PDA

عرض كامل الموضوع : ((((((((( السلطان --- والددسن ال 84 ( خطوط )))))



$$ مــحماس بن جاكــسون $$
07-12-2003, 09:23 AM
مقدمه



السلطان من اولاد عمي ابوه اخو ابوي بس هو بدوي وشايف حاله شوي هو وشكله الي كنه تنكه كليجا فاضيه والا راسه الي تقول محقن زيت مايشوف الناس ناس ---- اخس ياولد النعمه



كان السلطان ساكن مع اهله في نفود الدهناء

وكان يدرس السلطان في قريه قريبه منه يقال لها حفيره نساح المهم يوم تخرج السلطان من سادس ابتدائي ليلي قرر ابوه يشتري له سياره ددسن موديل 84 واشتراها ابوه له وكان السلطان يحافظ عليها اكثر من نفسه


وكان باني لها خيمه يدخل الددسن في الخيمه في الظهر علشان الشمس ماتلعب فيها ولا تحتك فيها الغنم


المهم جانا السلطان في الرياض يبي يسجل جندي في الحرس الوطني معه شهادته سادس ليلي


وكانت عليه شوشه وشنبات كانت الى حد ركبه وذقنه كنه بطل افلام اميركيه وثوبه متكسر من الوسخ وريحته تقتل حمار وفمه كنه حوض سباحه انواع العاهات لدرجه اني تروعت منه اول ماشفته


ووقف الددسن في البايكه الي في الحوش حقت سيارتي واي ولد يمر من عند الددسن يمسكه ويلعن والدينه حتى لو ماهو يم الددسن

اخذته على سيارتي يم التخصصي اروع به الشباب هناك وكم واحد انصرع وكم واحد اغمي عليه من شكل السلطان


وديته يم الخياط وفصلت له ثوب ثم وديته للحلاق وحلقت القشعه الي فوق راسه ثم وديته السوق وشريت له ملابس داخليه وجزم

المهم لبست الرجال وصار كشخه قلت نبي نروح للفيصليه ورحت للفيصليه وانواع الفضايح كل ماشاف بنت تناظره قال ذي معجبه وهي مستغربه من شكله الي يجيب الصمرقع كم بنت انصرعت يوم شافته وكم بنت غشي عليها وسبب لنا انواع الازعاج والفضايح


رجعنا للبيت بعد الحاح من السلطان علشان يشوف الددسن لا يكون احد البزارين لعب فيها او مر من عندها

وكان الوالد مسوي للسلطان عشاء وعازم الجماعه

ودخلنا على الرجال في المجلس وكل شوي السلطان بصوت عالي (( عم شفت الفيصليه يازينها زيناه )) عم (( شفت البنات في الفيصليه )) عم يحضكم والله البنات عندكم واجد وهو ماشاف فرته الي كنها صفحه رقم 6 فضحنا عند الرياجيل ماطمعت انا العشاء يخلص والرياجل تروح وابوي جبهته تصب عرق من محماس وسواليفه الي تبرد الوجه


جاء من بكره قال بدر نبي نروح للتخصصي على الددسن قلت لا تبي تفضحنا

قال لا لازم نروح على الددسن نكشخ فيها عند البنات حاولت معه نروح على سيارتي لكنه عيا قال لازم نروح على الددسن علشان يشوفوني البنات عليها قلت اوكي ولا صير خاطرك الا طيب


قلت في نفسي لازم اسوي فيه مقلب هو وددسنه وطنة في راسي اوديه يم سوق الغنم بدال التخصص

رحنا سوق الغنم واول ماشافوه الزوله تطامرو عليه كل يبيه يشتري من عنده (( وانتم عارفين الزوله لا شافوك في سوق الغنم وش يسوون ))
واحد تعلق في المريه واحد مسك الباب والي مسك الدركسيون


السلطان ماعاد يشوف اهم شي الددسن عنده مايجيها مشخ حط رجله على البنزين شوي الا قربع قربع قربعو في شبك النياق المقابله لسوق الغنم

وماتشوف الا انواع البكاء ولصياح والترفيس في ابو جكس الضعيف



واعذروني يابيدواااااااااان على التعبير تعرفون صاقط في التعبير

fido_dido
07-12-2003, 10:13 AM
هههههههههههههههههههههههههههه

http://smilies.sofrayt.com/%5E/h0/jump.gifhttp://smilies.sofrayt.com/%5E/h0/nut.gifhttp://smilies.sofrayt.com/%5E/h0/schizo.gif
يعطيك العافيه أبو جكـــــــــــــــــــــــــــــــــــس.....................

$$ مــحماس بن جاكــسون $$
07-12-2003, 01:13 PM
تسلم والله على مرورك على الموضوع

والله يجعل ها الضحك دوم ماهي يوم


ولك مني جزيل الشكر على مرورك على المضوضوع

أبومالك الحضرمي
07-12-2003, 01:21 PM
لووووووووووووووول



بصراحة مت من الضحك



لكن يفداك الضحك يا محماس




وحلوة على السلطان

مسطل
08-12-2003, 03:46 AM
هههههههههههههههههههههههههههههههههههههاي

الحمدلله هالمره الطقه براس السلطان

الله يرجك يابوجكس

تحياتي
مسطل

أبو عرب
08-12-2003, 04:09 AM
ههههههههخخخخخخخخ...... :lol:

قوية منك يا بن جاكسون.... :twisted:

الله يحيك... :D

$$ مــحماس بن جاكــسون $$
09-12-2003, 08:23 AM
ابو مالك الحضرمي :::::: الله يجعل الضحك دوم مرسومه على شفاتيك

ومشكور على مرورك على الموضوع ولك مني فائق التحيه والاحترام





مسطل :::: لا تخاف دورك جاي والله انا مجهز لك حجات حلووووووووووووه

ومشكور على مرورك على الموضوع ولك مني فائق التحيه والاحترام



ابو عرب :::: كلنا عيال 9 اشهر ولا قويه ولا شي توك ماشفت شي

خلني بس اتعرف عليك شوي والله لامحطك بموضوع تنسى جيرانكم

ومشكور على مرورك على الموضوع ولك مني فائق التحيه والاحترام

مسطل
10-12-2003, 01:21 AM
ابو جكس

شي طبيعي اني بمر على الموضوع وغصب علي :) دام انت الكاتب

ولازم افصفصه حرف حرف :) الله يخليك لي ولا يحرمني منك :)

واللي يجي منك عسل على قلبي يالغلا:)

تحياتي
مسطل

أبو عرب
10-12-2003, 08:50 PM
ابو عرب :::: كلنا عيال 9 اشهر ولا قويه ولا شي توك ماشفت شي

خلني بس اتعرف عليك شوي والله لامحطك بموضوع تنسى جيرانكم

ومشكور على مرورك على الموضوع ولك مني فائق التحيه والاحترام

ههههههه :lol: ...

طلعت خطير يا بن جاكسون :shock:

على كل حال انا تحت الامر و تمون عيوني... :wink:

1000 تحية 8-)

$$ مــحماس بن جاكــسون $$
15-12-2003, 02:28 PM
مسطل ::::::: بلاش تسوي معي اخلاق


ابو عرب ::::::::: ذا من طيب اخو عزيز


شاكر لكم مرورك يابدوووونز

مسطل
16-12-2003, 01:24 AM
هههههههههههههههههههههههاي

طيب لا يكثر :P

السلطان
16-12-2003, 01:48 AM
$$ مــحماس بن جاكــسون $$,

ههههههههههههههههههههههههههههههههههههه

ياابو جكس بلاش فضايح..:)

ترى هاذي ادعاءات بااااطله..

ولاتصدقون ابو جكس..

ترى الددسن كانت مكيف مو خطوط :lol:

خلني بس اتفرغ لك :mrgreen:

$$ مــحماس بن جاكــسون $$
20-12-2003, 02:40 PM
المسطل هااااااااااااااااااااه ::: اجل لايكثر ابشر بالخير


السلطان :: باطله ترى صورى الددسن موجوده عندي وانت تسوقها

جعلله


شاكر لكم مروركم على الموضوع

مسطل
20-12-2003, 02:43 PM
$$ مــحماس بن جاكــسون $$, محمااااس عن الخرط الفاضي

والله ماعندك ماعند جدتي مزنه الله يغفر لها :) واللي عندك هاته كان فيك خير

خخخخخخخخخخخخخخ ما انعطى وجه :)