PDA

عرض كامل الموضوع : كاس المشاعر



bibian
13-06-2006, 01:15 PM
يسعد صباحكم بكل حب ومودة
حبيت أطل عليكم اليوم بقصيدة جديدة وإنشاء الله تعجبكم

اترككم مع القصيدة

آه ياقلبي وش اللي صار فيك وفيني
مابقالك حظ باللي في غرامك ترتجيه

القوافي عاندتني والغلا مشعل حنيني
زود شوق للحبايب في خفوقي محتويه

الحبيبة قلبها قاسي وعيا يليني
والوفا والحب فيها طبع قلبي مرتضيه

قلت انا المفتون فتنة فيك ربي مبتليني
قالت اللي فيك فينا وماشكيته نشتكيه

قلت أنا داخل على الله فكي قيدي إتركيني
قالت وقلب يحبك وش أسوي بس فيه؟؟

قلت حبك نسي عهد المحبة من سنيني
قالت لساني يقوله وإلا قلبي مانسيه

قلت وش مقصدك من هالعذاب تعذبيني؟
قالت إسكت...هرجك الماصخ ماأبيه !!

قلت انا والله ماأبي اشوف اللي مايبيني
قالت الظاهر بدينا.....الغلط لاتبتديه

قلت يابنت الحلال الوقت من عمري ثميني
قالت إحسب كم يكلف وقت عمرك وأشتريه

قلت عمري مايقدر بالثمن للطيبيني
بس انا مهديه رمز قلبي مهتويه

قالت عيوني وماأملك فدوة للي مهتويني
الحبيب اللي غرامه في خفوقي محتويه

وأرخص بحالي ومالي وكل عمري له رهيني
قلت أنا؟؟طالعتني وإغمزت وقالتلي إيه

ودمتم بكل ود

bibian

بسمةأمل
13-06-2006, 07:31 PM
مشاعر نادره تفوح من ابيات القصيده

قليل جدا وجودها في زمننا الحاضر

يسلموا بيبيان

bibian
13-06-2006, 07:55 PM
هل كانت هنا وردة جورية؟؟؟

تفوح بعطرها الشادي؟

http://www.up19.com/up2/06/up19_com0613204404.gif

أم أنها كلمات سحرية...

مزجت مع سحر القصيد...

http://www.up19.com/up2/06/up19_com0613205440.gif

فدمعت من بين عينيها كلمات غزل؟؟؟؟

لم ادري انها بعطرها...وجمالها....ترد لي روحي ....هي بسمة امل

http://www.up19.com/up2/06/up19_com0613205543.gif

إختي الغالية بسمة أمل

أشكر لك مرورك

ودمتي بكل ود

bibian