PDA

عرض كامل الموضوع : نحمد الله .. انتهت كل المشاكل إلا...



أنمـــار
22-11-2003, 05:41 PM
نحمد الله هذا الانجاز العظيم *** انتهت كل المشاكل يافهيم
مابقى الى مشكله وحدة فقط *** باقي الترشيح وتصويت الحريم
نبي الحرمه عضو في البرلمان *** اش زودهم عنا هاذولا الامريكان
ليش ناقف حنا بوجه الزمان *** الزعيمه اش فرقها عن الزعيم
وش زودهم حتى علينا الانجليز *** حنا وياهم ترانا تيز تيز
لى متى هذا التخلف يالعزيز *** مسس تاتشر مثلها مثل ام ريم
كل يوم من المرة نسمع عتاب *** ليش مانسمح لها بالانتخاب
حلمهن اصبح سراب في سراب *** وين راعي الفكر والرأي السليم
نبي الحرمه عضو بنت الحلال *** ماعلينا من حكي قيل وقال
ليش مانعطي المرة حنا مجال *** ونلعن الشيطان وابليس الرجيم
خلو نص المجتمع نص الحياة *** تدخل المجلس دخول الفاتحات
لجل تلبس بشت وتقط العبات *** لى متى عقل وتفكيرك قديم
يصبح المجلس مثل شاهي الضحى *** والرجل يطبخ لنفسه لا صحى
دام لاتطبخ ولا تطحن رحى *** لا ولا ترضع ولا تربي فطيم
لي متى هذا التخلف والجهل *** ليش صارت مشكله حلها سهل
روح صوت انت وامك والاهل *** خلها تمشي بخط مستقيم
ياجماعه مانبي الفرصه تفوت *** افتحو بيبان ربات البيوت
ان تحقق حلمها ولا تموت *** ارحمو يرحمكم رب رحيم
ليش سببتو لهل المراة الم *** السياسه حلمها منذ القدم
فيه مهم وفيه في الدنيا اهم *** دين ناقص عقل ناقص يا غشيم
سلم الجهال بيدين الخدم *** وانت خلك بينهم مثل العلم
الغدى صمون مالازم لحم *** يعني احسنلك اذا تسوى رجيم
ليش نهضم حق بدريه وسارة *** ليش مانركض وراى ركب الحضارة
باكر تشوف المرة وسط الوزارة *** تتوسط للمواطن والمقيم
وتتصدى لكل مشروع خطير *** وايضاً تدافع عن حقوق الفقير
مو بعيد العضوة تستجوب وزير *** بس ماتستجوبه كانه وسيم
ولو فرضنا قسم الله ونجحت *** وكل نسوان البلد معها فرحت
من يقول انها عقب هذا فلحت *** حتى ولو كان كيدهم كيداً عظيم
عامها الاول قضى حمل وولادة *** حملت عقب النجاح من القرادة
المواطن مالقى منها استفادة *** من سببها يصفق الكف ويهيم
وعامها الثاني اجازة للامومة *** ما معاها وقت والورعان كومة
العضو يرتاح وترتاح الحكومة *** عام ماتسمع لها سين وجيم
وعامها الثالث قضى كله سواد *** مات ابو العيال ودشت بالحداد
وش تسوي امر من رب العباد *** عظم الله اجرها والله كريم
وعامها الرابع تبي تدور رجل *** يومه المرحوم وافاه الاجل
توها صغيره وهو مات بعجل *** يوم عنها مات عاشت في جحيم
خلو الحرمه تربي عيالها *** بيتها هو شمسها وظلالها
المرة بالبيت تلقى حالها *** مالنا ومال انتخابات الحريم

السلطان
23-11-2003, 12:55 PM
أنمـــار,

خلو الحرمه تربي عيالها *** بيتها هو شمسها وظلالها
المرة بالبيت تلقى حالها *** مالنا ومال انتخابات الحريم

صح لسانك...

تسلم يمينك اخوي أنمار على هالقصيدة..

كلامك عين الصواب..

تقبل تحياتي