PDA

عرض كامل الموضوع : كيف تعرف الحساوي



margo0ogh
03-11-2003, 10:40 PM
كيف تعرف الحساوي

1- اذا صلى الفرض وانتهى من صلاته .. وانتهى من التسبيح التفت على اللى في يمينه وسلم عليهم والتفت على اللى في شماله وسلم عليهم

2- اذا شافك وقابلك في الطريق سلم عليك سواء كان يعرفك او ما يعرفك

3- اذا جاورته ما لقيت من وراه اذيه , يعني ارقد وآمن

4- تلاقيه بسيط , طبيعي , سموح , وسيع صدر , وعلى نياته

5- اذا طق عليك الباب عطاك سله فيها ارطب خلاص او غر واذا جى وقت الصرام ما نساك من التمر الزين

6- تلاقيه غارس في بيته فسيله وتشوفه مهتم فيها بنفسه

7- تلاقي عنده سيارتين , الاولى كابرس يروح عليها الشغل , والثانيه سوبر حق طريق مكه

8- تلاقي طموح ابناءه اذا تخرجوا من الجامعه انهم اما يصيرون مدرسين في الحكومه او مهندسين في شركة ارامكوا , وازيدك من الشعر بيت .. كل واحد منهم يبي يتزوج مدرسه ويسكن في شقه لحاله

9- اجتماعي من الطراز الاول , يعني ما تمل من سوالفه

10- يزعل لكن قلبه ابيض بسرعه ينسى وعلشان كذا ما تلاقيه حقود .. واذا كان حقود يعنى شاذ عن القاعده

11- اذا شاف شي غريب اول مره يشوفه او يسمع فيه .. قال .. الله شذشذا ..

12- اذا قلت له .. على كيفك .. رد عليك وقال.. ما يحصل

13- اذا جاء شهر رمضان طق عليك الباب وعطاك صحن هريس من طبخ ام عياله وتلاقيها متنغصته حق زوجتك

14- اذا طلع تقاعد .. تلاقي طموحه عماره في الخبر او الدمام .. ومزرعه في الحسا فيها بركه سباحه .. وتنور حق المندي

15- يخاف من العين .. علشان كذا تلاقيه يقول لك .. قول ما شاء الله

16- اذا كان ساكن في الدمام , الخبر , الظهران , الجبيل او اي مدينه اخرى , وجا ء يوم الاربعاء حرك ونزل الحسا , و فوق كذا يحب يقضي العيد يم اهله وجماعته هناك..

17- ما ينساك في العزايم والمناسبات , يعرف الاصول وكريم

18- اذا شميت ريحة المشموم " الريحان " في بيتك اعرف ان زوجته كانت تزور زوجتك

19- يستانس وينبسط الى من شاف له ناس من اهل الحسا ..

20- يحب يقراء اللى ينكتب عن الحساويه . . وعلشان كذا قراء كل الكلام اللى انا كتبته من 1 الى 20 ..


اتمنى لكم المتعه والاثاره والتشويق

مسطل
04-11-2003, 06:17 AM
ههههههههه !! صادوه

قريتهم من 1 الى 20 :p

تحياتي
مسطل

السلطان
04-11-2003, 05:23 PM
margo0ogh,

هههههههههههههههههه

بس علي النعمة أجدع ناس :wink:<==مانيب حساوي :)

مشكورة margo0ogh على المشاركة الحلوة. .

تحياتي

margo0ogh
04-11-2003, 10:07 PM
ولو ومشكورين على مروركم

ولهان
06-11-2003, 11:02 PM
ههههههههه سحبه حلووه في النهايه

wadei2005
06-11-2003, 11:29 PM
الحمدلله أنا بديت أقرأ التعليقات.

لووووول

ومشكوره يا مرجوجه ( آسف والمعذرة منك ) . :roll:

ولك خالص التحايا .

fido_dido
11-11-2003, 11:45 AM
يا الله عليك يا مرجوجه....http://smilies.sofrayt.com/%5E/r/hyper.gif.........بس ليش بذات تكلمتي عن الحساويه.http://smilies.sofrayt.com/%5E/r/approve.gif...


آها .............يمكن القلب ومايهوى......http://smilies.sofrayt.com/%5E/y/eyelove.gifhttp://smilies.sofrayt.com/%5E/y/eyelove.gif.....................

mr.ben
15-11-2003, 05:16 AM
لاتحشووووووووووووون فينااااااااااااااااااااااااااااااا


بليززززززززززززززززززززززززززززززززززززززززززز



ولا بجيكم من الرقيقه مرورا بالخالديه ولايهون المبرز والحزم الشمالى