PDA

عرض كامل الموضوع : كباب القصيم



بليز وخر شوي
06-11-2003, 10:40 AM
كان الدحمي نزغة من بد اخوتوة ومن يوم هو صغير كان يتعنقط بالسيارات اذا مرت من عند بيتهم وكمن مرة انفلق حتى انوة ذيك السنة اعتمر وعجز الحلاق يلحق رأسة من كثر المطبات والحفريات اللىء بديميجتوة والموس كل شوي غاطس بجفرة ومن كبر الجفرة يمديك...... :lol:

تطق به ارتوازي بس لا اوصيك لا تحفر الا بالليل عشان ما تصيدك البلدية . وكان الدحمي يعبي التفيخات ماء ويرقىء لسطح بيتهم ويرمي الهنود بالتفيخات حتى انهم في يوم من ما مر من قدام بيتهم احد حتى النمل ذاك اليوم ما طلعن من جحورهن , المهم ان الدحمي كان شيطاني . وكبر الدحمي وبدا يون فوق راس ابوة عشان يشتري لوة سيارة , وكانت الهلي دافقتن عقل الدحمي دفق ومن كثر ون الدحمي على ابوة سدح ابوة ابوة ثلاث تيام :? وكل يوم ابو الدحمي يطق له بكتين بندول من كثر الوجع وقرر ابو الدحمي انه يعطي الدحمي الهلي الـ 82 اللىء كانت مع العمال بالمزرعة وبعد محاولات من الدحمي عشان يغير موديل الهلي نت 82 الى 2001 رفض ابوة وقال له : تبي هلي العمال ولا اقعد بسيكلك الـ 18, :cry: فرضى الدحمي بالامر اللىء مغصوبن عليه و اول ما استلم الهلي كانت مصدمه وتجيب الهنقز للىء به جدري و يروح الدحمي ويمر محل البويات ويطق لوة سطل بوية وفرشة ومن عقوب صلاة الفجر قعد الدحمي على الهلي و رشة وجة بوية ولا وكالة الجفالي يمديهم يرشون مثلة يوم قضىء ولا بدي الهلي غادي مثل الارض البور اللىء جاية ماء ومتقشرة , ثمن طق للهلي طقم كفرات مقاس 17 والانتل اللىء كان بالسيكل وطلعت الهلي ارهابية تهبل المنهبل وشلون عاد الصاحي , المهم من كثر مقابل الدحمي للهلي والدوران بالشوارع سقط الدحمي بكل المواد اللىء الرسم لانة كان يعرف يرسم الجيوب ومدرس الرسم معه جيب . ويمو دراى ابو الدحمي ان الدحمي ساقط جلدوة بسعف النخلة البرحية الى ان عاف البطنة وقال لوة : بهاء العطلة منيب معطيك ولا هللة رح اشتغل واصرف على روحك . وقعد الدحمي يصيح شوي لين ابعد ابوة وصار وراى حوش الغنم وقام الدحمي يركض وفصخ ثوبه ونط بالبركة ولا العمال توهم مسقين النخل والبركة ما به الا الربع وتبنط دميجت الدحمي بالارض وينفلق الدحمي وينشعر جدار البركة ويبدا يسرب ماء ويجيء ابو الدحمي مسرع يوم سمع صراخ الدحمي ولا البركة كله دمامين ويجيء الابو ويضرب الدحمي لانه كسر جدار البركة ويقول : الله يكسر حلاحيل عظامك مثل ما كسرت بركتنا , وش هاء الراس اللىء ما جاوة الا جرح كبر العبسة الحين لو هاء اللىء طيحوا العماير اللىء با امريكيا مطلقينك عليهن سان طيحتهن ونصيت الرجل اللىء طول الليل والنهار وهو واقف وماسك لوة عسيب علق وسدحتوة معهن سان ما جأك شيء وهم يوفرون دراهم الطيارات اللىء راحن على الفاضي , قم يا الله رح خذ حلتيتة وكمون وحطهن على الفتحة اللىء براسك ولا اشوف رقعت وجهك :shock: . وراح الدحمي وثيابوة تخرخر دمامين و الابو يقول الله يستر والله ما ادري عن هاء الولد اخاف يجيء النخل ايدز من دمه . المهم ان الدحمي قعد كم يوم وهو ينام بصندوق الهلي لان ابوة شارط عليه انوة يشتغل ولا مهوب ازيلوة وبعد تفكير قرر الدحمي انه يروح للرياض عشان يشتغل وقال : انه يبي يروح ويشوف الوضع الاقتصادي هناك ويشوف الديرة وش محتاجتلوة عشان ينمية وبعد الملعنة و اختة وصل الدحمي للرياض وكل ما مشىء بشارع لقى محل مكتوب عليه خضار القصيم , نعناع القصيم , فواكة القصيم , جح القصيم , جرو القصيم , تمر القصيم , ويجيء الدحمي ويرجع لبريدة وهو فاقد نعالوة لانهن سرقن من مسجد بحي النظيم وهو يصلي الظهر وقعد عند حوش الغنم بالمزرعة يفكر ويقول : وش ابي اقول لا ابوي اذا شافن جأي ادودل ايديني , والله هو يبي يتسعن لين اتفل العافية , ثمن طنت براس الدحمي فكرة بنت يهود وقال : الناس بالرياض بس ياكلون والمطاعم زحمة و راي ما احط لي بسطة و ابيع به , بس وش ابيع والله البلشة و ناظر الغنم وقال : بس جبته وانا الدحمي ابيع كباب ولا اسمية كباب القصيم والمهبل اهل الرياض يابي يدبونة دب والكباب ماهم اسهل منوة , مرس هاء اللحم وحط معهن شوي بسباس من هاء اللىء حول النخل واصفهن بعودان والحمد لله , يا الله بس خل اخذ هاء النعيمي قبل ما يجيء ابوي . ورجع الدحمي للرياض وذبح النعيمي وزبط الكباب وحط مظله بصندوق الهلي وكتب عليه ( كباب القصيم – تحت اشراف المعلم الدحمي – كباب ماهنا ازين منوه لما تفك ما راح تصك ابد .. ابد ) :D . وطلع الدحمي العصر يدور محل عشان يبصط بوة الى ان جاء جاء شارع الحوامل وشاف هاء الناس يمشون وقال : بس هاء الشارع ما مثلوة الناس يبي يتعبون ويجوعون ثمن يبي ياكلون الحصى وشلون عاد كباب الدحمي اللىء زي القشطة . و وقف الدحمي بين سيارة بليلة وسيارة عس كريم وطق بنت البكار ورفع ثوبه وطلع سروالوه الاصفر اللىء مثل لون الذهب وقعد الدحمي الى المغرب ولا احد جاوة , الناس يشترون عس كريم ويمشون وهو يهش الذبان وقعد الدحمي يفكر وش يسوي عشان يكسر سوق راعي العس كريم وطنت براسوه فكرة جهنمية ونزل من الصندوق وفتح باب الغمارة وطلع ام صتمة من وراى المرتبة وراح قدام سيار العس كريم و اطلق على رديتر السيارة ونزل الهندي راعي العس كريم يهوش على الدحمي وقال الدحمي : وخر لا الحين الصق الثانية بين عيونك يا اكال الفلفل , يوم توحش الهندي وراح وطفت سيارة العس كريم بعد ما فورت وصار العس كريم ماء ونجحت خطت الدحمي الجهنمية وبدوا الناس يجون للدحمي ويشرون كباب وكان الدحمي وقته مزكم وخشمة يسعبل وكل شوي يداعب انفة بايدينوة ويكرو كور بعد , وتجيء للدحمي ذيك البنية اللىء طاقة البنطلون والعباءة المخصرة واللثمة ويوم شافة الدحمي فتح اثموة وقعد يناظرة وتنزل قطرة من خشم الدحمي على الفحم وتتش (تششششششششششش ) :oops: وقالت : يا ولد , قال : انا اسمي الدحمي . قالت : طيب يا ولد عطني واحد كباب وكثر المايونيز . قال : بس , غالي والطلب رخيص , بس ما تبين راعي الكباب , قصدي ما تبين رقم راعي الكباب . قالت : وانا وش ابغى برقمك . قال الدحمي : يمكن تسون بوفيه مفتوحة وتحتجون لخدماتي العشر طعش نجمة وترى رقم سهل كل الارقام من صفر الى التسعة فيه حتى ان امي ما عرفت تعد الا بعد ما طلعت جوال . قالت البنت : اسكت يا قليل الادب ولفعت الدحمي كف الى ان استدار راسوة , :x ونزل الدحمي من صندوق الهلي ولعن جدف البنت وخلا الارض ارفع منه . وجوء الناس ومسكوا الدحمي وسلموة للشرطة والى الحين والدحمي مسجون بسجن الحاير بتهمة قتل عدد من المواطنين بسبب التسمم من اكل الكباب والاعتداء على مواطنة لها ظهر والبيع غير المسموح في الشوارع والميادين واطلاق النار في مكان عام وعدم وجود تصريح لحمل سلاح وتعريض حياة مقيم للخطر . ولا زالت الهلي شاهد على الاحداث التي وقعت خصوص بعدما تم ازلتها من مكانها في شارع الحوامل الى الحجز في وادي لبن تحت الجسر المعلق . :( :( :(

السلطان
07-11-2003, 03:09 PM
بليز وخر شوي,

حتى ان امي ما عرفت تعد الا بعد ما طلعت جوال

خخخخخخخخخخخخخخخخخخ

بصراحه قصة الدحمي هاذي لازم يسوونها فيلم ويكون البطل محمد هنيدي :)

مشكور اخوي بليز على كتاباتك المتميزة دائما. .:wink:

ويعطيك العافيه. .

تحياتي

بليز وخر شوي
08-11-2003, 10:16 PM
الله يخلي مويمتك يالسلطان وجعل يومي قبل يومها

السلطان
09-11-2003, 03:27 AM
بليز وخر شوي,

الله يطول بعمرك اخوي بليز..

بس مو امي اللي ماتعرف تعد هاذي ام الدحمي:wink:

تحياتي

مسطل
09-11-2003, 06:19 AM
هههههههههههههههههههه الله يرجك بليز وخر :)

كرهت الكباب عقب هالقصه :)

تسلم يمينك ومشكووور !!

واسف على تاخر الرد :)

بس انا مارد على القصص الا بعد ماقراها :) وماقراها الا بعد ما اسحبها على الجهاز لووووول

تحياتي
مسطل

بليز وخر شوي
09-11-2003, 11:18 AM
السلطاان خخخخخخخخخخخخخخخخخخخخخخخخخخخخ

وسع صدرك يا حوبي انا اقول الله يخلي مويمتك لك يالدب



وانت يا مسطل تحمل هاه طيب طيب