الفهادي
15-10-2003, 06:00 AM
كبار العزواي
ِهو مساء عشق وإلا ليل طيش وشطانه = وشيبي هالغرير اللي شعوره نحاويِِ
مرني تلعب ايام الصبا في عنانه = غض الاشواق وعيونه عيون الهواوي
الله اعلم متى سبعه تعانق ثمانه = الوكاد انها ماهي ورا هالحراوي
ليت قلبه مثل عوده يشوق ليانه = كل مامرته نسمه تبعها مخاوي
وان تثني يامال الكسر يالخيزرانه = وش تشفون لو مهو جفول حياوي
في عيونه حديث الكحل ياكبر شانه= ما ترده عن مراده كبار العزاوي
الله الي ملا عينه حنان وميانه = لين تلت معاليقي برمشٍ رهاوي
كل مالاح براقه تهادى حنانه = واهني من نزل في روض قلبه خلاوي
ان فقدته لقيت اقصى ضلوعي مكانه= وان نشدته يقول اني بقلبه فداويِ
ِهو مساء عشق وإلا ليل طيش وشطانه = وشيبي هالغرير اللي شعوره نحاويِِ
مرني تلعب ايام الصبا في عنانه = غض الاشواق وعيونه عيون الهواوي
الله اعلم متى سبعه تعانق ثمانه = الوكاد انها ماهي ورا هالحراوي
ليت قلبه مثل عوده يشوق ليانه = كل مامرته نسمه تبعها مخاوي
وان تثني يامال الكسر يالخيزرانه = وش تشفون لو مهو جفول حياوي
في عيونه حديث الكحل ياكبر شانه= ما ترده عن مراده كبار العزاوي
الله الي ملا عينه حنان وميانه = لين تلت معاليقي برمشٍ رهاوي
كل مالاح براقه تهادى حنانه = واهني من نزل في روض قلبه خلاوي
ان فقدته لقيت اقصى ضلوعي مكانه= وان نشدته يقول اني بقلبه فداويِ