PDA

عرض كامل الموضوع : بقايـــــــــــــــــا من الذاكرة



Good Boy
28-11-2003, 11:02 PM
مساء الخير / صباح الخير

هذه طبعا سلسلة من قصائد أبن عمي و أنشاء الله انها تعجبكم

بقايا من الذاكرة


يا عاقد أتّذكر الحـل .. الدوايـر تـدور=تـرى قسـاة القلـب بـدايـة نهايـتـه

أمتيمك ثقلت أهدابـه وطاحـت جسـور=ولـه نظـرةٍ فيـك بقبالـه وبقفايـتـه

وألا أنت والله ما جا منك مـره قصـور=ألا أن عاشقك مـا يـدري وش جنايتـه

مسعاي يمك نتيجـة مـا تكـن الصـدور=وألا أنت شخصٍ تقل ذبحي مـن هوايتـه

أنت متطـرف بعـاد وزاهـدٍ بالحضـور=هـذاه حالـك وتـو الـدرب فبدايـتـه

يا قاسي القلـب والدنيـا محطـة عبـور=ترى البنـادم علـى مـا نكسـت رايتـه

تمهل شوي وأقر شـوي بيـن السطـور=يجـوز تلقـى صغيـرٍ تاجـب وصايتـه

ما ينبت البعـد فقلـوب الأحبـه زهـور=والصوت ما قـد نفـع لا فاتـت الفايتـه

وقراية ( معلمي ) زادت دبـوري دبـور=ما غيرك اللي شفى روحي مـن قرايتـه

ومادامت أحوال عشاقك حـدور فحـدور=وسيلـة العاشـق تبـرر مـدى غايتـه

وذودٍ عن حمى الهوى ماهو علي محصور=لـن الحمـى دايـمٍ مـن كثـر حمّايتـه

وأن كان شحت بوصالك لا عدمنا البثـور=يا مصوب القلب .. من صوبك برمايتـه

إن كان ما أعفاك يعفاه الفرح والسـرور=إن ما عفى ألك أنت من له يذخر عفايتـه

أنسان ما حقق أحلامـه يمـوت معـذور=يخـط بيديـن مـوت أحلامـه نهايـتـه

هاذا هو العشق .. لا تقعد تلـف وتـدور=ما نيـب دايـم وانـا أردد لـك روايتـه

وكانك على لوعة الدنيـا كتـومٍ صبـور=المهتـدي شـاف شـيٍ ضيـع هدايتـه

وأن كان قامت على عزومه تحوم النسور=قول الجمل طـاح وأبـرِد كبـد شمايتـه

زهره السوسن
28-11-2003, 11:15 PM
ررروعه ... القصيده

ابداع لا ينتجه الا المبدعون


تحياتي

Good Boy
28-11-2003, 11:44 PM
زهرة السوسن


أيها المتألق شكرا على مرورك وقرائتك للقصيدة

شكرا على ردك الرائع والمهذب و أنتي مبدعة

هذا هو العشق لا تقعد تلف وتدور
.............................. ما نيب دايم و أنا أردد لك روايته