PDA

عرض كامل الموضوع : عيد ميلاد اختي قرب,تكفووووووووون ساعدوني في الهدية



silent boy
15-06-2006, 03:52 AM
ابغى منكم اخر وافضل واجدد صور واغاني فرقة Backstreet boys الان والله جهازي جديد ولا فيه اي صوره لهم واختي تحبهم مررررررررررررررررررررررررررررررررررره
ومنهبله عليهم وتمووووووووووت فيهم تكفون جيبوا لي اغانيهم وصورهم الجديده:D



وشكرا:)

فيصل الشمري
15-06-2006, 06:00 AM
السلام عليكم

تبي الهديه؟؟
رح لاقرب تسجيلات اسلاميه وخذ لاختك شريط لاحد الدعاه
اما انت فرح لاقرب جدار وطق راسك فيه يمكن يزول الغباء اللي فيه
وترجع الغيره على اهلك لمحلها..

هل انتم عرب؟؟؟؟

اذا كنتم كذلك
فانتم تسلخون الهويه العربيه منكم ان لم تكن مسلوخه..

ياخي خفف شوي وقل ابي صورة فنانه عربيه او على الاقل غربيه
يعني ماتت غيرتك على اختك

وعيد ميلاد بعد!!
والله حرام تنسبوا للعروبه والاسلام



ياخي حرام تعيد بغير الفطر والاضحى..
لا عز الله انك تبي تحرر القدس وبغداد؟؟؟



والله ناس ؟؟
مدري من وين جايين ؟؟





والله يهديك ويهديها

خاالد
15-06-2006, 06:23 AM
يا فيصل الحوار بالتي هي احسن

الله الهادي

فيصل الشمري
15-06-2006, 09:23 AM
ياخالد هذولا ناس مغسوله روسهم غسل

وماراح يروح هالغباء الا باللي انت خابر!!!

؟؟ طير شلوى ؟؟
19-06-2006, 12:50 AM
صح انا معاك يالشمري قال ايش قال عيد ميلاد؟؟

هبوب الشمال
19-06-2006, 01:08 AM
والله لن تندم


عند شراء اى شريط للفتاة للشيخ / محمد المنجد رجل تربوي قدير


اتمنى من الله وهو عزيز بعرشة أن يمد بعمرها وعمركم بطاعة الله


والا الحياة فانية

محبكم

يزيد الدمام

همسةفتون
22-06-2006, 07:07 PM
الحلو فيك انك بتحب اختك

وياحليلها بواحد زيك يعبرهاا

اعطيها فلوش كاااش في ظرف ملوون

بس بعد يوم مولدها باسبوع

>> مخالفة لليهود <<

عموما الهدية والتهادي حلوة

والرسول عليه السلام كان يقبل الهدية

لكن

احذر الوقوع في المحظورات ولا ياويلك من ربناااا

ودمتم لبعضيكم

moody
23-06-2006, 03:18 AM
شوية شوية يا فيصل والله صلخت الآدمي

وياحظ أختك فيك يا work.com.sa ، أنا تخرجت السنة هذي من الجامعة وإلى الآن ما عملوا لي حفلة أهلي

ويقولون بعد ما نرجع من السفر يصير خير على الله يرجعون وما ينسون

الحـــافية
23-06-2006, 03:32 AM
هلووو

اوكي اشتر لها عطر،، كيكه بالنكههة اللي تحبها،، ودها مطعم،، عطها فلوس...

اتمنى يكون اقتراحي له معنى (:


الحافية

bint ommy
28-06-2006, 02:31 AM
لا يا فيصل كلامك هو الصح ما عليك منهم .. اتمني يكون في رد منك

شكرررررررررررا

إنسان لا اكثر
28-06-2006, 04:27 AM
س1: ماحكم الاحتفال بأعياد الميلاد للمسلمين؟
جـ1: لايجوز للمسلم الاحتفال بعيد الميلاد لانة فية تشبة لنصارى واليهود(حرام ).
قال رسول الله صلى الله علية وسلم (من تشبة بقوم فهو منهم) .
وللمسلمين عيدين عيد الاضحى وعيد الفطر.
ويجب على المسلم الاعتزاز بالاسلام اين ماكان وبكل الاسلام من دون تفصيل .او اخذ بعضة وترك البعض الاخر.

ويجوز للمسلم ان يحب اخية وان يهدية اي هدية بشرط ان تكون نيتة انها هدية وليست عيداً ميلاد.

قال رسول الله صلى الله علية وسلم (تهادوا تحابوا)

يأخي ماذا بها لو اتيت بهدية لاختك بعد اسبوع من عيد الميلاد وقلت لها خذي هذة هدية مني لكي لانكي عزيزة عندي واقدرك واحترمك .

إلا نقلد لا وتقليد أعمى

الله يخليلك اختك وتشوفها عروووووووس ورافعة راسك .

الان عرفت الحكم في اعياد الميلاد.وإن الله يحزن ويغضب اذا انتهكت محارمة .
وانت انسان حر حر حر بكل ماتعنية الكمة من معنى .
وكلاً منا يتحمل نتيجة اخطائة وذنوبة .
(النار ماتكل الا رجل واطيها )
اخوك في الله .

silent boy
13-07-2006, 08:36 PM
خلااااااااص والله دريت ان اعياد الميلاد حرام

اففففففففففففففففف وشذا عليكم ردود!!!!!!!

silent boy
13-07-2006, 08:49 PM
طيب انا ابي افهم شي واحد بس على كل هذي الردود ولأحد فيكم حط في رده الشي اللي انا ابغاه !!!!!!؟

طيب لو قلتلكم اني الصور والاغاني اللي ابيها هذي ما ابهديها على اختي ابحطها في جهازي بس كذا

بتجيبونلي بعد الاحكام والشروط والله اذا السالفه كذا اجل الغوا القسم الفني كله وريحوا انفسكم ...





اما انت يا فيصل الشمري فانت بصراحه تامه واحد عنصري جداً ولا تنفعلك المنتديات اصلاً الانترنت كله ماينفعلك OK ...

فيصل الشمري
15-07-2006, 01:01 AM
اما انت يا فيصل الشمري فانت بصراحه تامه واحد عنصري جداً ولا تنفعلك المنتديات اصلاً الانترنت كله ماينفعلك OK ...

السلام عليكم

اخي سايلنت بوي

اولا اعتذر ان كنت قد قسوت عليك

لكن كنت اريد نصحك فانفعلت من غير قصد

الله يهديك ويهديني ويهدي الجميع
والله لا يفرق بينك وبين اختك

silent boy
16-07-2006, 03:26 PM
ماعليش يا اخي فيصل الشمري والله اني اعتذر لك عن ها التصرف الخطا

وكل الاخون اللي غلطت عليهم في هذا المنتدى الرائع ارجو انهم يتقبلون اعتذاري

ما اطول عليكم ومع السلامه


يمكن معد تشوفوني ابداً بعد اللي صار