PDA

عرض كامل الموضوع : الــــــغـــــــــــلا



الكاحل
30-11-2003, 03:42 PM
بعض الغلا يرث على القلب ولوال
وبعض الموده تذبح اللي عرضها


وبعض الغلاياخذ ليالي وينجال
وبعض الموده مايحصل عوضها


والابعضها ينعش الروح والحال
يحيي القلوب اللي قتلها مرضها


كم طارد(ن)للصيد من جال في جال
يسعى ولابه فرجه(ن)ماركضها


يميل مع غصن الهوى كل ما مال
ولا قدعرض ريمية(ن)مالحضها


طراد رماي(ن)للاجوال ختال
لكن رمى له رمية(ن)ماحفضها


رمية شفوق(ن)مولعاني ومهتال
من كف رامي مير ماادت غرضها


راحت حياته بين نازل ورحال
على دروب اللي قرونه نقضها


همه يباري طرشها وين ماحال
هذي سواته لين روحه لفضها


وانامن اسباب الهوى شلت الاحمال
احمال غي(ن)تهلك اللي نهضها


حمل الغريب اللي حداه اشهب اللال
عن طمعة(ن)يوعد بها ماقبضها


ارجي خبرها كل مابشر هلال
لين الفراق عروق كبدي قرضها


اتلى عهدها العام والحول قد حال
يوم القدرفرقى الولايف فرضها


وادعتها وعيونها تهجل اهجال
واطراف اصابعها بكفي بعضها


وقبّلت كف(ن)زاهي(ن)حبة الخال
ورحناوكل(ن)حمل نفسه بهضها


في حبها ما وحيت شاني وعذال
ونفسي بها ماتسمع اللي وعضها


عساه يسقي دارها كل همال
همال وسمي(ن)مزونه نفضها


بعض الغلا يرث على القلب ولوال
وبعض الموده تذبح اللي عرضها






فيصل الطـخـيـس

السلطان
30-11-2003, 06:17 PM
kilerwale,

اتلى عهدها العام والحول قد حال
يوم القدرفرقى الولايف فرضها


وادعتها وعيونها تهجل اهجال
واطراف اصابعها بكفي بعضها


وقبّلت كف(ن)زاهي(ن)حبة الخال
ورحناوكل(ن)حمل نفسه بهضها



صححححح لسانك..

بصراااحه رووعه..

يعطيك العافية اخوي..

ولاتحرمنا من ابداعاتك..

تحياتي لك

الكاحل
01-12-2003, 06:38 AM
صح بدنك
نيابتن عن الشاعر

وشكرن حبيبي وهاذا طال عمرك من ذذذذذوقك