PDA

عرض كامل الموضوع : سلامات يا مصر



memy_eng
02-06-2006, 01:15 AM
انا عاوزه اتكلم معاكم فى موضوع دفاعنا عن مصر بلدنا اللى كتير جدا اذا ما كنش كل الولاد بيحاولوا يتهربوا منه (الجيش طبعا) واليوم اللى بيكون الولد رايح يشوف اذا كان هياخد اعفى ولا لأ بيكون يوم كله دعوات من الست الوالده والاخوات وطبعا البت بتاعته والسيد الوالد بيحاول يصبره ولما يروح هناك واذا اخد اعفى كأنه اخد تذكره للجنه واذا ما اخدش طبعا كأنه اخد تذكره لجهنم ويبدأ ينظر للمستقبل بالنظره التشاؤميه ويفكر فى احلى سنين عمره اللى ضاعت طيب نفكر سوا انا مش هقولك انك هتدافع عن بلدك واهلك وبتاع الفول اللى بتاكل عنده مع ان ده كلام صح جدا بس انا هقولك موقف صغير جدا تخيل ان والدك زعل منك وحرمك من المصروف وطبعا كده مش هتعرف تعزم الاموره بتاعتك على اى حاجه المهم حسيت بقسوه والدك عليك وفجأه وانت ماشى لاقيت شويه صيع بيضربوه هتعمل ايه ساعتها ؟ الاجابه دى اللى هتحدد موقفك من بلدك يا جماعه الحوارات اللى بنسمعها عن دخولك الجيش كلها حوارات هابطه وتودى فى ستين داهيه