PDA

عرض كامل الموضوع : طاش والمبالغة الرئدة



وطن عمري
28-10-2003, 09:40 PM
أكيد الكل اليوم شافوا حلقة طاش اليوم


كان لي بعض الملاحظات على حلقة اليوم , كاتب الحلقة واضح انه كان يدعو الى تحرير المرأة والاختلاط وبالغوا في اشياء كثير غير موجودة عندنا

مع كذا كانوا واقعيين في بعض الاشياء مثل تصرفات الشباب ومضايقتهم للعائلات

لكن كانوا مبالغين وبقوة في اكثر الاشياء , يعني مثلا البنت يوم راحت للبنك وقالوا لها روحي الفرع اللي فيه قسم نسائي , وش المشكلة !!!!!!! ليش ينتقدون النقطة هذي يعني يبون البنات يصفون سرا مع الشباب في البنوك وتصير الدعوة خليطي ولا الافضل انه يكون فيه قسم للنساء خاص فيهم

الشئ الثاني وش المشكلة لو حطوا قسم نساء في بعض الدوائر الحكومية والا يبون تصير الدعوة فري ويراجعون البنات في الدوائر الحكومية (يمكن يكون للشئ هذا حسنة وحدة ان كل الموظفين ينظبطون في الدوام وانواع الترسيم :D
)
الشئ الثالث بخصوص المطاعم اللي حاطين لوحة ممنوع دخول النساء بدون محرم وهي مجرد لوحة لا تقدم ولا تاخر مثل ما نا اشوف في مطاعم الرياض واللي يبي يشوف يروح مجمع السيفوي اللي قدام جامعة الملك سعود ويشوف انواع البنات اللي يدخلون للمطاعم بدون محرم في وجود هاللوحة

الشئ الرابع ومن زود مبالغتهم كانت البنت الصغيرة تقول (أبي جدي بكرة معي محرم عشان اروح الملاهي) ومعروف ان كل الملاهي اللي عندنا في الرياض خاصة للنساء فقط ابتداء بالخيمة مرورا بالحكير وتوقفا عند البراجون نهاية عند ستار ستي , ولا تنسون انهم كانوا يمثلون على انهم في الرياض يعني نصبوا في الشئ هذا

اللي اتفق معهم فيه هو مضايقة الشباب للعائلات وهذا شي واقعي ومنع النساء من دخول محلات الفيديو اللي أشوف ان مالها داعي يمنعون , يعني مدري وش فرقها عن دخولهم في المحلات الثانية اللي فيها أنواع اللبنانيين يترززون

في النهاية ما أنسى ان ابدي اعجابي بالفنانين الكبيرين ناصر القصبي وعبدالله السدحان وكلنا شاف كيف تغير رتم الحلقة وكيف بدا الضحك اول ما طلعوا لكن ما اقول الا لكل جواد كبوة

الكنج
29-10-2003, 02:13 AM
ســـــــلام


فــعلاً حلقة طاش ماطاش اليوم تدعو الى تحرير المرأة واختلاطها
بالرجال..


[code:1]ومنع النساء من دخول محلات الفيديو اللي أشوف ان مالها داعي يمنعون [/code:1]


انا اختلف معك في هاذي.. وشلون تبي الحرمة تدخل مكان اغلب
مرتاديه من الرجال.. وبالنسبة للمبالغات انا اشوف انها
شي عادي في المسلسلات لازم يزودون ويحطون شوية
بهارات ومتبلات عشان القصة..

وشــكــراً على الموضوع.

مسطل
29-10-2003, 06:34 AM
انا ماني هاضم الحلقه بشكل عام !!

واعتقد العوائل ماخذين حقهم وزود بالسعوديه

ولا ؟

تحياتي
مسطل

السلطان
29-10-2003, 07:33 AM
وطن عمري,

والله المساكين الشباب العزاب مو العوائل. .

والا في كل مكان بالسعودية تسهل معاملة المرأة. .

ومن جهة محلات الفيديو فهاذي مستحيلة لان فعلا الرجال فيه كثيرين

وبعدين المكان مو مناسب للحريم. .:wink:

وبصراحه طاش ماطاش صار مسلسل مكسيكي بس أحيانا له حلقات هادفة

ومفيدة للمواطن السعودي. .

مشكور اخوي وطن عمري على المشاركة. .

تحياتي