PDA

عرض كامل الموضوع : (¯`·._.·( رباعيات صلاح جاهين )·._.·`¯)



غلباااان
19-01-2006, 11:16 AM
(¯`·._.·( رباعيات صلاح جاهين )·._.·`¯)


http://home.planet.nl/%7Epete5120/martijn/ff8movie.gif





http://www.asmilies.com/smiliespic/FAWASEL/057.gif

http://www.asmilies.com/smiliespic/FAWASEL/058.gif


يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول



عجبي !!!

http://www.arb-msn.com/up/uploads/e1be5f76c6.gif


أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!


http://www.arb-msn.com/up/uploads/e1be5f76c6.gif


سهير ليالي و ياما لفيت و طفت

و ف ليه راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !!

http://www.arb-msn.com/up/uploads/e1be5f76c6.gif


كان فيه زمان سحليه طول فرسخين

كهفين عيونها و خشمها بربخين

ماتت لكين الرعب لم عمره مات

مع إنه فات بدل التاريخ تاريخين

عجبي !!

http://www.arb-msn.com/up/uploads/e1be5f76c6.gif


عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!

http://www.arb-msn.com/up/uploads/e1be5f76c6.gif


رقبه قزازة و قلبي فيها انحشر

شربت كاس و اتنين و خامس عشر

صاحبت ناس م الخمرة ترجع وحوش

و صاحبت ناس م الخمرة ترجع بشر

عجبي !!!!

http://www.arb-msn.com/up/uploads/e1be5f76c6.gif


ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!!

http://www.arb-msn.com/up/uploads/e1be5f76c6.gif


ورا كل شباك ألف عين مفتوحين

و انا وانتي ماشيين يا غرامي الحزين

لو التصقنا نموت بضربة حجر

و لو افترقنا نموت متحسرين

عجبي !!!

http://www.arb-msn.com/up/uploads/e1be5f76c6.gif


نوح راح لحاله و الطوفان استمر

مركبنا تايهه لسه مش لاقيه بر

آه م الطوفان وآهين يا بر الأمان

إزاي تبان و الدنيا غرقانه شر

عجبي !!


http://www.arb-msn.com/up/uploads/e1be5f76c6.gif

علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم .. قتلت ؟ ..... والا اتقتلت

عجبي !!


http://www.arb-msn.com/up/uploads/e1be5f76c6.gif

انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!


http://www.arb-msn.com/up/uploads/e1be5f76c6.gif

ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!


http://www.arb-msn.com/up/uploads/e1be5f76c6.gif

يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!

http://www.arb-msn.com/up/uploads/e1be5f76c6.gif

شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني .... و إيه العمل

عجبي !!!


http://www.arb-msn.com/up/uploads/e1be5f76c6.gif

أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية وعيون كتير

وباحس فيهم كلهم بالحزن

عجبي !!

http://www.arb-msn.com/up/uploads/e1be5f76c6.gif

إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!

http://www.arb-msn.com/up/uploads/e1be5f76c6.gif

إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة يا البير تجف

عجبي !!!

http://www.arb-msn.com/up/uploads/e1be5f76c6.gif

يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !!!!


http://www.arb-msn.com/up/uploads/e1be5f76c6.gif

في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!


http://www.arb-msn.com/up/uploads/e1be5f76c6.gif

الفيلسوف قاعد يفكر سيبوه

لا تعملوه سلطان و لا تصلبوه

ما تعرفوش إن الفلاسفه يا هوه

اللي يقولوه بيرجعوا يكدبوه

عجبي !!!


http://www.arb-msn.com/up/uploads/e1be5f76c6.gif

علي بعد مليون ميل من أرضنا

من الفراغ الكوني بصيت أنا

لا شفت فرق بين جبال و بحور

و لا شفت فرق ما بين عذاب أو هنا

عجبي !!

http://www.arb-msn.com/up/uploads/e1be5f76c6.gif

إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبي !!

http://www.arb-msn.com/up/uploads/e1be5f76c6.gif

نظرت فوق للنجوم و انا ساير

رجليا عترت في الحفر و الحجاير

بقيت أقول و انا ع التراب: يا سلام

مش بس عبره أخذت لكن عباير

عجبي !!!

http://www.arb-msn.com/up/uploads/e1be5f76c6.gif

- يا نجم .. نورك ليه كده بيرتجف ؟

هو انت قنديل زيت ؟ أو تختلف

- أنا نجم عالي .. بس عالي قوي

و كل ما انظر تحت اخاف انحدف

عجبي !!!!

http://www.arb-msn.com/up/uploads/e1be5f76c6.gif

السم لو كان في الدوا منين يضر ؟

و الموت لو عدونا .. منين يسر؟

حط القلم في الحبر و اكتب كمان

.. و العبد للشهوات .. منين هو حر؟

عجبي !!!

http://www.arb-msn.com/up/uploads/e1be5f76c6.gif

وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!

http://www.arb-msn.com/up/uploads/e1be5f76c6.gif

سرداب في مستشفي الولاده طويل

صرخات عذاب ورا كل باب وعويل

.. وفي الطــــــريق متزوقين البنات

متزوقـــــــــــــين للحب و المواويل

عجبي !!

http://www.arb-msn.com/up/uploads/e1be5f76c6.gif

الدنيا أوده كـــــــــــبيره للانتظار

فيها ابن أدم زيه زي الحـــــــمار

الهم واحد .. و الملل مشــــــترك

و مفيش حمار بيحاول الانتـــــحار

عجبي !!

http://www.arb-msn.com/up/uploads/e1be5f76c6.gif

أيوب رماه البين بكل العـــــــــلل

سبع سنين مرضان وعنده شلل

الصــــبر طيب .. صبر أيوب شفاه

بس الأكـــــــــاده مات بفعل الملل

عجبي !!!

http://www.arb-msn.com/up/uploads/e1be5f76c6.gif

نسمة ربيع لكن بتكوي الوشـــــــوش

طيور جميلة بس من غير عشـــوش

قلوب بتخفق إنما وحـــــــــــــــــدها

هي الحياه كده .. كلها في الفاشوش

عجبي !!!!

http://www.arb-msn.com/up/uploads/e1be5f76c6.gif

يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك

عجبي !!!

http://www.arb-msn.com/up/uploads/e1be5f76c6.gif

كروان جريح مضروب شعاع م القمر

سقط من السموات فؤاده انكســـــــــر

جريت عليه قطه علشان تبلعـــــــــــه

أتاريه خيال شعراء و مالهـــــوش أثر

عجبي !!!

http://www.arb-msn.com/up/uploads/e1be5f76c6.gif

ياللي نصحت الناس بشــــــــــــــرب النبيت

مع بنت حلوه .. وعود , وضحك , وحديت

مش كنت تنصحهم منين يكســــــــــــــــبوا

تمن ده كله ؟ ... و الا يمكن نســـــــــــيت

عجبي !!

http://www.arb-msn.com/up/uploads/e1be5f76c6.gif

ما حد في الدنيا واخد جزاتــــــــــــــــــه

و لا حــــــــــــــــد بيفكر في غير لذاذاته

ما تعرفيش يا حبيبتي .. أنا و انتي مين؟

إنتي عروس النيل ... و أنا النيل بذاته

عجبي !!

http://www.arb-msn.com/up/uploads/e1be5f76c6.gif

رقاصه خرسا و رقصه من غير نغــم

دنيا . . يا مين يصالحها قبل النـــــدم

ساعتين تهز بوجههـــــــــــــــا يعنـي

يترجرجوا نهديها يعني نعـــــــــــــــم

عجبي !!!

http://www.arb-msn.com/up/uploads/e1be5f76c6.gif

إخطفني ياللي تحبني ع الحصان

الدنيا قالت يوم في ماضي الزمان

إخطفني ياللي تحبني ع الـــــفرس

الدنيا قالت .. قام خطفها الشيطان

عجبي !!!!

http://www.arb-msn.com/up/uploads/e1be5f76c6.gif

من بين شقوق الشيش و شقشقت لك

مع شهقة العصافير و زقزقـــــــت لك

نهار جديد انا . . قوم نشوف نعــمليه

انا قلت يا ح تقتلني .. يا ح اقــــــــتلك

عجبي !!!

http://www.arb-msn.com/up/uploads/e1be5f76c6.gif

جالك أوان ووقفت موقف وجـــود

يا تجود بده يا قلبي يا بده تجــــود

ما حد يقدر يبقي علي كل شـــــــئ

مع إن – عجبي – كل شئ موجود

عجبي !!!

http://www.arb-msn.com/up/uploads/e1be5f76c6.gif

جالك اوان وعرفت مشي الجنايــــــــز

كيف شفتها يا عبد رب اللذايــــــــــــذ

قال : شفت شيل بالحيل فقير أو اميـــر

كما شالوا في الخمامير فواضي القزايز

عجبي !!

http://www.arb-msn.com/up/uploads/e1be5f76c6.gif

أنا كنت شئ و صبحت شئ ثم شــئ

شوف ربنا .. قادرعلي كل شـــــــئ

هز الشجر شواشيه ووشوشني قال :

لابد ما يموت شئ عشان يحيا شئ

عجبي !!

http://www.arb-msn.com/up/uploads/e1be5f76c6.gif

يا مشرط الجراح أمانة علـــــــــــيك

و انت ف حشايا تبص من حواليــك

فيه نقطة سوده في قلبي بدأت تبان

شيلها كمان .. و الفضل يرجع إليك

عجبي !!!

http://www.arb-msn.com/up/uploads/e1be5f76c6.gif

كيف شفت قلبي و النبي يا طبيــــــــــــب

همد و مات و الا سامع له دبيـــــــــــــب

قاللي لقيته مختنق بالدمـــــــــــــــــــــوع

و ما لوش دوا غير لمسه من إيد حبيب

عجبي !!!!

http://www.arb-msn.com/up/uploads/e1be5f76c6.gif

تسلم يا غصن الخوخ يا عود الحطـــــــــب

بييجي الربيع .. تطلـــــــــــع زهورك عجب

و انا ليه بيمضـــــــــــي ربيع وييجي ربيع

و لسه برضك قلــــــــــــــــــبي حتة خشب

عجبي !!!

http://www.arb-msn.com/up/uploads/e1be5f76c6.gif

قلبي عليل يا ناس و في الكاس دواه

مديت له إيدي شربت م اللي حــــواه

جنبي الشمال خف .. اليمين اتــــوجع

و إيه يداوي الكبد م اللي كـــــــــــواه

عجبي!!

http://www.arb-msn.com/up/uploads/e1be5f76c6.gif

.. دي مزكرات و كتبتها من ســـــــــنين

في نوتة زرقا لون بحور الحنيــــــــــــن

عترت فيها .. رميتها في المهمـــــــلات

وقلت صحيح أما صحيح كلام مخبولين

عجبي !!

http://www.arb-msn.com/up/uploads/e1be5f76c6.gif

دخل الشتا وقفل البيبان ع البـــيوت

وجعل شعاع الشمس خيط عنكبوت

وحاجات كتير بتموت في ليل الشــتا

لكن حاجات أكتر بترفض تمــــــوت

عجبي !!

http://www.arb-msn.com/up/uploads/e1be5f76c6.gif

- الدنيا من غير الربيع مــــــــيته

ورقة شجر ضعفـــــــانه و مـــفـــــتــته

- لا يا جدع غلطان تأمل وشوف

زهر الشتا طالع فــــــــي عز الشـــــتا

عجبي !!!

http://www.arb-msn.com/up/uploads/e1be5f76c6.gif

ياللي انت بيتك قش مفروش بريش

تقوي عليه الريح .. يصبح ما فيش

عجبي عليك حواليك مخالب كـــــبار

و ما لكش غير منقار و قادر تعيش

عجبي !!!!

http://www.arb-msn.com/up/uploads/e1be5f76c6.gif

سمعت نقطة ميه جوه المحيـــــــط

بتقول لنقطه ما تنزليش في الغويط

أخاف عليكي م الغرق .. قلـــــت أنا

ده اللي يخاف م الوعد يبقي عبيط

عجبي !!!

http://www.arb-msn.com/up/uploads/e1be5f76c6.gif

بحر الحياه مليان بغرقي الحياه

صرخت خش الموج في حلقي ملاه

قارب نجاه .. صرخت قالوا مفيش

غير بس هو الحب قارب نجاه

عجبي !!!

http://www.arb-msn.com/up/uploads/e1be5f76c6.gif

فارس وحيد جوه الدروع الحديد

رفرف عليه عصفور وقال له نشيد

منين .. منين.. و لفين لفين يا جدع

قال من بعيد و لسه رايح بعيد

عجبي !!

http://www.arb-msn.com/up/uploads/e1be5f76c6.gif

كان فيه قمر كأنه فرخ الحمام

علي صغره دق شعاع شق الغمام

أنا كنت حاضر قلت له ينصرك

إشحال لما حتبقي بدر التمام

عجبي !!

http://www.arb-msn.com/up/uploads/e1be5f76c6.gif

النهد زي الفهد نط اندلع

قلبي انهبش بين الضلوع و انخلع

ياللي نهيت البنت عن فعلها

قول للطبيعة كمان تبطل دلع

عجبي !!!

http://www.arb-msn.com/up/uploads/e1be5f76c6.gif

صوتك يا بنت الإيه كأنه بدن

يرقص يزيح الهم يمحي الشجن

يا حلوتي و بدنك كأنه كلام

كلام فلاسفه سكروا نسيوا الزمن

عجبي !!!!

http://www.arb-msn.com/up/uploads/e1be5f76c6.gif

كرباج سعاده وقلبي منه اجلد

رمح كأنه حصان و لف البلد

و رجع لي نصل الليل و سألني .. ليه

خجلان تقول انك سعيد يا ولد

عجبي !!!

http://www.arb-msn.com/up/uploads/e1be5f76c6.gif

مزيكة هادية الكون فيها انغـــــمر

وصيف و ليل و عقد فل و سمر

يا هلتري الناس كلهم مبسوطين

و يا هلتري شايفين جمال القمر ؟

عجبي!!

http://www.arb-msn.com/up/uploads/e1be5f76c6.gif

إنشد يا قلبي غنوتك للجمــــــــــــــــــال

و ارقص في صدري من اليمين للشمال

ما هوش بعيد تفضل لبكره سعيــــــــــد

ده كل يوم فيه الف الف احتمـــــــــــــال

عجبي !!

http://www.arb-msn.com/up/uploads/e1be5f76c6.gif

آه لو انا و محبوب جزنا الفضـــــا

في سفينة وحدينا .. واشيا رضـــا

ساعة صفا تعجبنا نرجع لهــــــــــا

و الهم قبل ما ييجي .. يبقي مضـى

عجبي !!

http://www.arb-msn.com/up/uploads/e1be5f76c6.gif

أنا إله الوجد رب الهيــــــــــــــــام

أضرب بسهم الوهم وهم الغـــــرام

و هم الغرام من كتر ما هو لذيـــــذ

رشقت انا ف صدري جميع السهام

عجبي !!!

http://www.arb-msn.com/up/uploads/e1be5f76c6.gif

حدوته عن جعران و عن خنفســــــــــه

اتقابلوا حوا بعض ساعة مســـــــــــــــا

و لا قال لهم حد اختشوا عيب حـــــرام

و لا حد قال دي علاقة متدنســــــــــــــة

عجبي !!!!

http://www.arb-msn.com/up/uploads/e1be5f76c6.gif

ياللي عرفت الحب يوم و انطــــــــــــوي

حسك تقال مشتاق لنبع الهـــــــــــــــوي

حسك تقول مشتاق لنبع الغــــــــــــــــرام

ده الحب .. مين داق منه قطره...ارتوي

عجبي !!!

http://www.arb-msn.com/up/uploads/e1be5f76c6.gif

زحام و أبواق سيارات مزعجـــــة

للي يطول له رصيف.. يبقي نجـــا

لو كنت جنبي يا حبيبي أنــــــــــــا

مش كنت أشوف إن الحياة مبهجة

عجبي!!

http://www.arb-msn.com/up/uploads/e1be5f76c6.gif

إيديا في جيوبي وقلبي طــــــــرب

سارح في غربة بس مش مغترب

و حدي لكين ونسان و ماشي كده

وبابتعد ما اعرف .. أو باقـــــترب

عجبي !!


http://www.arb-msn.com/up/uploads/e1be5f76c6.gif

يا ميت ندامه ع القلوب الخـــــــــــلا

لا محبة فيها و لا كراهـــــــــــه ولا

حتي يا قلبي الحزن ما عادش فيـــــك

معلهش .. لك يوم برضه راح تتملا

عجبي !!


http://www.arb-msn.com/up/uploads/e1be5f76c6.gif

مرحب ربيع مرحب ربيع مرحبــــــــــه

يا طفل يا للي ف دمي ناغا وحبــــــــا

علشان عيونك يا صغنن هويــــــــــــت

حتي ديدان الأرض و الأغربــــــــــــــة

عجبي !!!


http://www.arb-msn.com/up/uploads/e1be5f76c6.gif

فتحت شباكي لشمس الصبـــــــــــــــــاح

ما دخلش منه غيــــــــــر عويل الريـــاح

و فتحت قلبي عشان ابوح بالألـــــــــــــم

ما خرجش منه غير محبه و سمــــــــاح

عجبي !!!!


http://www.arb-msn.com/up/uploads/e1be5f76c6.gif

غمست سنك في السواد يا قلـــــــــــــــم

عشان ما تكتب شعر يقطر ألــــــــــــــــم

مالك جرالك إيه يا مجنون ... و ليــــــــه

رسمت ورده وبيت و قلب و علـــــــــــم

عجبي !!!


http://www.arb-msn.com/up/uploads/e1be5f76c6.gif

انا الذي عمري اشتياق في اشتيـــاق

و قطر داخل في محطة الـــــــــفراق

قصدت نبع السم وشربت ســـــــــم

من كتر شوقي وعشمي في التريـــاق

عجبي !!!


http://www.arb-msn.com/up/uploads/e1be5f76c6.gif

انا الذي عشت الزمن مضيعـــــــــه

بروح حزينة معفنة مضعضعــــــه

زرعتشجرة سنط لجل انجــــــرح

لقتها شعر البنت و مفرعــــــــــــه

عجبي !!


http://www.arb-msn.com/up/uploads/e1be5f76c6.gif

لو فيه سلام في الأرض وطمان و أمن

لو كان مفيش و لا فقر و لا خوف جبن

لو يملك الانسان مصير كل شـــــــــــئ

انا كنت اجيب للدنيا ميت ألف ابــــــــــن

عجبي !!


http://www.arb-msn.com/up/uploads/e1be5f76c6.gif

العشب طاطا للنسايم و نـــــــــــــــــــــخ

أخضر طري مالهش في الحســـــــن أخ

عصفور عبيط انا .. غاوي بهجه و غنا

ح انزلهنا.. و انشا لله يهبرني فــــــــخ

عجبي !!!


http://www.arb-msn.com/up/uploads/e1be5f76c6.gif

أوصيك يابني بالقمر و الزهـــــــــــــور

أوصيك بليل القاهرة المسحـــــــــــــور

و إن جيت في بالك .. إشتري عقد فل

لأي سمرا.. وقبري إوعك تـــــــــزور

عجبي !!!!


http://www.arb-msn.com/up/uploads/e1be5f76c6.gif

غمض عينيك و ارقص بخفة و دلع

الدنيا هي الشابة و انت الــــــــجدع

تشوف رشاقة خطوتك تعبــــــــدك

لكن انت لو بصيت لرجليك ....تـقع

عجبي !!!


http://www.arb-msn.com/up/uploads/e1be5f76c6.gif

حاسب من الاحزان و حاســـــــب لها

حاسب علي رقابيك من حبلـــــــــــها

راح تنتهي و لابد راح تنتهــــــــــي

مش انتهت أحزان من قبلهــــــــــا؟

عجبي !!!


http://www.arb-msn.com/up/uploads/e1be5f76c6.gif

يأسك و صبرك بين إيديك و انت حر

تيأس ما تيأس الحياه راح تــــــــمر

أنا دقت مندا ومندا عجبي لقيــــــت

الصبر مر و برضك اليـأس مـــــــر

عجبي !!


http://www.arb-msn.com/up/uploads/e1be5f76c6.gif

ولدي نصحتك لما صوتي اتنبــــــــــــح

ما تخفش من جني و لا من شبـــــــــح

و ان هب فيك عفريت قتيل إسألـــــــــه

ما دافعش ليه عن نفسه يوم ما اندبح

عجبي !!


http://www.arb-msn.com/up/uploads/e1be5f76c6.gif

ولدي إليك بدل البالون ميت بالــــــون

انفخ وطرقع فيه علي كل لـــــــــــون

عساك تشوف بعينك مصيرالرجــــــال

المنفوخين في السترة و البنطلـــــون

عجبي !!!


http://www.arb-msn.com/up/uploads/e1be5f76c6.gif

خوض معركتها زي جدك ما خــــاض

صالب و قالب شفتك بامتـــــــــــعاض

هي كده...ما تنولش منها الأمـــــــل

غير بعض صد ورد ووجاع مخاض

عجبي !!!!


http://www.arb-msn.com/up/uploads/e1be5f76c6.gif

كام اشتغلت يا نيل في نحت الصخور

مليون بئونه و الف مليون هاــــتور

يا نيل أنا ابن حلال و من خلفتــــــك

و ليه صعيبه علي بس الأمــــــــور

عجبي !!!


http://www.arb-msn.com/up/uploads/e1be5f76c6.gif

منين أجيبها كلمه متألمـــــــــــــــــة

لعيبه فايره حايره و مصممــــــــــه

منين اجيبها كلمه تكون بنـــت ارض

تشفي اللي ما شافهوش كلام السمـا

عجبي !!!


http://www.arb-msn.com/up/uploads/e1be5f76c6.gif

أنا قلت كلمة و كان لها معنييـــــــــن

كما بطن واحده و توأمين زي وشين

لو دنيا شر.. التوأم الخير يمـــــــوت

لو دنيا خير .. الشر ح يعيش مــنين

عجبي !!


http://www.arb-msn.com/up/uploads/e1be5f76c6.gif

أنا اللي بالأمر المحال اغتــــــــــــوي

شفت القمر نطيت لفوق في الهـــــوا

طلته ما طلتوش إيه انا يهمنـــــــــي

و ليه .. ما دام بالنشوة قلبي ارتوي

عجبي !!


http://www.arb-msn.com/up/uploads/e1be5f76c6.gif

بره القزاز كان غيم و أمطار و بــــــــرق

ما يهمنيش – أنا قلت – و لا عندي فرق

غيرت رأيي بعد ساعة زمـــــــــــــــــان

و كنت في الشارع .. و في الجزمة خرق

عجبي !!!


http://www.arb-msn.com/up/uploads/e1be5f76c6.gif

عيني رأت مولود علي كتف أمـــــــــــه

يصرخ تهنن فيه يصرخ تضــــــــــــمه

يصرخ تقول يا بني ما تنطق كـــــــلام

ده اللي ما يتكلمش يكتر همـــــــــــــه

عجبي !!!!

http://www.arb-msn.com/up/uploads/e1be5f76c6.gif

يا عندليب ما تخافش من غنوتك

قول شكوتك و احكي علي بلوتك

الغنوه مش ح تموتك إنمــــــــــا

كتم الغنا هو اللي ح يموتــــــــك

عجبي !!!

http://www.arb-msn.com/up/uploads/e1be5f76c6.gif

ياللي بتبحث عن إله تعــــــــــــبده

بحث الغريق عن أي شئ ينجـــده

الله جميل و عليم و رحمن رحــيم

أجمل صفاته .. وانت راح توجده

عجبي !!!

http://www.arb-msn.com/up/uploads/e1be5f76c6.gif

حقرا و فوق كوكب حقير محتقـــــــر

في الكون تكون دنياكو إيه يا بــــــقر

رملايه من صحرا ؟ لكين إيش تقول

و الكون بحاله جوه عقل البشــــــر

عجبي !!

http://www.arb-msn.com/up/uploads/e1be5f76c6.gif

لا تجبر الانسان و لا تخـــــــــيره

يكفيه ما فيه من عقل بيحيــــــره

اللي النهارده بيطلبه و يشتهــــيه

هو اللي بكره ح يشتهي يغيـــــره

عجبي !!

http://www.arb-msn.com/up/uploads/e1be5f76c6.gif

ياللي في حماه الشمس تلقي المــــلاذ

و ألف بكره و بكره .. في ضلوعه لاذ

مين أنت ؟ مارد ؟ رب ؟ قال لأ ده بس

انا اللي باروي القمح و اسقي الفــولاذ

عجبي !!!

http://www.arb-msn.com/up/uploads/e1be5f76c6.gif

غسل المسيح قدمك يا حافي القـدم

طوبي لمن كانوا عشانك خــــــــدم

صنعت لك نعليك أنا يا أخــــــــــــي

مستني إيه .. ما تقوم تدوس العدم

عجبي !!!!

http://www.arb-msn.com/up/uploads/e1be5f76c6.gif

البط شال عدي الجبال و البحــــــور

ياما نفسي اهج .. احج ويا الطــيور

أوصيك يا ربي لما اموت .. و النبي

ما تودنيش الجنه .. للجنه ســـــــور

عجبي !!!

http://www.arb-msn.com/up/uploads/e1be5f76c6.gif

طال انتظاري للربيع يرجــــــــــــــع

و الجو يدفا و الزهور تطلــــــــــــع

عاد الربيع عرمرم شبـــــــــــــــاب

إيه اللي خلاني ابتديت افــــــــزع ؟

عجبي !!!

http://www.arb-msn.com/up/uploads/e1be5f76c6.gif

و لو اتضنيت و فنيت وعمري انفرط

مش عاوز الجأ للحلول الوســـــــــط

و كمان شطط و جنون مانيش عــاوز

يا مين يقول لي الصح فين والغلــــط

عجبي !!

http://www.arb-msn.com/up/uploads/e1be5f76c6.gif

عاد الربيع كأنه طعم الحــــــــــــــــــب

و الحب نار جوه العروق بتصـــــــــب

اتمتع ازاي بيه وانا متقطـــــــــــــــع

من كتر خوفي لا في الخطيئة يطب ؟

عجبي !!

http://www.arb-msn.com/up/uploads/e1be5f76c6.gif

ازاي شبابنا يقوم و ياخـــــــــد دوره

من غير صراخ يئذيه و يجرح زوره

يا هلتري أحسن له يقعد ساكـــــــــت

أو ينترك و لو خرج عن طــــــوره ؟

عجبي !!!

http://www.arb-msn.com/up/uploads/e1be5f76c6.gif

عيني رأت عصفور ووياه ابـــــــــنه

بيحدفه في الريح و ياخده ف حضنه

نوبتين و تالت نوبه – عجبي عليهم –

كانوا سوا بيرفرفرا و يغنـــــــــوا

عجبي !!!!

http://www.arb-msn.com/up/uploads/e1be5f76c6.gif

احسن ما فيها العشق و المعشقــــــة

و شويتين الضحك والتريقـــــــــــــة

شفت الحية . لفيت . لقيت الألــــــــذ

تغييرها . و ده يعني التعب و الشقا

عجبي !!!

http://www.arb-msn.com/up/uploads/e1be5f76c6.gif

عجبي علي العجب العجيب العجاب

لما الحقيقة تطل بعد احتجاب

و تروح و تحلا وفجأة تصبح مفيش

كمثل طراطيش بحر ياما خد و جاب

عجبي !!!

http://www.arb-msn.com/up/uploads/e1be5f76c6.gif

في الهو ماشي يا بهلوان إش إِش

يا فراشة منقوشة علي كل وش

شقلبت عقلي و عقلي شقلبني

و كنت باحسبني بقيت ما اندهش

عجبي !!

http://www.arb-msn.com/up/uploads/e1be5f76c6.gif

وقفت ساعة الصبح باغسل سناني

قالت لي شايف قوتي و لمعاني ؟

إيش تطلب اليوم مني ضحكة أسد ؟

والا ابتسامة اعلانات أمريكاني ؟

عجبي !!

http://www.arb-msn.com/up/uploads/e1be5f76c6.gif

الحلو يم اليم صابــــــــــح رايح

سارح في حضن الميه سابح سايح

الحلو داب في البحر , قلــــت أدوقه

وجدت لسه البحر برضك ماــــــلح

عجبي !!!

http://www.arb-msn.com/up/uploads/e1be5f76c6.gif

يا كل كلمة للعجب في قامــــــــــــوس

انسكلوبيديا لسان العرب أو لا لاروس

تعالوا نجدة . ده لسه في عصـــــرنا

الشمس و البحر العريض بالفـــلوس

عجبي !!!!

http://www.arb-msn.com/up/uploads/e1be5f76c6.gif

الموج تلول تهبط وتطلع تلــــــــــــول

يا بحر خدني الشط صاحبك ملـــــــول

و الا بلاش الشط ح اعمل به أيـــــــه

ده ريحته طحلب مهري و ام الخلــول

عجبي !!!

http://www.arb-msn.com/up/uploads/e1be5f76c6.gif

ما آنتاش بتلعب ليه يا روح بابــــا ؟

و لا عسكري و لا لص في عصابة ؟

إلعب أسد أو ديب رهيب أو غـــــزال

دي الدنيا في نهاية المطاف غابـــــة

عجبي !!!

http://www.arb-msn.com/up/uploads/e1be5f76c6.gif

ورد في ورق سلوفان يا حلوة اهديلك ؟

و الا انقله بالطين في الشتلة و اجيلـــــك

الأولاني لو وحا بحنــــــــــــــــــــــانــي

عجبي علي التاني بإيــــــــه يوحيلــــــــك

عجبي !!

http://www.arb-msn.com/up/uploads/e1be5f76c6.gif

أنا قلبي كوكب و انطلق في المدار

حواليكي يا محبوبتي يا نور ونـــار

يلف مهمــــا يلف ما بيكتفــــــفيش

وتمللي نصه ليل و نصه نهــــــــار

عجبي !!

http://www.arb-msn.com/up/uploads/e1be5f76c6.gif

الأرض شوك أيوه لكين هايش

و الحمرة مش يعني الطريق حايش

دي دمنا السيال .. وبشرة خيـــــــر

ان انتي عايشة و ان كنت أنا عايــش

عجبي !!!

http://www.arb-msn.com/up/uploads/e1be5f76c6.gif

إيه اللي خدته من مرور السنــــــين

يا قلبي الا دمعتك و النيــــــــــــــين

بتئن و ترجع و بتفرح و ترجع تحــن

مع إن مش كل البشـــــــــــر فرحانين

عجبي !!!!


http://www.arb-msn.com/up/uploads/e1be5f76c6.gif

اوقات أفوق و يحل عني غبــــــــــايا

واشعر كأني فهمت كل الخبايـــــــــــا

و افتح شفايفي علشــــــان اقول الدرر

ما أقولش غير حبة غزل في الصبايــــا

عجبي !!!


http://www.arb-msn.com/up/uploads/e1be5f76c6.gif

عيني رأت مخلوق في غاية البشاعة

أنا قلت له لما تأملته ساعـــــــــــــة

اللذه و الموت علموك اللــــــــــزج

و انا علموني الفلسفة و الشجاعــة

عجبي!!


http://www.arb-msn.com/up/uploads/e1be5f76c6.gif

غطس وقب الموج نهود بمبي

من ألف جيل جمالات ما تعلم بي

يا قلبي عيب دول امهاتنا القدام

أستغفر الله العظيم ربـــــــــــــي

عجبي !!


http://www.arb-msn.com/up/uploads/e1be5f76c6.gif

علقت في المسمار قناع مهزلة

ومعاه قناع مأساة بحزنه ابتـــلا

بصيت لقيتهم يشبهوا بعضهـــم

واهو ده العجب يا ولاد و الا فلا

عجبي !!


http://www.arb-msn.com/up/uploads/e1be5f76c6.gif

ظهر المسيح الحي علي سفح ربـــــــــوة

و نزل بهالة الضي و قعد في قهـــــــــوة

بصوا .. تعالوا .. قالوا خليه في حالــــــــه

الناس في حالهم يا بني .. مالهمش دعوة

عجبي !!!


http://www.arb-msn.com/up/uploads/e1be5f76c6.gif

لولا اختلاف الرأي يا محـــــترم

لولا الزلطتين ما لوقود انضرم

و لولا فرعين ليف سوا مخاليف

كان بيننا حبل الود كيف اتبرم ؟

عجبي !!!!


http://www.arb-msn.com/up/uploads/e1be5f76c6.gif

يا وردة قلبي معاكي في الريح لعب

لا تعبتي م الريح و لا قلبي تعــــــــب

احنا كده : نرتاح في صخب الجنون

و في السكون بنخاف قوي و نترعب

عجبي !!!


http://www.arb-msn.com/up/uploads/e1be5f76c6.gif

مركب ورق من نفخة تتطـــــــــوح

ركبتها و الكل بيــــــــــــــــلوح

سوحت فيها اتنين و خمسين سنــــه

للآن ..... و لا بتغرق و لا تـــــروح

عجبي!!


http://www.arb-msn.com/up/uploads/e1be5f76c6.gif

عالجسر فت الصبح تحت الضباب

بين اللي لسه بينغرس و اللي طاب

ما اهتز قلبي لنبت طالع جديـــــــد

قد اللي ماشي .. وتحت باطه كتاب

عجبي !!


http://www.arb-msn.com/up/uploads/e1be5f76c6.gif

يا خالق الكون بالحساب و الجبر

و خالقني ماشي بلختيار و الجبر

كل اللي حيلتي زمزمية أمـــــــل

وازاي تكفيني لباب القــــــــــــبر؟

عجبي !!


http://www.arb-msn.com/up/uploads/e1be5f76c6.gif

قاعدة قناني الخمر ساكتة و ساهية

مع ابن آدم في الشبه متناهيـــــــــــة

مفيش كده روقان في لحظة تشوفهم

و بعدها بلحظه يودوا في داهيــــــه

عجبي !!!


http://www.arb-msn.com/up/uploads/e1be5f76c6.gif

حتة محارة وجدتها في يوم لقيـة

قالت لي شوف كيف الطبيعة شقية

نظرت للكهف اللي فيها و لقيــــت

إن الطبيعة كمان لا أخلاقيــــــــــة

عجبي !!!!


http://www.arb-msn.com/up/uploads/e1be5f76c6.gif

بلياتشو قال إيه بس فايدة فنونــــي ؟

و تلات وقق مساحيق بيلونونـــــــي

و الطبل و المزامير و كتر الجعـــــــير

إذا كان جنون زبوني زاد عن جنوني

عجبي !!!


http://www.arb-msn.com/up/uploads/e1be5f76c6.gif


نقطة مرارة كمان علي مشروبـــــــــــي

دوبها يا ساقي حسب مطلوبـــــــــــــــي

طعب الحياة .. مش برضه فيها و فيها ؟

ليالي وردي و نهارات خروبــــــــــــي ؟

عجبي!!


http://www.arb-msn.com/up/uploads/e1be5f76c6.gif


وسط الحطام اتفرجوا يا أنـــــــــام

تمثال ملك . و مبوله م الرخــــــام

لتنين نحتهم نفس أسطي الحجــــر

و كانوا ذات يوم كتلتين لسه خــام

عجبي !


http://www.arb-msn.com/up/uploads/e1be5f76c6.gif


عيد و العيال اتنططوا ع القبـــــــور

لعبوا استغمايه .. و لعبوا بابــــــور

و باللونات و نايلونات شفتشـــــــي

و الحزن ح يروح فين جنب السرور

عجبي !!


http://www.arb-msn.com/up/uploads/e1be5f76c6.gif


أنا قلبي كورة و الفراودة أكــــــــــم

ياما اتنطح و انشاط و ياما اتعكـــــم

و اقول له كله ح ينتهي في المعـــاد

يقول بساعتك ؟ و الا بساعة الحكم ؟

عجبي !!!


http://www.arb-msn.com/up/uploads/e1be5f76c6.gif


الضحك قال يا سم ع التكشيـــــــر

امشير و طوبه وانا ربيعي بشيـر

مطرح ما باظهر بانتصر ع العدم

انشالله أكون رسماية بالطباشيــر

عجبي !!!!


http://www.arb-msn.com/up/uploads/e1be5f76c6.gif


أهوي الهوي و همس الهوي في العيون

وبسمة المغرم ودمعه الحنـــــــــــــــون

و زلزلات الحب نهد الصبـــــــــــــــــــــا

أكون انا المحبوب أو لا أكــــــــــــــــون

عجبي !!!


http://www.arb-msn.com/up/uploads/e1be5f76c6.gif


يا ملونين البيض في شم النسيـــــم

لون الحنين و الشوق و خمر النديم

ما تعرفوش سايق عليكو النبــــــي

تلونوا الأيام بلون النعيــــــــــــــم ؟

عجبي!!


http://www.arb-msn.com/up/uploads/e1be5f76c6.gif


الدنيا صندوق دنيا .. دور بعــــد دور

الدكة هي .. و هي كل الديكـــــــــور

يمشي اللي شاف ويسيب لغيره مكان

كان عربجي أو كان امبراطــــــــور

عجبي !


http://www.arb-msn.com/up/uploads/e1be5f76c6.gif


قطي العزيز راقد علي الكنبــــــات

في نوم لذيذ .. و بيلحس الشنبات

و انا كل عين فنجان مدلدق قلــق

صدق اللي قال إن الحياة منابات

عجبي !!


http://www.arb-msn.com/up/uploads/e1be5f76c6.gif


قالوا السياسة مهلكة بشكل عـــــــــــام

و بحورها يا بني خشنة مش ريش نعام

غوص فيها تلقي الغرقانين كلهــــــــــم

شايلين غنايم .. و الخفيف اللي عـــــام

عجبي !!!


http://www.arb-msn.com/up/uploads/e1be5f76c6.gif


سلام سلام سلام سلام ... سلام

كلام كلام كلام كلام ... كلام

هز الورق يا صاحبي كدهــــوه

يطلع كلام سلام .. و سلام كلام

عجبي !!!!


http://www.arb-msn.com/up/uploads/e1be5f76c6.gif


فوق تحت . ورا قدام . يمين شمـــال

في الجو . تحت الميه . أو في الرمال

طلب الكمال يحرم علي الممـــــــــكن

و الممكنات دول محرومين م الكمال

عجبي !!!


http://www.arb-msn.com/up/uploads/e1be5f76c6.gif
منقول (http://spaces.msn.com/members/kotozzz/)

نقــاء
19-01-2006, 05:54 PM
كل كلامه باللهجه العاميه ولكن في نهاية كل مقطع يقول كلمه بالفصحى "عجبي!!!"

أنا بصراحه لا أحبذ هذا النوع من المزج....

شكرا على النقل أخي غلباان