PDA

عرض كامل الموضوع : اي نوع منهم كنتم و انتم صغار....؟؟



ســـعـــد
10-04-2006, 08:00 AM
▌ !!◄أى منهم كنتم يلا طلعو الفضايح►!!▌`*:• .

--------------------------------------------------------------------------------


يختلف الاطفال في سلوكهم وتصرفاتهم ونفسيتهم ..


لذلك .. هناك نماذج مختلفه من الأطفال كنا في يوم من الأيام مثلهم ..




الطفل البريء


في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..







الطفل العنيد



يطبق نظام البيت بالعكس .. يسوي اللي براسه ..

مايخاف من الأب أو الأم .. لو قلت له هذا خطر لاتقربه .. عناد فيك يسويه ..

يُــضرب كثيراً في طفولته .. ومع ذلك عنيد مايغير رايه ..





الطفل الحنّـان


يستخدم وسيلة الحنة لتلبية رغباته

له نغمه خاصه في المنزل ..

تلبى رغباته كـُرهاً .. يعانون اهله من الصداع المستمر ..





الطفل المادي



هذا الطفل مايرد السلام الا ( بفلوس ) ..

تعامله مع اهل المنزل .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..





الطفل الفتّــان



تجد عند هذا النوع جميع اخبار المنزل ..

يجد المتعه في اذلال غيره بالفتنه عليه .. ماله خاتمه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية .. في الجريدة الرسمية ..






الطفل الدلوع



هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..







الطفل العله




يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها ..






الطفل الداج



هذا الطفل مستحيل يجلس في المنزل ..


يعيش في الشارع اكثر من بيته .. خبره ودليل في كل ممر وطريق ..


يعرف طول الشارع بالسنتيمتر .. من الممكن ان يصبح اذا كبر مهندس طرق ..








الطفل الملسون




يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..








الطفل اللزقه



تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

يـُـضرب كثيراً .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من شباك البيت للهروب منه ..

ولكن للأسف يجدونه بانتظارهم في السيارة ..ويسألهم ليش تأخرتوا عليّ ..








الطفل الهادي



هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..







الطفل القوي



اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..





بصراحه .. اي الانواع كنتم قولوا



يالله طلعوا الفضايح

لذة غرام
11-04-2006, 12:30 AM
:D


:D


:D


الطفل اللزقه



تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

يـُـضرب كثيراً .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من شباك البيت للهروب منه ..

ولكن للأسف يجدونه بانتظارهم في السيارة ..ويسألهم ليش تأخرتوا عليّ ..


هذا أنا بس بيني وبينك:D

شموع
11-04-2006, 12:44 AM
الطفل الهادي



هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..( مو لذي الدرجه )

كنت كذا بس لما كبرت ما ادري ايش صار فيا انخبلت وطار الهدوء خاصه السنتين الاخيره تأثرت بصديقه
تحب المغامرات وروحها مرحه فصرت مثلها
وأمس عملنا مغامره حلووووه بس ما اقولكم عليها أخاف تفضحونا لأنها سر

بعيد عن الدار
11-04-2006, 01:42 AM
.
.
؟
مشكور اخوي سعد معودنا على المواضيع الرائعه
بس الله يهديك وشهوله تطلع فضايحنا يالغالي
.
.
.
.
بس اظن يمكن اكثر شي ينطبق علي الطفل العنيد
.
.
.
بس الحمدلله لا الوالد ولا الوالده يتعاملوووون بالضرب فربك سلمنا
.
هههههههههه اهم شي انت من اي نوع;) ;)

* دلع *
11-04-2006, 11:18 AM
الطفل الداج



هذا الطفل مستحيل يجلس في المنزل ..


يعيش في الشارع اكثر من بيته .. خبره ودليل في كل ممر وطريق ..


يعرف طول الشارع بالسنتيمتر .. من الممكن ان يصبح اذا كبر مهندس طرق ..



أنا كنت من هالنوع !! :o
معذبه أهلي مسميني خرج ولم يعد .. :D

كيت كاته
13-04-2006, 03:04 PM
▌ !!◄

الطفل البريء

في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..
-----------------------------------
الطفل الملسون

يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..


انا اجمع هالنوعين
ما ادري كيف بس احس اني كنت كذا
بس سعدوه انت ما قلتلنا انت من اي نوع والا بس تبي تعرف فضايحنا وانت تقعد في الظل

fefe2000
27-06-2006, 06:17 PM
الصراحة كنت طفل ملسون