PDA

عرض كامل الموضوع : الطير وبن قضعان



Bin Mohayya
20-08-2005, 07:38 PM
هذي القصيده للشاعر المعروف ضيدان بن منصور بن قضعان العجمي يقول شريت لي طير وسألت صاحبه عن إسمه فقال اسمه دهام

يقول ضيدان غيرت اسم الطير إلى فواز لغرض شخصي عندي وعندما أردت أن أعشي الطير
ناديت له بأسمه الجديد فواز فواز

فالتفت الطير على ضيدان وقال له :

ضيدان أنا أسمي دهام ما هوب فواز .....................أما أدعني يا دهام ولا بلاشي

ما هوب حق تغير أسمي بلا أرماز .....................وأنا عذاب الخرب لا أقبلت حاشي

فرد عليه ضيدان قائلاً :

لعيون بعض الناس سميت فواز ...............أسم يشابه لاسم صعب المناشي

اللي غلاه بثومة القلب حزاز ................تقبل له ظعوني وتقفي عطاشي


فرد الطير :

ما أرضى تسميني عليها ولا جاز ......................تغيير الإسم إلا بذبح الكباشي

إذبح تميمه وأقلب الإسم فواز ...................إذا ذبحت الكبش ما صار ماشي

فرد ضيدان :

قلت فواز تكفى فكني بالتلعواز ...................الحل عندي وأسمع العلم كاشي

لازم تشوف اللي لها القلب ينحاز .................عقب (ن) تجي فواز ولا شلاشي

فردالطير :

يالله مشينا والعمر يبغي إنجاز ................يا ما نجز بالهدي ولا عراشي

قم جهز اللي ذاخرينه وممتاز ................وعلي الطلاق إن عزبته من معاشي


وعنما وصلا الا التي سمي الطير عليها شال ضيدان البرقع عن الطير وقال له هذي اللي سميتك عليها

فقال الطير :

أنا أشهد إني يابن قضعان فواز ................واني بعد فواز جاني خراشي

ياحظ قلبك يوم في حبها حاز ..................كحيلة ما عاشرة كل لاشي

ياليتني رجلٍ لو أمشي بمعكاز................ وأنخاك وأنخى مبعدين المعاشي

وأنهض لطيف الروح وأجلا لشيراز ................وأقضي بقايا العمر ما أحتر جاشي

في شرع أبن حنبل بتأكيد ابن باز ..................معروف راعي الحب قلبه هشاشي

وأنا لوصل ملوع الشيخ معتاز ..................أعوز من فراق السبوق الرواشي

أبا أتمنى والتمني به الغاز ..................ياليت جنحاني لخلك فراشي

أو ليتني بيجر على الورك هزاز .................ولا قلم بين الجسد والقماشي

الجروووح
21-08-2005, 12:23 AM
يا هلا بك ياابن محياء .

وياهلا بأبن قضعان ويامسهلا ومليون مرحبا بالطير فواز .

ضيدان ماله حلي ولا وصيف في ذاته وشعره ومرجلته .. (( ولا يهون القاريء )) .

وقصيدة ضيدان هذي يابن محياء .

ذكرتني بقصيدة لي في واحدن من الربع .


وفي مشدها أقول :

سميت طيري يالصقاقير فوزان ... أرجي فعول الطير تشبه فعوله .
.....................................................................................

مشكور ابن محياء وبارك الله فيك .

Bin Mohayya
23-08-2005, 09:07 AM
الغالي


الجروووح


هلا بك أكثر وما عليك زود ولا تهون يابعد حيي ومشكور ياقلبي على المسيار والتعليق يالغالي



تحيااااااااااااااااااااااااااااااااااتي

بـــــدوي
24-08-2005, 11:24 AM
لاهنت يابن نحيا على ماقدمت

قصيده جزله من شاعر جزل وبكف جزل

حياك الله على ماقدمت

تحياتي
البدوي

Bin Mohayya
27-08-2005, 01:34 PM
عزيزي


بدوي

ولا شنت ولا تهون ومشكور يالغالي على مرورك الذي يسعدني دوما ياقلبي


تحياااااااااااااااااااااااااااتي