PDA

عرض كامل الموضوع : مختارات غنائيه لمحمد عبده



الحُلم
26-08-2005, 03:33 PM
ماهو عادي

غناء الفنان

محمد عبده

كلمات

صاحب السمو الملكي الأمير الشاعر: عبدالرحمن بن مساعد




كان هالليلة بهاكي ماهو عادي
كنتي انتي
وانتي لمّا تكوني انتي
ماهو عادي
كنتي إعجاز وسحرر
كنتي دنيا من طهر
كان نورك في جبين الكون بادي
كان في صمتك طرب
كان في عيونك شغب
كان حسنك للحسن يرسي مبادي
كنتي في أجمل حضورك
كنتي في أعدل غرورك
ولمّا طافتبي عيونك
واستقرت في فؤادي
كنت أنا اتخيلك
وكنت أنا أتأملك
كنت أنا أتأملك وأتخيلك
وأنتي معي
والكون هادي
كان إحساسي مهيب
كنت أحس اني مهاجر أو غريب
وانتي ياعمري بلادي


آه لو باكر لأمسي يلتجي
يترك الليلة ليالي ومايجي
آه أنا من غدر باكر كم أخاف
ياخذك مني وأنا لقلبي شغاف
حزنها في غيبتك مر وشجي
آه أنا من غيرك أنتي وش وجودي ؟
آه أنا كم أبي باكر لو تعودي
آه من ذكرى بتشعلبي سهادي
لمّا كنت أتأملك
ولمّا كنت أتخيلك
لمّا كنت أتأملك وأتخيلك
وأنتي معي
والكون هادي
كان إحساسي مهيب
كنت أحس اني مهاجر أو غريب
وانتي ياعمري بلادي

يا ملاذي ومنتهاي وأولي
إيه أحبك فوق ماتتخيلي
ليت أنا يا بعد قلبي لي قلوب
لجل مافي كل لحظة بك أذوب
كل إجاباتك أنا
لا تسألي
ما أبي شمسك يواريها مغيب
لو جروحي منك
مادودي تطيب
ياللي سعدك منتهى غاية مرادي
آه كم أشتاقلك
آه كم أحتاجلك
آه كم أشتاقلك وأحتاجلك
في القرب والا في بعادي

أنتي إحساسي الأكيد
وأنتي دمي اللي بيجري
في الوريد
أنتي ياعمري بلادي


للإستماع للأغنية
http://www.bin-msaad.com/songs/3abdo_maho3ade.ram

الحُلم
26-08-2005, 03:36 PM
تسلم عيوني




غناء الفنان

محمد عبده

كلمات

صاحب السمو الملكي الأمير الشاعر: عبدالرحمن بن مساعد




ياطيب حظي كان أنا حلـم دنيـاك







يا اللي تقول اني امانـك وخوفـك


تحبنـي؟ ادري حكالـي محيـاك




رعشة يدينك وارتباكـة حروفـك



ياللي الوفا هو بعض اصغر مزاياك

حملـي ثقيـل ووافيـاتٍ كتوفـك

تشيل همي دوم كنـي أنـا إيـاك




صارت ظروفي مو ظروفي ظروفك


ان جيت ابحكي عن بهاك وسجاياك





كيف أوفي اخلاقك وباهر وصوفك

وان جيت ألاقي لك خطايا خطاياك




أطيب قلوب الأرض ساكن بجوفـك


وشلون مااحبك وهـذي سوايـاك؟

وشلون مااهديك عمري فـكفوفـك

ياقلب قلبـي وش حياتـي بليـاك


تسلم عيوني دامها هـي تشوفـك












للإستماع للأغنية
http://www.bin-msaad.com/songs/3abdo_ya6eeb.ram

الحُلم
26-08-2005, 03:38 PM
أخطيت

غناء الفنان

محمد عبده

كلمات

صاحب السمو الملكي الأمير الشاعر: عبدالرحمن بن مساعد




أنا مدري وش إحساسك
ومدري وش تظنيني
أنا الصادق في عينك كنت
و صرت الكاذب الخوّان
أنا أخطيت ما انكر ولافيه عذر يكفيني
سِـوا اني احبك حيل واني دايما ً انسان
انا ادري بمدى جرحك
وادري الحظ جافيني
يطول الوقت ما أخطي
وإذا أخطيت كل شي ٍ بان
انا شفت الزهر مايل
وظنيته يناديني
قطفته .. يوم ضميته .. لقيته للأسف ذبلان
عرفت انك زهر عمري
عرفت انك بساتيني
وغيرك قيض مايروى .. سرابٍ يشقي العطشان
انا لو ماحصل ماكان وشهو اللى يدرّيني
بأنك ماسواك انتى .. سكنتى القلب والوجدان
انا اسف على اعذاري
عجزت ألقى عذر فيني
يليق بغلطتي في حقك ويرجع كل شي ٍ كان
احبك كثر أخطائي
وادري انك تحبيني
وادري لو تفارقنا فلا نقدر على النسيان
اذا تقوي على فراقي وبعدي عنك .. خليني
انا مليت من دور الكرامة
ولعبت الغفران
قليل العمر ياللي انتي دموعك ما تساويني
حرام انه يضيع فراق
هي من قلها الأحزان ؟؟


للإستماع للأغنية
http://www.bin-msaad.com/songs/3abdo_a56yt.ram

الورود
27-08-2005, 12:58 AM
كوكتيل حلو لفنان العرب .. واختيار ذوووووق

مشكور اخي الحلم

الحُلم
27-08-2005, 07:28 PM
شكراً أخت الورود

على ضم المواضيع في موضوع واحد

الله يعطيك العافية

تحياتي

moody
29-08-2005, 11:17 PM
تسلم أخوي الحلم ولو أني ما استمع له

تحياااااااتي لك

الحُلم
30-08-2005, 04:02 PM
حمد الله على السلامة أخ موووودي

شاكر لك مرورك

تحياتي