PDA

عرض كامل الموضوع : ياليتني رجًال!!!



زهره السوسن
25-11-2003, 03:55 PM
كنت مره من المرات عند خوياتي مجتمعين ،ومبسوطين نفصفص ونتقهوى سواليف وفلّة احجاج ولا احد قدنا،
وبينما أنحن انتماعط ونتجاذب الاحاديث ،مادريت الا وذايك ((الآه ))اللي قطعت علينا السوالف ولتفت والاها نوف قلت لها : سلامتك من الآه وعلى ايش ذا التوهوه ؟؟ّ!

قالت نوف : آه ياروووز آه (( ياليتني رجال ))

كان اعلوم وهبال وخبال ساعة صدر وفلّة احجاج كان أطلع من البيت محدٍ يقول وين انت رايح ، اجي للبيت محدٍ يقول منين انت جاي ،

(( التفحيط )) آه يا عيني على التفحيط والله يا شيخه ان تسان اصرقع بحرتنا واهلهاواروجهم روج بتفحيطي ، تسان اطلع بصوت التفحيط أنغام ، امر على جهيّر وسوير و منيره ولا تهونين يا روز ، واجدّع بكم ولفلف بكم شوارع الرياض ،

ولا به مكان على وجه الارض ما ندوّج به ونتسكع به،
وفي ماهي قاعدةٍ ترطن الا وسوير تقاطعا وتقول : مالت عليتس بس هذا كل اللي هامتس ؟ التفحيط ! احسب ان عندتس مير علم ما اقول غير الله يخلف على اهلاً جابوتس

قاطعتهم (( حصه )) .. وحصه هاذي دفشه شوي ولا عندها بعد نظر .. وقالت : أي والله ياليتني بعد انا اصير رجال ولانيب رجال عادي ودي اصير مزيون ولد تجّار بعد، همن اقهر الهنوف اللي تقول ان كل عيال الحاره زد اخطبوها همن تعجب فيني بس نا ازلبها ولا اعطيها وجه ، عشانها يعني زينه تقعد تغايرنا وتقهرنا ؟؟ .......

وفيما الهنوف تحكي ومن قبلهانوف قلت في نفسي يا (( روز )) لو تمنيتي تكونين رجال وش ودك تملكين من صفات الرجوله وشهي الطبايع اللي تحبين انها تكون فيك ،

<<<<<<<<<< جازت لها السالفه

وانا شاردٍ ذهني ما وعيت الاعلى صوت سويّر وهي تقول : صيته صيته

<<<<<<<<<<< اسمها صيته ويدلعونها روز وعع

قلت وجع عمى وش تبين غرفتي عقلي بزعاقتس تراي جمبتس منيب في الحوش يومنتس تصّوتين ،

قالت : روز لو تمنيتي تكونين رجال وش ودتس تصيرين، انا داريه وش ودتس تصيّرين اكيّد تبين تصيرين سواق _تكسي خابرتس تحبين الدوجه.

(( ماقلت لكم انها دفشه وخبله )) بس تراي منيب اوخذها على حكيها، لكن سؤالها كان في الصميم تسنهاعارفه وشني افكر فيه .

قلت :

=========================================

ياليتني (( رجال)) مخشى المطاريش .... اذب صعبات الطرايق لحالي

رجال .. ماني من رجال الدشاديش .... رجولته في لبسته للعقالي

ولاني من اللي بنبسط للنجاشيش .... امه وابوه يبيعهم با الريالي

وماني من اللي ضاريٍ با المخاشيش .... الى اشتكوا ربعه عليه الليالي

رجال ماني من رجالٍ مدافيش .... عقله خفيف وخفته با الهبالي

وأسوق (( شاصٍ ))مادخل دار توريش .... تسلمت كرته يوم سلمت مالي

لا دق سلفٍ مايجي له خشاخيش .... واليا طلع صعب المناهيج رالي

وأخاوي اللي ضاريٍ للمغابيش .... (( رجال موقف وللمواقف رجالي ))

لي شرت له با الشور ماقال لي ليش ؟ .... ولي شار بي مازيّد قيلٍ وقالي

رجال ماهو من رجال الدراويش .... لاصك بابه عن عدوٍ وغالي

الى انتفض مثل (( الصقر )) ناهض الريش .... حلمه طويل وماكره في الجبالي

ليا تخاوينا تركنا الخفافيش .... اللي صداقتهم صداقة ريالي

نمشي مع أرضٍٍ رشتّها الرشاريش .... لابردها يجزي ولاهي قوالي

ريح المطر ينعش حيا القلب تنعيّش .... وريح الخزامى مع هبوب الشمالي

(( لاكن انا طير ))

لاكن انا طير منتّف الريش .... واكبر عزاي اني (( بنت )) الرجالي

========================================

ممداني انهي البيت الاخير الا واشوف الدمع على وجنة (( نوره )) نزل ،
نوره ، هاذي انسانه خلوقه و مؤدبه وصمتها كثير
اذا شفتها تحسن ان هموم الدنيا وآلامها في عيونها، وهي اكبر خواتها ولا لها من الذكور اخوان،
وابوها كبير في السن ورغم كبر سنه كان يخدم اهله وبيته ويلبي مطالبه ،

وحاله يذكرني بالبيت اللي يقول :

جفونه مثقلاتٍ من سنينه .. ومن هول الدهر عقدة لسانه

يبي ينهض ورجلينه تخونه .. وسمعه من قبل رجليه خانه

سمعت اقصاه يوم انّه تزّفر .. وشفت العز في لحظة هوانه

======================================

سألت نوره وقلت لها وش فيك يا غاليه ؟؟

قالت ودموع الحزن تعتريها مع تنهيدة طلعة من اقصا جوفها : آه آه يا روز يالينتي رجال ،

ثم انشدت :

ياليتني رجال يابوي واكفيك .. حمل الحياة اللي تهد الكتوفي

ياليتني يابوي أقدر اوفيك .. واحملك ياغالي على راحت اكفوفي

يالله انا ناصيك وطالبك وابرجيك .. ترحم (( كبير السن )) وبه تروفي .

ما ملك اعصابي وسالت الدمعه من اهدابي وقلت :
كفو والله يانوره كفو.

======================================

ترى ماكل رجال برجال ، ولا كن من صار ذكر صار رجال

كلمة (( رجال )) مدلولها كبير وعظيم بس اهلها قليل ، الرجوله با الفعايل الحسنه والعلوم السنعه

بس يكفينا فخر ان اغلب شبابنا ورجالنا تحتويهم معنى الرجوله.

والله يخليكم لنا يا رجالنا آمين آمين .

================================

تحياتي لكم

منقول لعيونكم

ملاك
25-11-2003, 10:59 PM
صح لسانك مو كل رجال ينقال لة رجال

ياليتني رجال يابوي واكفيك .. حمل الحياة اللي تهد الكتوفي

ياليتني يابوي أقدر اوفيك .. واحملك ياغالي على راحت اكفوفي

يالله انا ناصيك وطالبك وابرجيك .. ترحم (( كبير السن )) وبه تروفي .

والله يساعدنااا

زهره السوسن
26-11-2003, 12:17 AM
اختي ملاك:


صح لسانك مو كل رجال ينقال لة رجال

ياليتني رجال يابوي واكفيك .. حمل الحياة اللي تهد الكتوفي

ياليتني يابوي أقدر اوفيك .. واحملك ياغالي على راحت اكفوفي

يالله انا ناصيك وطالبك وابرجيك .. ترحم (( كبير السن )) وبه تروفي .

والله يساعدنااا


فعلا الله يساعد اللي مالها عضيد في هالدنيا


شاكره لك مرورك

تحياتي

السلطان
28-11-2003, 06:25 AM
زهره السوسن,

بصراحه روووعه..

يسلموو اختي زهره السوسن..


رجال .. ماني من رجال الدشاديش .... رجولته في لبسته للعقالي

ولاني من اللي بنبسط للنجاشيش .... امه وابوه يبيعهم با الريالي

وماني من اللي ضاريٍ با المخاشيش .... الى اشتكوا ربعه عليه الليالي

رجال ماني من رجالٍ مدافيش .... عقله خفيف وخفته با الهبالي



بس اتوقع لو ان نوف ولد كان غطت على سعد مرزوق بالتفحيط :mrgreen:

مشكورة زهره السوسن..

تحياتي

زهره السوسن
28-11-2003, 06:30 AM
العفو اخوي السلطان


بس عندي سؤال:مين هذا سعد مرزوق؟؟ :roll:

همسةفتون
28-11-2003, 08:09 AM
زهرة السوسن





لو كنتي رجًّال











بتزوجك :oops:


keep in touch
همسةفتون

زهره السوسن
17-12-2003, 02:35 AM
:roll: :roll: :roll:

مسطل
17-12-2003, 02:58 AM
ياليتني رجال يابوي واكفيك .. حمل الحياة اللي تهد الكتوفي

ياليتني يابوي أقدر اوفيك .. واحملك ياغالي على راحت اكفوفي

يالله انا ناصيك وطالبك وابرجيك .. ترحم (( كبير السن )) وبه تروفي . !!


نقل موفق اختي زهره !!

وصح لسانك !! بصراحه موووضوع جدا رائع :) وفصفصته حرف حرف :)

بالنسبه للمذكور عاليه :) سعد مرزوق !!

هذا شاب !! بدايته كانت ضياع في ضياع :) ويعتبر اشهر مفحط مر على

شباب السعوديه حتى الان !! ومثل في طاش ماطاش :) والحين ماشاء الله

عليه عقل وتوظف ومتزوج !! واعتقد عنده عيال

تحياتي
مسطل

زهره السوسن
17-12-2003, 03:03 AM
هلا اخوي مسطل

شاكره لك اطرأك

وشاكره لك المعلومه..والله يوفق ويهدي الجميع

تحياتي

زهره السوسن

الكاحل
17-12-2003, 07:35 AM
زهره السوسن


شو هاالحكي ولو .....مابيصر

بس صراحه شي
وأسوق (( شاصٍ ))مادخل دار توريش .... تسلمت كرته يوم سلمت مالي

لا دق سلفٍ مايجي له خشاخيش .... واليا طلع صعب المناهيج رالي



و روز و صيته ذولا لحال

صراحه الموضوع ممتع وحق وناسه
اشكرك على الموضوع

الخاطر الحزين
17-12-2003, 05:29 PM
ترى ماكل رجال برجال ، ولا كن من صار ذكر صار رجال

كلمة (( رجال )) مدلولها كبير وعظيم بس اهلها قليل ، الرجوله با الفعايل الحسنه والعلوم السنعه
بس يكفينا [/color][/size]فخر ان اغلب شبابنا ورجالنا تحتويهم معنى الرجوله.

والله يخليكم لنا يا رجالنا آمين آمين .

================================
تحياتي لكم
[/color][/size][/center]

منقول لعيونكم

اذا كانت عيونا تجيب هيك كلام
فما بالكم لو كانت عيون الاناث
فهل تتمنون يا رجال ان تكونوا إناث :P :lol: :wink:

زهره السوسن
19-12-2003, 09:51 AM
الكاحل:

اهم شي اعجبك الموضوع


شاكره لك مرورك

الخاطر الحزين:

تسلم على كلاماتك الرقيقه

والسؤال .. اجابته اكيد لديكم

تحياتي

زهره السوسن

mr.ghost
20-12-2003, 12:33 AM
ياليتني رجال يابوي واكفيك .. حمل الحياة اللي تهد الكتوفي

ياليتني يابوي أقدر اوفيك .. واحملك ياغالي على راحت اكفوفي

يالله انا ناصيك وطالبك وابرجيك .. ترحم (( كبير السن )) وبه تروفي .

ما ملك اعصابي وسالت الدمعه من اهدابي وقلت :
كفو والله يانوره كفو.

======================================

ترى ماكل رجال برجال ، ولا كن من صار ذكر صار رجال

كلمة (( رجال )) مدلولها كبير وعظيم بس اهلها قليل ، الرجوله با الفعايل الحسنه والعلوم السنعه

بس يكفينا فخر ان اغلب شبابنا ورجالنا تحتويهم معنى الرجوله.

والله يخليكم لنا يا رجالنا آمين آمين















صح لسانك مشرفتنا المبدعه زهره السوسن



والله كلام ولا اروع




واتمنى امنيه بالفعل

انو يكون اغلب شبابنا رجال وتحتويهم معنى الرجوله






والله يحفظكم لنا يالاناث
ويخليكم لنا انشالله




تحياتي
ghostالشعر