PDA

عرض كامل الموضوع : بغْلِقْ الجوال



Bin Mohayya
21-07-2005, 10:41 PM
انا اقول اسكِّر هالجهاز وبلاش هبال @!!@ لو بيتِّصل كان اتصل من قبل ساعه

تعبت انتظر والمنتظر حالته غربال @!!@ قضى الوقت ووصاله على سلك سماعه

يا ليته تعذر بالرسايل وحل اشكال @!!@ ولكن ولا فباله ولا تعَّب اصباعه

أعرف العذر بيقول سكَّر من الارسال @!!@ وهو ضاغط التسكير وانقطعت اسماعه

أو ان الشحن فضَّا وخوَّن به الجوَّال @!!@ أو انه يدق وما شبك صار له ساعه

أنا كل ليله ياالربع نفس هالموال @!!@ وإذا اشتهى يلقى للاعذار شمَّاعه

أنا الله بلاني في حبيب كثير اهمال @!!@ تعبت احترق له شوق والنفس طمَّاعه
واللي نشدني عنَّه آقول عال العال @!!@ وان وين عال العال والروح ملتاعه

ألا واعذابي كان أببطي على هالحال @!!@ تعرَّضت قيظه والطمع كان مرباعه
أنا ليه اضيَّع هاالعمر مع خَلِيّ البال @!!@ على شان منهو عرَّض القلب لاوجاعه

مصيبه إذا كان المحبه تذل رجال @!!@ وانا من زمان مجرِّب الحب بانواعه

عزيز ولا لي بالمحبه وشغل عيال @!!@ ياكثر الحبايب لاكن النفس منَّاعه

أبصبر وباكر لااتصل بغْلِقْ الجوال @!!@ ابا اذوِّقَه ظيم المحبه ولوساعه


للشاعر
بندر طلال السعيد