PDA

عرض كامل الموضوع : ضيدان المريخي



الفهادي
15-10-2003, 06:18 AM
عسى ليلٍ جمعني بالحبيب وساقنـي لرضـاه
يعله من سحاب الوصل غيثٍ يحيـي اذكـاره



مداهيـل الغـلا جعـل الليالـي كلهـا تفـداه
بعد ما لاح نوره وسط خفاقـي طفـت iـاره



حشى ماهـو بليـل ولادرينـا باولـه واتـلاه
عسـاه يعودنـا بالمقبـلات وناخـذ اخبـاره



عسى وسمه بكور وينتثر في صحصح المضماه
صدورٍٍضاميه كـلٍ مـن الثانـي يبـي ثـاره



عليها من سوات الوقت علـمٍ تنقطـع طريـاه
ذبح عرق الغرام وكـل غصـنٍٍ ودع ازهـاره



على وعد السحاب اللي تعدا مـا روينـا مـاه
نخيلـه كـل ليـل ولا لمـع برقـه لـدواره



انا ولا انت ولا غيرنا ولا الزمـن وش جـاه
سؤالٍٍ بح صوته مـا عـرف قـدره ومقـداره



دخيلك يالقريب اللي ذبحني مالحقـت اقصـاه
يجي تاره بقلـبٍٍ مـن هيـام ويختفـي iـاره



ليا منه عطا درب الوصال وجا يحـثiخطـاه
هلا بالساعه اللـي جابـت الغالـي ومسيـاره



محله من وراء حدب الضلوع ولا معه شرواه
متى ما حل في وسـط الفـؤاد مشـرفٍٍ داره



غريرٍٍ ما وعيت الا زمام الحـب فـي يمنـاه
غشيته بالملام وطابت جروحي مـن اعـذاره



عطيته من مشاريه القصيد وقلت هـاك إقـراه
ليا منه ضـواك السرمـدي وطـال مشـواره



اخذني بالحديث ولاح لي هرج الغـلا بشفـاه
تخالـف بيـن حبـات البـرد ورده ونـواره



وانا سجيت مع نجلٍ لهن بيـن المحانـي جـاه
مضاربهن وساع ولا رمن مـا تسلـم الشـاره



ضــــيــــدان الــمــريــخــي

السلطان
17-10-2003, 03:57 PM
الفهادي,

محله من وراء حدب الضلوع ولا معه شرواه
متى ما حل في وسـط الفـؤاد مشـرفٍٍ داره


بصراحه قصيده راااائعه جدا. .

والاروع ذوقك في الاختيار. .:wink:

مشكور اخوي الفهادي على نشاطك المتواصل ومشاركاتك المميزة. .

تقبل تحياتي

الفهادي
19-10-2003, 02:30 AM
العفو اخوي السلطان وتستاهلون اكثر من هذا