين يقدمون المعجون على انه منتج شبابي (ابيض واسود) والعيال والبنات يقربون من بعض (فيري كلوز يعني) ويقزون اسنان بعض ، ويحبون بعض بعدها ، وعشان ممنوع عندنا ، خللوا العيال مع العيال ، وصار اللي صار ، وبطلت من وقتها استخدم هالنوع وراحت أسناني وطي ، وتكونت طبقة (البليك) وللقراوا اقول انها مالها علاقة بالبلك .

فطوري.. عصير برتقال فكة الريق ، والبرتقال اللي تشوفونه في اسواق الخضار عندكم ممكن يستخدم عصيره كموية بطاريات ، لأن اللي ما ذاق عصير برتقال تروبيكانا ما قد ذاق برتقال ، ممكن فول ، بس يكون كاليفورنيا ، ومزاجي الصباحي يتعدل بأميريكان كوفي ، بلاك نو شوقر ، وأحيانا وليس دائما اخلطه بكوفي ميت (يا بعد حيي وميتي ) .

ملتزم بالدوام ، يعني ثمان بالزبط انا على المكتب ، يسموني في العمل مستر بيق بن ، وعشان توصل ثمان يابوالشباب لمكتبك عندنا في الخبر لازم تطلع من بيتكم سبعة والا سبعة وربع ، وتكون معاك سيارة محترمة عشان تعامل بإحترام على الطريق وما تتعرض لمفاجآت الطريق ، انا موالي للنكولن ، منذ ان كان عمارة تسير على اربع في الثمانينات والى اليوم ، اودي اخواني لمدرستهم ، اللي نظامها امريكي ، لدرجة انهم يودعوني وهم نازلين باي بيق براذر ، وابوي دادي، وطبعا الشاكوش يفق خشته ، لأنه مستكثر الهاي تكنولوجي عليه هو وارد الظهيرة . :cry:

اليوم اتصل علي في الطريق صديقي ابو هشام ، والموتوريلا الجديد فيه ميزة انه ممكن يشعرك بالمكالمة بس ما يزن عليك ، هلا ابوهشام صباح الإشراقة ، عازمني على الغدا ، سم أنت تآمر علي أمر ، في ستيك هاوس وحدة ونص sharp .

في العمل .. الهيد إيك المعتاد ، اضطريت اطلع عشان اشتري هدية لعيد ميلاد اخوي بسام ، فكرت اجيب له بلاي ستيشن جديد ، وبعدين رحمت الباقين ورحت لتويز آر أص وشريت لديمة باربي وزوج باربي بعد ، ولنايف مجموعة بيكومون كلها ، ولحسن حظي كان باقي يومين وينتهي تاريخ الأميركان إكسبريس .

على الغدا مع أبو هشام ، من زمان ما شفنا بعض ، طلب مني التسجيل في نادي الإنتركونتيننتال مرة ثانية ووافقت ، وبعد الغدا اخذت لي علبة علوك تشيكلس عشان الهظم ، رغم اني شربت نص لتر دايت كوك بس ما فاد .

المساء مالي خلق على أحد ، رميت نفسي على الووتر بيد ، وخذت لي بانادول ، صحيت ونزلت عند عيال الحاره، قلبت القنوات ، وفتحت الأوربت ، انا أعز برامجهم ، اميريكا بلس خصوصا ، ومسلسلاتهم ، فريندز ليت عندي اصدقا مثلهم ، وباي ووتش (أحيه) عساهم ينقذوني يا رب ، وساينفيلد ، بس عيال الحاره دايم يبون ديزني تشانال وانا ديموقراطي . مبزره

أخبار السي إن إن اليوم تغطية كبيرة للميديل إيست ، الصدامات الفلسطينية الأخيرة ، وصور الجنود الإسرائيليين وهم يردون بالرصاص على الأطفال المساكين ، قالي بدرانهم في المدرسة يتكلمون عن مقاطعة المنتجات الأمريكية ، وقال ان معها قائمة بالمنتجات الأمريكية ومنتجات بديلة .

عاد انا قمت اقرا وانا متأثر بالوضع عموما وبحماس عيال الحاره، وبعد القراءة اكتشفت انه من السهل مقاطعة المنتجات الأمريكية ، اذا حنا سكنا في الخرج (راجع الخريطة ) .

السلطان
09-10-2003, 01:05 PM
بليز وخر شوي,

وتبي تقاطع بعد. .

ايه هيييييييين. .:lol:

مشكور على كتاباتك اللي تكون في الصميم دائما. .:wink:

تحياتي

بليز وخر شوي
10-10-2003, 06:51 PM
كل شخص واجتهاده يا بعد تسبدي 8-)

almumaiz
10-10-2003, 09:22 PM
اخي بليز
موضوعك فكاهي وكوميدي
يضحك
وبنقله الى ....منتدى النكت
حتى الاسم المستعار مضحك (بليز وخر شوي)
نحياتي لك ومشاركة حلوة جدا وانا بكل صراحة مت من الضحك

ملاحضة المنتدى السياسي جدي وليس هزلي
ويعرض المواضيع والقضايا السياسية الجادة

مسطل
11-10-2003, 03:26 AM
ههههههههههههههههههههههههههههههههههههههههه

الله يرجك يابليز

وحاط الموضوع بالمنتدى السياسي بعد ؟
ههههههههههههههههههههههههههههههههههههههههههه

والله انك مخربها :) مع اني اتحفظ على عنوان الرساله

بليز وخر شوي
11-10-2003, 06:54 AM
اول مشكور اخوي المميز على مرورك

بس يالغالي هذا الموضوع ركز فيه شوي(ان فوكس)يالشيخ انت افهم ولا تحكم وعلى العموم ما اقول شي بس اتمنى قبل ما تسوي شي يالشيخ وقبل ماتنقل اي موضوع انا كاتبه تتمعن فيه شوي راح تعرف كل موضوع اطرحه او اعرضه له غرض اوكي
وبعدين اكتب تحياتي مونحياتي والاسم المستعاار مايدل على صاحبه كح

لو يدل كان انت اسمك يضحك بعد :D اجل مميز


اخوك بليز

بليز وخر شوي
11-10-2003, 06:55 AM
اخوي مسطل مشكور على مرورك

خالد الحربي
11-10-2003, 12:19 PM
هههههههههههههههههههه


اشكرك على الدعابة والطرفة الجملية
نتظر منك المزيد

بليز وخر شوي
11-10-2003, 07:06 PM
حياك اخوي خالد