مها ... عبدالعزيز, قمة الحـــــــــــــــــب

[margo0ogh]

مها بنت جميلةعمرها 22 سنة، ساكنه مع امها وابوها واخوها سعد في قصر كبيــر مليان من الخدم والحشم...
لها ملامح طفوليه بريئه والهدوء هو عادتها...

يوم الأحد الساعة 9 باليلل...
مها جالسه مع امها في الصاله التحتيه ومندمجين مع الفيلم العربي...
..ويقطع عليهم الفيلم صوت جوال مها...
تشوف الا هذا رقم بدور، وترد عليها
مها:الو..
بدور: واهي طايره من الفرحه مها باركيلنا ... ابشرج جابت ولد..
مها:على البركة الحمد لله على سلامة نوف واهي شلونها اللحين..
بدور: الحمدلله طيبه بس اكيد انها نايمه لانها رايحة للمستشفى من الصبح وسولها طلق صناعي
لانها عدت مدة الحمل ..
مها: انا بروح ابشر امي يلا بــــــــاي ...

وتروح مها تبشر امها

بدور اهي اخت نوف الكبيرة ويصيرون بنات خالة مها...

وطبعا الساعة 9.15 الخبر منتشر في العايلة كلها ..تعرفون الحريم مايكذبون خبر...
يوم الأثنين

ترجع مها من الكليه وتحط راسها وتنام ...
وتصحى على صوت جوالها...
مها: الو.....
بدور: هلا مها وجع لين اللحين نايمة ماتشبعين نوم انتي...
مها: هلا بدور ، لا بس اليوم تعبت من الكلية ، إلا كم الساعة اللحين...
حنان: الساعة 7 واحنا اللحين بنروح المستشفى عند نوف بتجين معانا ولا لا؟
مها: اكيد بجي بس من بيروح معاكم..
بدور:عمتي سارة وبنات اعمامي نورة وهند ولولوة ..
مها: خلاص انا بجي مع امي..
بدور:اوكي بس لاتتأخرون .
مها :طيب يلا بـــــــــــاي
بدور:باي....

وتقوم مها وتتغسل وتبدل ملابسها وتلقى امها جالسة بعبايتها تحت تستناها
ويركبون السيارة ويروحون المستشفى..

في بيت خالد(ابو نوف وبدور)
بدور تلبس ثيابها وتتصل على السواق وماتلقاه موجود..
تتصل على بيت عمها(أحمد،أبو نورة وهند)
بدور:الو...
هند:هلا بدور يلا احنا نستناج ليش تأخرتي.
بدور: لابس مالقيت السواق شوفي اخوج موجود يودينا؟
هند:يلا بشوف وبتصل عليج.يلا باااي.

وتتصل على اخوها عبدالعزيز ويرضى يوديهم المستشفى ويروحون معاه..

...في مستشفى السعد
عبدالعزيز يوصل مع البنات مع عمتهم قبل مها وامها..طبعا عبدالعزيز مايعرف منهي مها ولا قد شافها..
يوقف عند البوابة .. وتنزل عمته وينزلون البنات..
سارة (عمتهم):يلا ياعزوز الحقنا فوق..
عبدالعزيز: طيب يابنت الناس وين اي جناح اي غرفة بس تنزلون وانا اقعد ادور..
سارة: ايه دبر حالك...يلا بعلمك تعال الدور الثالث جناح(ج)
عبدالعزيز: طيب يلا روحوا..

يوقف السيارة عبدالعزبز ويدخل المستشفى ...يطلب المصعد ويستنى شوى..
وصل المصعد وركب عبدالعزيز ، ضغط الدور الثالث، توه بيصكر الا هاذيك اليد الرقيقة اللي
توقف المصد وتطالع مين داخل ...
البنت:لو سمحت انت طالع؟
عبدالعزيز:بعد ماسكت لحظات وقاعد يتأمل في البنت الحلــوة، ويرد اي نعم طالع تفضلوا..
وتركب البنت وامها وينزلون نفس الطابق
طبعا عبدالعزيز مايعرف اي غرفة عمته قالته بس اسم الجناح وما عطته رقم الغرفه ، راح يسأل وهو رايح تذكر ان يده فاضيه قال مالها داعي ادخل بدون اي شيئ وينزل تحت ويشتري صحن شوكلاته ، متوسط الحجم.

وصل عند باب الغرفة يطق الباب ويبي يفتحة وهو شايل الصحن بيدينه ومع الحركة ينفتح الباب ويطيح الصحن على الأرض
ويطالع الا يلقى نفس البت اللي ركبت معه المصعد ...
ويشك في عمرة لايكون دخل الغرفه الخطأ..
لكن تجي عمته ويتأكد انها هذي الغرفه ...
ونزل يجمع الشكولاته بعد ماطاحت ولقي البنت الحلــــوة واقفه تطالع في وتتأسفله لانها فتحت الباب وهو متكي عليه...
لكن يقولها لا عادي ماحصل الا الخير وتجي اخته هند وتشيل الصحن ويروح يسلم على بنت عمه ويتحمدلها بالسلامة ويظلع على طول لانه في حريم مايعرفهم ...
]

[السلطان]

margo0ogh,

من جد هاااذي اللي نفسي اقراها كلها..

وبانتظار الجزء الثاني ووش راح يصير بعد هالحادث :)

مشكورة مرجوجه..

تحياتي

[مسطل]

انا ماني قاري هذي لين اخلص الثنتين اللي قبل لول

[زهره السوسن]

مرجوجه:

ياحبي لك ولقصصك...

وانا ان شاء الله بقرأ قصصك كلهم


تحياتي


زهره السوسن

[margo0ogh]

الجزء الثاني
يطلع عبدالعزيز من المستشفى وهو يفكر في البنت اللي شافها ، من هذي من تكون ، و......
وجلس يحط احتمالات وراح يتمشى في الخبر الى ان اتصلوا عليه البنات علشان يمرهم...

مر البنات ووصلهم البيت ،
بعد مادخلوا البيت عبدالعزيز يسأل نورة:
عبدالعزيز: نورة مين هذي البنت اللي كانت عندكم؟
نورة : اي بنت؟
عبدالعزيز: اللي فتحت الباب وطاح الصحن بسببها..
نورة: هذي بنت خالة نوف ، ليه حاقد عليها؟
عبدالعزيز: لا تعرفين ان اخوج طيب وما يحقد على احد ، بس يوم اني طالع لكم بالمصعد ركبت معاي هي وأمها..


في بيت ابوسعد(ابو مها)

مها جالسة في غرفتها وتتذكر اللي صار لها في المستشفى مع عبدالعزيز وتقول والله فشلة..

وتتصل على نورة ،
مها: الو...
نورة : هلا حبيبتي مها ، شلونج؟
مها : الحمد لله بخير، الا اقول اخوج عبدالعزيز قالج شيئ عني ولا سبني عندكم ولا شيئ.؟
نورة: هههههه، وشفيكم انتوا كل واحد يسأل عن الثاني، ايه سالني من هذي اللي طيحت على الصحن وبس.
مها: اكيد كان حاقد علي، صح؟
نورة: لا ياحبيبتي اخوي مايحقد على احد ولا حتى يزعل..
مها:والله اني متفشله منه واخاف يشوفني بكرة في المستشفى بعد ولا شيئ ، عاد مالها داعي..
نورة:اللين يجي بكرة بيكون اخوي نسى السالفه لا تحطين في بالج ترا اللي صار عادي
وكان مكتوب انه بصير ومانقدر نغير شيئ منه..
مها: على قولتج مانقدر نغير شيئ منه..
وكملوا سوالف لمدة نصف ساعة تقريبا ، (يحشون في خلق الله >>سوالف البنات)

في بيوت اهل عبدالعزيز..
طبعا ساكنين كلهم مع بعض داخل جدار خارجي واحد كل واحد من الاخوان طبعا له بيت..

الاول:بيت ابوهم عبدالله وفيه امهم عايشة وابوهم عبدالله مريض ومايتحرك واربع شغالات ..
الثاني:الاخو الكبير اللي هو خالد ، وعنده بدور(الااللحين ماتزوجت ومع انها اكبر البنات)و نوف اللي توها جابيه لهم ولد وش حلوه
ومحمد (في اخر سنه في الجامعة) وفيصل(اول سنه في الجامعة)
الثالث: بعد خالد يجي أحمد ، وعنده عبدالعزيز (ثاني سنة في الجامعة) و نورة (ثالث سنة في الكلية) وهند (في ثاني ثانوي)
الرابع: اما بعد احمد ، عبدالرحمن، وعندة لولوة(ثالث ثانوي)وولدين صغار في الابتدائي
الخامس: حمد ، وعنده ولد وبنت صغار
السادس: وهي اختهم حصه وعندها بنتين وولدين واكبرهم في ثاني متوسط
السابع: اختهم ساره ، وعندها ولدين صغار..

نرجع للموضوع،
كانوا متجمعين كالعادة في بيت ابوهم عبدالله امهم عايشة و خالد واحمد وسارة والبنات ، وعبدالعزيز وفيصل ولد خالد
جالسين جلسة سوالف الى وقت العشاء وتعشوا وشربوا الشاي والقهوه وكل واحد راح بيته..


وصار عبدالعزيز كل يوم يروح المستشفى اكثر من مرة علشان بس يشوف مها اللي دخلت قلبة وأُعجب فيها لكن طبعا
مايقدر يقول لأحد عنها..
واستمر الحال على كذا كل يوم تقريبا يشوفون بعض في المستشفى ...

وجا يوم الخميس الصبح (اخر يوم لنوف في المستشفى )

عبدالعزيز يبي ينزل تحت وتوه طالع من الغرفة الا مها توها جايه من المصعد ويقابلون بعض في الممر ،
ويسبحون في نظرات ساحرة وكل واحد منهم يطالع الثاني ، ووقف عبدالعزيز علشان يسلم على مها،
عبدالعزيز: مها كيف حالج؟
مها : .. وهي مستحية، الحمد لله بخير..
عبدالعزيز:......ماعرف وش يقول حاول يعصر مخه يبي الكلام يطلع لكن مافيه فايده.
مها:بصراحة انا منحرجة منك ياعبدالعزيز على اللي صار ذاك اليوم ، تراني والله ماكنت ادري..
عبدالعزيز: هههههه، انا تراني نسيت السالفه واللي صار شيئ عادي وغلطة وعدت وماكنه صار شيئ ، واحنا قرايب
ومابينا زعل..
مها : .....
عبدالعزيز: ترا اليوم اخر يوم لنوف اكيد عندج خبر، وانابصراحة ودي اعرف رقمج علشان اتطمن عليج من فتره لفتره.
مها:..تنزل عينا وهي شوي وتموت من الحيا.
عبدالعزيز: انا اسف صدق اني مااستحي على وجهي......
تقاطعه مها: لا لاتقول كذا مافيها شيئ اذا تطمنا على بعض وبالعكس راح تكون فرصه سعيده.
عبدالعزيز: وهو طاير من الفرحه..يعطيها رقمه ويقولها ..انها استنى منج اتصال لاتطولين علينا..
مها : تاخذ الرقم وتقول : انشاء الله ماراح اطول عليك


ويروح عبدالعزيز ولو انه مو في المستشفى لكان قعد يناقز من الفرحة.
ومها شوي وتدمع من الفرحة لكنها تمسك نفسها وتدخل عند البنات..

ويمر عليهم هذا اليوم وهم مستانسين على الآخر..
وفي بيت ابو سعد الساعة 12بالليل
مها جالسة في غرفتها على النت
و تذكرت رقم عبدالعزيز وتاخذ الجوال وتقعد تشوف الرقم وهي تفكر
اتصل عليه ولا لا واخر شيء قالت ماراح اتصل عليه اليوم وبخليها بكرة.

وعبدالعزيز طول الوقت ماسك الجوال ويستنى المكالمه لين ماياس وعرف اها ماراح تتصل اليوم وراح ينام..

____
انتظروا تكملة الجزء الثاني..



سوري على الجزء القصير بس وش الحق لووووووووووووول

[الزهرة العيناوية]

margo0ogh,

طولي الاجزاء شوي انا في خاطري اعرف تكملة القصة


http://arabscastle.com/cards/images/pic_2003-04-21_005344.gif


تحياتي
الزهرة العيناوية

[فرح]

سلااااام
قصه رووووووووووووعه

[margo0ogh]

الظاهر أن الشباب نايميــــــن لكن،
(لأجل عين تكرم مدينة)


وهذي تكملة الجزء الثاني

يوم الجمعة
بعد ماسهر عبدالعزيز امس وهو يستنى المكالمة وبدون فايدة صحى من النوم على صوت طق الباب

احمد(ابو عبدالعزيز):يلا ياعبدالعزيز الساعة صارت 11 وانت مااستعديت للصلاه يالله الله يصلحك..
عبدالعزيز: انشاء الله يبه اللحين اقوم اسبح انشاء الله ربع ساعة واكون تحت استناك...


ويقوم عبدالعزيز ويتسبح ويبدل ويروحون لصلاة الجمعة ...


بعد الصلاة كالعادة، يجتمعون كل العايلة عن ابوهم عبدالله ويتغدون مع بعض طبعاً...

مع السوالف ...
سارة: ياعزوز اليوم نبي نروح نتمشى وياك، عندك شيئ بالليل؟
عبدالعزيز: <<<يسوي نفسة ثقيل>>> والله مع اني مشغول لكن احاول افرغ نفسي لكم...
سارة: اقول انا عمتك وبتتفرغ لنا غصباً عنك..
عبدالعزيز: ايه مانقدر نقول شيئ عمتنا ، خلاص خلكم جاهزين على الساعة 7

حمد (عم عبدالعزيز) يكلم سارة: والله لقيتيلج ناس تصارخين عليهم..
سارة: ها اجل انا عمتهم على الفاضي لازم اصرخ عليهم واصير شخصية..
ويضحكون كلهم ويكملون السوالف ويتغدون ويروحون بيوتهم...

الساعة 7 بالليل
البنات جالسين يستنون عبدالعزيز يمرهم...
سارة : يانورة وين اخوج هاذا تاخر علينا..
بدور: ول ياعمتي مسكين الولد للحين ماجات الساعة 7
لولوة:هذي سيارة توها داخلة الكراج اظنة عبدالعزيز..
هند:ايه هذي سيارة عبدالعزيز يلا قوموا خلينا نروح..

ويطلعون مع عبدالعزيز وهم يتمشون على كورنيش الخبر...
بدور: ها وين بنتعشى اليوم..
عبدالعزيز: وانتي ماتفكرين الا ببطنج وبس...
بدور : عاد احترم نفسك تراني اكبر منك..
عبدالعزيز: وانتي تراج راكبة سيارتي ...
ويضحكون البنات...
سارة:شرايكم اليوم نتعشى في الجندولا
نورة : لا الاسبوع الماضي رايحين له..
عبدالعزيز: خلاص انا عازمكم في تشيليز ..اوكي؟
البنات يتشاورون :خلاص اوكي مدام انت اللي عازمنا ماعندنا مانع..
عبدالعزيز: لكن الاسبوع الجاي انتوا تعزموني..
سارة : بــل مافيه شيئ لوجه الله عندك انت..
عبدالعزيز: احمدوا ربكم مركبكم بسيارتي لا بعشيكم بعد ..
يضحكون ويروحون لمطعم تشيليز ....

بعد مارجعوا من الخبر ...
عبدالعزيز يدخل غرفته ويقعد على النت ....
ويبحر في النت ويندمج معاه ...

ويقطع عليه الاندماج صوت الجوال يرن.....
يطالع الا رقم غريب..
عبدالعزيز: الو...
...: الو عبدالعزيز.؟
عبدالعزيز : ايه انا عبدالعزيز..
...: معاك مها، كيف حالك عبدالعزيز؟
عبدالعزيز: شوي ويطير من الفرحة.. انا الحمدلله انتي وشلونج؟
مها : انا طيبة بس لايكون انك مشغول وانا ازعجتك..
عبدالعزيز: هههههه ، ترى الجوال مانزل من يدي من قبل يومين اخاف تدقين وانا مااشوف الرقم..
مها: هههههه ، ياحليلك ياعبدالعزيز...
عبدالعزيز: بصراحة يامها انا بدخل في الموضوع على طول..
مها : تفضل..
عبدالعزيز: انا اول ماشفتج في المصعد بصراحة حسيت ان فيه شي صارلي وحسيت
باحساس غريب وحلو بنفس الوقت ... وبعدين كل يوم اشوفج فيه القى جمالج يزيد
وانا بصراحة حبيتج من كل قلبي ومستعد اسوي اللي تبينه علشان تصدقيني..
مها: والله ماادري وش اقولك لكن افرض درى عنك ابوك او احد من العايلة ..
عبدالعزيز : انا مايهمني احد اللي يهمني هو انتي وبس ..
انتي كل تفكيري من اول ماشفتك ، ومستعد اخطبج من بكرة اذا بغيتي..
مها: والله ياعبدالعزيز انت شخصيتك حلوه وانا ماادري ايش اقولك..
عبدالعزيز ، حتى انا حبيتك وكل مااطالع في عيونك تزيد محبتك وغلاتك عندي انا اموت فيك..
(وهي قاعدة تبكي) بصراحة ماكنت ابي اقولك هالكلام لكن ماقدرت اصبر ....
عبدالعزيز : يكفي يامها لا تبكين ترا تقطعين قلبي واللحين المهم انه كل واحد تاكد اننا نحب بعض..
مها: انا اللحين بسكر خلاص انا مااقدر اكمل المكالمة ، لكن بكلمك بكرة
عبدالعزيز: اوكي حبيبتي انتي روحي ارتاحي وبكرا يصير بيننا اتصال..


وتنتهي المكالمة على كذا وطبعا هذاك اليوم مانام لا عبدالعزيز ولا نامت مها....


الباقي في الجزء الثالث

[margo0ogh]

الجزء الثالث)
يوم السبت
عبدالعزيز ينام بعد صلاة الفجر ، ويقوم على الساعة عشرة لان عندة محاضرة
أما مها ماراحت الكلية اليوم، لانها مانامت الا الصبح...

بعد الظهر عبدالعزيز يتصل على مها يبي يتطمن عليها بعد امس
لكن مها نايمه وماردت على الجوال...

ومن كثر التعب ينام عبدالعزيز حتى بدون مايتغدى...

الساعة 6 المغرب مها تقوم من النوم وتشوف الجوال وتلقى رقم عبدالعزيز
وتتصل عليه لكنه مارد عليها لانه نايم وهي ماتدري
وتظن انه زعل لانها ماردت عليه،
وترسله مسج مكتوب فيه: (حبيبي عبدالعزيز انا اسفه مارديت عليك لاني كنت نايمه
وتوني صاحية من النوم)

ويقوم عبدالعزيز على صوت طق الباب ....
ابو عبدالعزيز: يلا ياعزوز قم بسك من هالنوم ، تعالي تحت ابيك بسرعة ..
عبدالعزيز: انشاء الله يايبه اللحين اقوم اتغسل واصلي وبعدين انزلك..
ابو عبدالعزيز : طيب عجل يلا...

يقوم عبدالعزيز ويتغسل ويصلي ويلبس ثيابة ويزل عند ابوه تحت..

عبدالعزيز: يحب فوق راس ابوه..مساك الله بالخير يبه
ابوعبدالعزيز: هلا ياولدي وش هالنوم اللي طرا عليك..تعبان انت ولا فيك شي؟
عبدالعزيز: لا والله بس اني مانمت الا الفجر ورحت الجامعة الصبح وماجا الظهر الا وانا منتهي مرة..
ابوعبدالعزيز: الله يهديك بس ، المهم اللحين ابيك تجي معاي لبيت جدك فيه رجال بيجونا اليوم
وانت لازم تكون موجود...
عبدالعزيز: ليه بيخطبوني ...؟؟
ابوعبدالعزيز: ههههه ، الله يقطع سوالفك لا بيخطبون اختك نورة..
عبدالعزيز: من جد يبه ولا تمزح؟
ابوعبدالعزيز: وليه امزح ايه من جد...
عبدالعزيز: ومنهم هاذولي اللي بيخطبون اختي..
ابوعبدالعزيز: شفت حمد زوج نوف بنت عمك، هذا الرجال اخوه فارس هو اللي بيخطب اختك..
عبدالعزيز: والنعم والله فيهم خوش عايله..
ابوعبدالعزيز: الله يكتب اللي فيه الخير ...


ويروحون لبيت ابوهم عبدالله ..
جو الرجال لبيت ابوهم عبدالله والحريم جو لبيت احمد
والامور عدت على خير
يوم رجع ابوعبدالعزيز البيت...

ها يانورة : اكيد عرفتي وش السالفه...
نورة : ... مستحية وساكته...
ابوعبالعزيز: طيب وش رايج يانتي ، ترا اذا ماتبينه قولي ماابيه ، احنا مارح نغصبج على شيئ ابد ..
نورة: الليتشوفه يبه وقامت من عند ابوها وهي بتموت من الحيا...
ام عبدالعزيز: حليلها بنيتي مستحية..
ابوعبدالعزيز: خلاص بكرة كلمي الجماعة وقوليلهم ان البنت موافقه واجلسوا معاهم وحددوا متى تبون المكله وعلى باقي الخرابيط..
ام عبدالعزيز: انشاء الله ...


الساعة 12 بالليل عبدالعزيز جالس على النت في غرفته...
ويتذكر حبيبته ويتصل عليها..
مها جالسه في حديقة بيتهم تشرب شاي وقهوة وتوها راحت امها عنها
يدق جوال مها ... وتطالع الا هذا رقم عبدالزيز حبيب القلب .. وتطير من الفرحة..
مها : الو...
عبدالعزبز: هلا حبيبتي كيف حالج؟
مها : الحمد لله ، حبيبي لا يكون بس زعلت من تر.......
عبد العزيز: لا مازعلت منج بس يوم تتصلين على كنت نايم لاني امس بالليل مانمت.
مها :اجل ليه مااتصلت بعد ماقمت من النوم..؟
عبدالعزيز: والله قمت من النوم ورحت بيت جدي لانه جونا اليوم ناس وخطبوا اختي نورة..
مها: صج والله؟
عبدالعزيز: اجل اكذب عليج يعني؟؟
مها : لا موقصدي حبيبي بس ماقالتلي نورة عن شي..
عبدالعزيز: اكيد بيقولنلج البنات اليوم او بكرة..
مها: طيب وانت كيف حالك...

ويجي سعد اخو مها ومها ماتدري عنة ...
يوم انتبهت سوت نفسها تكلم نورة..
مها: يلا نورة انا اكلمج بعدين.......
عبدالعزيز: اوكي فهمت قصدج .. يلا باي..

سعد : مين هذا اللي تكلمينه؟
مها: هذي نورة صديقتي ..
سعد: ونورة تقولين لها كيف حالك؟؟؟؟
مها: تتبلعم وماعرفت شتقول...يعني مو مصدقيني اخليك تتصل عليها وتسالها ...
سعد : مايحتاج خلاص وخري عن وجهي...
ويروح سعد وهو معصب..

وتخاف مها انه يعلم ابها ولا امها وتروح فيها مها...

يوم الأحد
الساعة 5 قبل المغرب
البنات متجمعين عند جدتهم عايشة ..
بدور: ايه من قدج يانورة كلها كم شهر وتعرسين ..
نورة: عقبالج...
بدور: باسم الله على اتزوج اللحين خليني اتهنى بشبابي، هذي اختى تزوجت
ومانقدر نشوفها كله عند زوجها ،
لا بعد جابت ولد يعني خلاص تتفرغ للبيت .
جدتهم: تراج مب صغير يابدور واللي بعمرج عندهم على ولدين وثلاثة...
لولوة: أي والله تراج كبر امي يابدور..
بدور: لا والله لا قولي بعد اني رضعت مع امي عاشة ..
ويضحكون البنات ...
ويمر يوم الأحد يوم روتيني وعادي مرة..
وفي الليل عبدالعزيز يتصل على مها ويسولفون لمدة نصف ساعة تقريباً...


يوم الأثنين...
ترجع مها من الكلية ....

ام سعد: تعالي يابنتي، ابيج شوي..
مها : هلا يمه امري...
ام سعد : مايأمر علج عدو.. انتي اللحين كم عمرج يايمه...
مها: يعني 22 سنه تقريباً..
ام سعد: زي ماتعرفين يامها انا مابقالي من العمر كثر اللي راح وانا ودي اشوف عيالج قبل مااروح عنكم...
مها: يايمه ليش تقولين كذا ، بعد عمر طويل انشاء الله...
واذا كنتي تقصدين الزواج انا ماني مستعجله عليه ودي اهتم بدراستي اللحين بعدين يصير خير..
ام سعد: بس يايمه ترى اليوم بيجون ناس ويبون يخطبونج ، وولدهم صديق سعد وجا عن طريق سعد اخوج...
مها: لكن انا قلتج يايمه مابي اتزوج اللحين..
ام سعد: وهي معصبه، لكن احنا خلاص واعدنا الجماعة ولازم تشوفينهم اليوم...
مها: لكن مايصير كذا.... وتروح غرفتها وهي تبكي...

وهي طالعة الدرج يجيها سعد...
سعد: ترى الموضوع مو على كيفج انا وعدت الرجال وبتوافقين عليه غصبن عنج، واحنا كلنا موافقين..
مها: ويزيد صياحها,, لكن انا ماابي اتزوج ، انتوا ماتفهمون...
سعد : اللحين تاكدت انج كنتي تكلمين رجال ذاك اليوم ، ويعطيها كف على وجها...
مها تطيح على الدرج ويسحبها سعد من شعرها...
مها تهرب لغرفتها وهي شوي وتموت من الصياح والالــــم

سعد: انتي بتتزوجينه غصب عنج فاهمة اصلاُ انتي مالج كلمه واحنا موجودين في هالبيت...
ومها تعطيه ظهرها وتدخل الغرفة وتطيح على السرير ....

بعد شوي تقوم من القهر وما تعرف ايش تسوي بعمرها وتدخل الحمام وتطلع كل الادوية وتاكل من كل الادوية لين اغمى عليها وطاحت في الحمام....

بعد نصف ساعة تجي الخدامة تبي تنادي مها للغدا وتحاول تفتح الباب لكن ماقدرت،
ويجي سعد ويكسر الباب ويتفاجئ ان اخته في الحمام مغمى عليها...

ويشيلها على طول على المستشفى ويلحقه ابوه وامه للمستشفى...
يدخل ابوه يلقى سعد واقف عند باب غرفة الانعاش ..
ابو سعد : ها وينها وشفيها بنتي وش السالفه؟؟؟
سعد: انا كلمتها في موضوع الزواج لكنها رفضت لانها تحب رجال ثاني وتكلمه كل يوم وعلشان كذا حوالت تنتحر ....
ام سعد: لا مو معقوله بنتي يصير فيها كذا..
ابوسعد: هذي تربيتج شفتي وين وصلتينا..
ام سعد: انت اللي ماتدري عن البيت وكله لاهي في العمل ماعمرك سالت عنا ابد...
ويقطع عليهم الهوشة الدكتور...
الدكتور: الحمدلله حالتها احسن من اول لكن معاها تسمم وحنعمل لها غسيل معدة ...
ايو سعد: طيب نقدر نشوفها اللحين؟
الدكتور : ايوه ممكن بس لازم ماتضغطوشعليها علشان متزيدش حالتها...
ابو سعد: انشاء الله...
ويدخل ابو سعد عليها...
ابوسعد: ليه سويتي كذا بعرج يابنتي..؟
مها: ساكته و لافة وجها للجهه الثانية..
ابوسعد: عصب لانها ماردت عليه، ترا اذا طلعت سالفة انج تكليمن واحد وتحبيه ماتلومين الا نفسج...
مها: تخاف من كلام ابوها وتصيح...
ووتصفر الاجهزة اللي عليها...
الدكتور: انتا عملت ايه ؟لو سمحت خليك برا علشان نحاول نعطيها مهدي قبل ماتفقد الوعي، البنت حالتها مرة تعبانه...


ويطلع ابو سعد وياخذ ام سعد ويطلعون من المستشفى...
ابو سعد: الله يسود وجها سودت وجيهنا هالبنت ماتستاهل احد يجلس عندها ، خليها في ستين لعنه تلعنها....
ام سعد: ......خليها تقوم بس وانا اوريك فيها ماراح اخليها تطلع من البيت حتى الدراسة مافيه....


انتهى الجزء الثالث..

[بـــــدوي]

حسبي الله

جلست اعد الليالي
وانا انتظر هالقصه تخلص على شان


اجي اقراها كامله

ترى ذبحتونا بالتشويق في طرح الاجزاء

وبعدين تفركون اربعه ايام اسبوع وترجعون وحنا قد

صرنا دجاج بشوايه من كثر الانتظار

انا قلت خلصت وبديت اقرى ويوم وصلت للجزء الثالث

قلت ردد(((يالليل ماطولك يالليل )))

الله يقويكي مرجوجه


بس صراحه حلووووووووه فكرة القطاره ذي القصص المطوله


البدوي

[الجروووح]

هلا المرجوجه ..


والله رجيتينا من جد ..

قصة جميله بس مو قصة والله مسلسل هذي ..


الف شكر ...

[بدوي بكرتونه]

طيب وبعدين ؟؟؟؟؟؟؟؟

واخرتها مع التسحيب!!!!!!!!!!!

يعني الواحد ماهو ناقص يكفي موضة التسحيب العالمي هذه الايام

حروب غزوات غارات نووي كيميائي ارهاب .......الخ


المهم بليزززززززز اعطيني من الاخر تزوجة من فيهم اخوها والا حبيبها والا الخطيب اللي تقدم لها

[SHARK2004]

القصه و الله جميلة منها استنتجت عدة نقاط و هي كالآتي:

1- الدعوه للتفكير المنطقي في حل المشاكل.

2- الدعوه انوا هناك مشكله في المجتمع يجب و ضع حل سليم لها.

3- يجب ان نستيقظ من هذا السبات العميق و إلا ظاهرة العنوسه :oops: :oops: :oops: في مجتمعنا ستزداد بشكل خطير.

4- الترغيب في الزواج المبكر دايما هو الحد من انتشار الجرائم.

[margo0ogh]

الجزء الرابع..
والخامس.............
وتقعد مها في المستشفى تقريبا ثلاث ايام...
وطول هذا الوقت عبدالعزيز مايعرف ايش الموضوع ويحاول يتصل عليها لكن مافيه فايدة...

وبعد اليوم الرابع عزم عبدالعزيز انه يصارح اختة نورة علشان تكلم مها ويعرف ايش اخبارها...

نورة جالسة في الصالة،
عبدالعزيز: نورة انا اليوم عازمج على العشاء وشقلتي...
نورة: لالالا مومصدقة عبدالعزيز يعزمني وش صاير بالدنيا...اكيد فيه شيئ..
عبدالعزيز: يعني اهون عن العزيمة..؟؟؟
نورة : لا خلاص انا موافقة بس انا بالحالي ولا مع البنات؟
عبدالعزيز: لا انتي وبس لاني ابغاج في موضوع...
نورة : اوكي، عطني ربع ساعة ابدل واتلبس وانزلك..
عبدالعزيز: يلا لاتتأخرين علي..
نورة: اوكــــــــــــي

ويروحون الخبر<<مساكين اهل الدمام ماعندهم شي بالدمام كل شي بالخبر

عبدالعزيز: ها وين تبين أي مطعم؟؟
نورة: ماادري على راحت يااخوي ياحبيبي...
عبدالعزيز: الله وش هالكلام الحلو اليوم كل هذا علشان العشا؟؟
نورة: خلاص خلينا نروح الجندولا من زمان مارحتله..
عبدالعزيز: اوكــــــــي
وجلسوا يسولفون سوالف عن زواج نورة لين ماوصلو المطعم..

داخل المطعم بعد ماطلبوا اللي يبونه..
نورة: ها قلتلي انك تبيني في موضوع ، يالله قولي وش السالفة...
عبدالعزيز: والله ماادري من وين ابدالج لكن بدخل في الموضوع علىطول...
نورة: يكون احسن..
عبدالعزيز: انا يانورة احب وحدة وابي اتزوجها ،، انتي وشرايج؟
نورة: منصدمة... عبدالعزيز اخوي انت تحب وحدة.. بس مو مبين عليك اللي يشوفك ماايعرف وش السالفة...
طيب ومين هاذي اللي تحبها؟
عبدالعزيز: مها....بت خالة بدور ونوف..
نورة: ايش...وانت وين شفتها و...و...
عبدالعزيز: يوم تولد نوف كنت كل يوم اشوفها في المستشفى..
نورة: طيب وتكلمت وياها ، هي تعرف انك تحبها وهي تحبك...؟؟
عبدالعزيز: بصراحة ايه انا كل يوم اتصل عليها والبنت تحبني ومتعلقة فيني وانا بعد احبها...
وعلشان كذا ابي اشوف وشرايج انت قبل لا اكلم امي او ابوي..
نورة: طيب انت ماتدري وش صار لها مسكينة...
عبدالعزيزوهو خايف عليها) لا وشصار لها؟؟
نورة: اهلها يبون يغصبونها على الزواج ويوم رفضت اخوها سعد طقها وكان شوي ويذبحها
عبدالعزيزشوي ويروح يذبح سعد لانه مد يدة على حبيبته) طيب وبعد وش صار؟
نورة: وراحت مها تبي تنتحر وكلت ادوية لين مااغمها عليها، وودوها المستشفى وجلست ثلاث ايام وتوها طالعة امس لكن ماتقدر تطلع ولا احد يقدر يشوفها...
عبدالعزيز: مسكينه والله وانا اشوف جوالها مسكر ولا حتى اتصلت
نورة: ايه لان بعد ماحاولت تنتحر اهلها حلفوا انها ماتطلع من البيت ولا تكلم احد..
عبدالعزيز عرف انه اخوها سعد درى عن السالفة
وعلشان كذا مايخلونها تطلع وماتكلم احد؟...
وماعرف ايش يسوي... وشلون يقدر يوصلها...

عبدالعزيز: طيب شوفي ليه ماتروحون لها تزورونها بكرها وتطمنون عليها ، وبعد فيه كلام ابيج توصلينه لها، وش رايج؟
نورة: والله فكرة حلوة بس وش تبيني اوصل لها؟
عبدالعزيز: قوليلها اني بعلم اخوها سعد عن سالفتنا وبخطبها منه ...
نورة: خبل انت علشان يذبحك ...
عبدالعزيز: لا انا بشرحلة السالفه كلها وانه ماصار شي بيننا ..
نورة: اوكــي اللي تشوفه...
ويتعشون ويرجعون البيت...

وفي اليوم الثاني يروحون البنات عند مها البيت
في بيت مها....

نرورة: هلا مها الحمدلله على سلامتج حبيبتي والله ترى الدنيا ماتسوى..
مها: ماسكة الدمعه في عينها..
ويسولفون شوي البنات بعدين تقوم علشان تجيب العصير...
نورة:يلاانا بساعدج ...وتروح معاها المطبخ...
وهم رايحين المطبخ، نورة: مها ابيج بسالفه خلينا نروح المجلس...
مها: طيب تعالي...
وفي داخل المجلس..
مها: هلا حبيبتي وش السالفه؟
نورة: بصراحة انا بدخل في السالفه على طول...
مها: طيب يلا تراج خوفتيني...
نورة: امس كلمني اخوي عبدالعزيز وقالي عن سالفتكم...
مها: وهي منصدمه وكان هذا اخر شيئ تتوقع...
وشلون... وش اللي قالج..
نورة: قالي كل شيئ، وطلب مني اني اوصلج كلام..
مها: وش الكلام..؟
نورة: اول شيئ انتي تحبينه لين اللحين...
مها: بصراحة،، اموت فيه لكن مااقدر اسويله شيئ زي ماتشوفين حتى التلفون مااقدر اكلم احد فيه.. (وتقعد تصيح )
نورة: خلاص ياحبيبتي والله اني حاسة فيج...
المهم اسمعي اللي قالي...
يقول انه بيكلم اخوج سعد وبيقوله عن الموضوع ويشرحله السالفة وبعدين بيخطبج منه...وش رايج

مها: ايش؟؟؟ اخاف اخوي سعد يذبحه...
نورة: قلتله هالشيئ لكنه مصر ويقول انه بيعرف شلون يتفاهم وياه...
مها: والله ماادري..
نورة: بس ترا مافيه غير هاذي الطريقة ولا خلاص تبين اللي بينكم ينتهي بسبة اخوج...
مها: لا طبعاً....خلاص اذا مافيه طريقة ثانيه خلية يكلم اخوي...
نورة: اوكي، عاد اللحين يالله غسلي وجهج وتعالي هلينا نجيب العصير للبنات...

ويكملون الجسله ويرجعون البيت...


في بيت ابو عبالعزيز...

نورة: ياعبدالعزيز.... ياعبدالعزيز
عبالعزيز وهو نازل من الدرج: هلا وش فيج تصارخين...
نورة: تعال ابيك...
عبالعزيز: ايه صح، قوليلي وش سويتي..؟؟
نورة: كلمتها وقالت خلاص كلم اخوها....
عبالعزيز: طيب هي وش لونها وش قالتلج بعد؟؟
نورة: هي طيبه الحمد لله مافيها شيئ...وقالتلي اتها تحبك وتموت فيك....
عبالعزيز: يابعد عمري والله مشكووورة يااحلى اخت في الدنيل، خلاص اليوم بروح اكلم اخوها سعد....
وفي نفس اليوم عبدالعزيز يقدر يدبر رقم سعد...ويتصل فيه..
عبدالعزيز: الو..السلام عليكم..
سعد: هلا .. وعليكم السلام..
عبدالعزيز: الأخ سعد؟
سعد: أي نعم مين معي..
عبدالعزيز: اسمي عبدالعزيز ، اصير ولد اخو خالد ابو محمد..
سعد: هلا وغلا والله هلا فيك ... ان ولدد احمد اذا ماني غلطان ..صح؟
عبدالعزيز: أي نعم ماشاء الله عليك عرفتني على طول...عالعموم انا بصراحة ودي اقابلك...
سعد: مافيه مشكله شوف الوقت اللي يناسب علشان نتقابل...
عبدالعزيز: وش رايك اليوم الساعة 9 بالليل..
سعد: ماعندي مانع لكن وين نتقابل..
عبالعزيز: عند صالة الاندلس..شرايك؟
سعد: اوكـــي الساعة 9 اكون هناك انشاء الله..
عبدالعزبز: على خير انشاء الله..يالله سلام عليكم..
سعد: ياهلا والله..

عبدالعزيز ،حس انه غير نظرتة لسعد لانه طلع انسان طيب راح يقدر يتفاهم وياه...



وتجي الساعة 9 بالليل ويتوجه عبدالعزيز لصالة الاندلس..
قدام الصاله يشوف سيارة سعد...
ويجي ينزله سعد ويسلمون على بعض...ويروحون في سيارة عبدالعزيز..


بعد السوالف العادية والسوال عن الاخبار والاهل ..
سعد: سم ياخوي ياعدالعزيز قلت انك تبيني بموضوع امر..
عبدالعزيز: مايامر عليك عدو...والله ماادري من وين ابدالك يااسعد..
لكن زي ماتعرف احنا اهل ونسايب صح؟
سعد: أي نعم وهذا شي يشرفنا...
عبدالعزيز: الله يسلمك والله احنا اللي نتشرف قيكم...
لكن اختي نورة، صديقت اختك مها...وبصراحة اختي مدحتلي مها واخلاقها ..
وانا حاب اني اطلب يدها منك ...
سعد: حياك الله بس ليه الموضوع ماصار عن طريق الشياب ليه جيت وكلمتني...
عبدالعزيز: لاني ابي اعرف رايك وابيك تشوفلي راي اختك واذا كنت انت واياها موافقين ذيك الحزة تجي عن طريق الشياب...
سعد: والله شوف انا مااخش عليك ياعبدالعزيز انا جبتلها واحد من ربعي علشان يخطبها ولكنها رفضت الزواج، وحولت تنتحر علشان ماتتزوج....
عبدالعزيز: يعني انت شاك في البنت؟؟؟
سعد: والله ياعبدالعزيز ماودي اقص عليك وعلشان ماتنخدع فيها انا شاك فيها انها تكلم واحد...
عبدالعزيز: طيب يمكن هي كانت رافضة لانها ماتبي الرجال اللي خطبها مو لازم تكون تكلم لها واحد...
سعد: واله ماادري لكن خلني اليوم اكلم البنت وارد خبر بكرة انشاء الله....

وتنتهي طلعتهم على كذا...
طبعا عبدالعزيز ماقال اللي كان حاطة في بالة... ومايدري ليه قال كذا....
وسعد جلس مع نفسة وحس انه غلطان يوم شك في اختة ويوم انه طقها وخلى امة وبوه يكرهونها بعد...
وقال خلني اروح اكلمها اليوم...


يدخل سعد البيت..مها كانت في الصاله يوم دخل سعدز قامت تبي تروح غرفتها...

سعد يناديها: يامها لو سمحتي ممكن تجلسين معاي شوي...
مها: وهي مستغربة من كلام سعد...ليه بعد ماكفاك الطق اللي طقيتني اياه ذاك اليوم...
سعد: لين اللحين مانسيتي السالفة انا والله ماادري وشلون مديت يدي عليج ذاك اليوم ، المهم اللحين انتي تعالى اجلسي هنا...

مها: هلا وش تبي..
سعد: افا لين اللحين انتي زعلانة..؟؟
مها: اكيد زعلانه بعد اللي شفته منك..
سعد: انا جلست مع نفسي اليوم وقعدت افكر في السالفه اللي صارت وماادري شلون الشيطان لعب بمخي وخلاني اشك فيج
وانا يوم اني شكيت فيج علشان كذا خليت واحد من ربعي يجي ويخطبج واقنعت امي وابوي على زواجج من هالرجال...
مها: واللحين عرفت انك غلطان..
سعد: أي نعم وانا اتاسف لج عن اللي صار...
مها: خلاص انا قبله اعتذارك.. لكن امي وابوي شلون اقدر اغير هالفكرة اللي انت حطيتها في راسهم؟
سعد: ماعليج من امي وابوي خلي موضوعهم علي...
لكن ابي اسالج سوال...
انتي ليه رفضتي الزواج يوم كلمناج في الموضوع..
مها: والله من طريقة كلامكم معاي وانكم تبوني اتزوج غصب...بس ومافيه سبب ثاني..

سعد: طيب وش رايج اذا قلتلج انه فيه واحد خطبج مني والموضوع بيدج اللحين وماراح نغصبج على شيئ ابد...
مها: ومين هذا اللي خطبني...
سعد: هذا يصير ولد اخو خالد ابو محمد...
مها: وهي مو مصدقه ومستانسة على الاخر .. لكنها تسوي نفسها عادي..
طيب خلني افكر بالموضوع وانا بصراحة بعد ماكلمتني تغيرت فكرة الزواج عندي الى الاحسن...
سعد: خذي راحتج في التفكير ولا تستعجلين في الرد علي..
مها: اصلا هي موافقة من زمان ، لكن تقول لاخوها انشاء الله بفكر..

....

وتروح مها تتصل على نورة..وتقولها السالفه..


وبعد يومين تقريبا سعد يتصل على عبدالعزيز ويقوله ان مها موافقة مبدئياً لكن ماراح يصير شيئ لين مايكلمون الشياب...

وفي اليوم اللي بعدة عبدالعزيز يدخل على ابوه في الغرفة..
عبدالعزيز: السلام عليكم .. مساك الله بالخير يبه..
ابوه: هلا وعليكم السلام...
عبدالعزيز: يبه ابيك في موضوع بس لايكون مشغول ولا عندك شي...
ابوه: ينزل الجريدة اللي كان يقرى فيها...ويفصخ نظارة القراءة..
تفضل ياولدي ماعندي شيئ قول اللي عندك...
عبدالعزيز: تعرف ياابوي اني كبرت واني صرت قد المسئولية وانشاء الله مابقالي الا سنتين واخلص الدراسة..
ابوه:هاه انشاء الله ناوي تشوفلك مشروع ، ترى عندي لك خوش مشروع لا وراس المال علي انا بعد....
عبدالعزيز: لا يبه راح بالك بعيد اللي ابيه مو مشروع..
ابوه: ها اجل ياولدي وش فيك..؟
عبدالعزيز: انا نويت اتزوج يايبه.. وشرايك..
ابوه: والله هذي الساعة المباركة والله انك وسعت صدري يوم اني سمعت هالكلام منك...
طيب ومن هي بنت الحلال اللي حاط عينك عليها؟؟
عبدالعزيز: والله انا حاط عيني على مها بنت ابوسعد...وش رايك يبه تراها خوش بنيه ... و...
ابوه: يقطع عليه كلامه...وهو معصب.. بنت ابو سعد ماغيرة عديل عمك خالد..
عبدالعزيز: ايه يايبه وش فيك عصبت..
ابوه: ووجع انشاالله مالقيت الا بنت هذا لا مانيب موافق لو تنطبق السماء على الارض ويلا قوم فارقني.
ويقوم عبدالعزيز وهو مايدري وش السالفه... وليش ابوة عصب...
وبعدين اكتشف انه في مشكلة قديمة بين ابوه وبين ابو سعد وانه ماله امل ابوه يوافق على هذي البنت لو يصير اللي يصير...
وبعد هذي السالفة يطلع عبدالعزيز من البيت وينام في فندق المرديان بالخبر لمدة اسبوع كامل ومايرد على احد ابد ولا احد يدري عنة لين ماكلم اختة وطمنها انه بخير وبس ...

ويجلس مع نفسة يفكـــر... ليه كذا يصيرلي بعد ماوافقت وبعد ماوافق اخوها
يصير فيه مشكله بين ابوي وابوها ...
طيب احنا ايش ذنبنا احنا مالنا دخل فيهم.. وتنزل دمعه حاره من عينه...
وفي هذي اللحظة يدق جواله..وطالع الا يلقى رقم مها...

ويرد عليها....

عبدالعزيز: هلا مها شلونج حبيبتي...
مها: هلا عمري انا الحمد لله، بس ايش فيه صوتك كذا...؟
عبدالعزيز: لا مافيني شي بس شوي تعبان...
مها: مو على هالملام قولي وش فيك..؟
عبدالعزيز: انا كلمت ابوي على موضوع زواجنا...
مها: وهي مستانسة..أيـــوه وبعدين وشوقال؟
عبدالعزيز: يوم قلتله اني باخذ بنت ابو سعد قام وقلب على وعصب علي وقالي لو تنطبق السماء على الارض ماراح يوافق...
مها: طيب لـــــــــيه؟؟؟؟؟
عبدالعزيز: بعدين اكتشفت انه فيه مشكلة قديمة بين ابوي وابوج ومافيه امل انه واحد منهم يوافق على زواجنا....
مها: تقعد تصيح و بكل قهر...طيب ليه احنا ايش ذنبنا احنا مالنا دخل باللي صار يعني هم يتهاوشون واحنا ننحرم.....ويزيد صياحها...يعني بعد ماانلحت مشكله سعد يطلع لنا شيئ ثاني ليه كذا ياربي....اسغفرالله..
عبدالعزيز: خلاص حبيبتي قطعتي قلبي...ويبدا يصيح معاها
وهذا اللي كنت افكر فيه قبل ماتكميني...لكن ماادري وش بنسوي...
انا صالي اسبوع مارجعت البيت...
مها: اجل وين جالس..؟
عبدالعزيز:في المرديان بالخبر...
مها: مايصير كذا لازم تروح البيت مهما يصير هذا بيتكم وهذولا اهلك..
عبدالعزيز: احس اني بموت من القهر لكن ماادري اكيدلازم ارجع اليوم او بكرة بالكثير...
ويكملون شوي سوالف بعدين يسكرون....


الجزء الخــــامس

وفي اليوم الثاني يرجع عبدالعزيز من الفندق للبيت...

طبعاً ابوه ماكان راضي عليه، لكن عبدالعزيز كان ولد عاقل وفاهم وراح اعتذر من ابوه وتسامح منه لانه ترك البيت وطلع...

عبدالعزيز: يبه انا اعتذرلك لاني تركت البيت وطلعت من غير شورك...

ابوه:ياولدي ياعبدالعزيز انت رجال تفهم وتعرف، وانا مالومك لانك تركت البيت بعد اللي صار...

لكـن انت لازم بعد تراعي الظروف اللي تمر علينا، وانا زي ماقلتلك من قبل انا بيني وبين ابوسعد مشكلة قديمة لايمكن احد يصلح

الخطأ اللي صار بيننا...

وانا مستعد ياولدي اني اخاذلك البنت اللي تبيها انت اشر بس وانا مستعد وانت ياولدي من عايله والكل يعرفنا والحمد لله والكل يتمنا

القرب مننا وانت عارف هالشيئ...

عبدالعزيز:وهو مش مقتنع بكلام ابوه....يايبه انا اشوف ان احنا نأجل موضوع الزواج اللحين...

ابوه: على راحتك ياولدي لكن لاتظن اني في يوم راح اضعف وانك يمكن تحطني قدام الامر الواقع، لا ياعبدالعزيز الشيئ هذا ماراح

يصير ابد، وانسى البنت...

عدالعزيز: وهو متضايق من كلام ابوه ومنقهر ، انشاء الله يايبه...


وفي هذا الوقت عرف عبالعزيز انه ماله امل من هالزواج لو يصير اللي يصير....

لكنه مايأس وقعد يفكر بطريقة يحاول فيها انه يحل الموضوع....لكنه بعد مايقدر يلقى الحـــل

واستمر الحال على كـــذا لمدة سنة كاملة تقريباً

وعبدالعزيز ومها كــل يوم يزيد حبهم لبعض ويزيد تعلقهم ببعض..

ولكن طول هذا الوقت وهم يحاولون في حل الموضوع لكن ماقدروا يسوون شيئ...


وفي يوم من الأيـــــام مها مرضت وجات لها انفلونزا...

ومع الفحوصات اكتشفوا ان فيها مرض السرطان وانه راح ينتشر فيها بشكل سريع...

وأنها ماراح تطول اكثر من سنه واحدة بس، الا اذا الله قدر شيئ غير كذا طبعاً...


ولما عبدالعزيز عرف عن الموضوع حس ان الدنيا ظلمت عليه وخلاص مالقى ولا سبب يخلية يعيش علشان مها...

وبعد شهـــــر تقريبا من مرض مها....

مـــــــــات ابوعبدالعزيز، بسكتة قلبيه

وكانت هذي مصيبة خلت عبدالعزيز يتحطم....

والمشكلة ان ابوة ماكان فيه ولا مرض وكان عمرة في الاربعينات ويعني كان في كامل صحته وفجأة كذا يموت ...

وكانت وفاة ابوعبدالعزيز، صدمة قوية للعايلة كلها ، وشلون انها افتقدت واحد منها فجأة ومن غير أي مقدمات....

وتمر ايام العزا ايام صعبة على عبدالعزيز، واكيد لازم تكون صعبة علية ، لانه فقد ابوه

وحبيبته في المستشفى وتنتظر الموت....



وبعد شهرين من العزا تقريباً

عبدالعزيز يكلم عمة خالد في موضوع الزواج...

ولكن الكل كان رافض هذا الشيئ، لان ابوه ماكان موافق...

وبعد فترة يلقون مكتوب في وصية ابو عدالعزيز،

انه اذا كان عبدالعزيز يبي مها خلوه يتزوجها وانه راضي عنه ...

وماتتخيلون وش كثر كان عبدالعزيز فرحان بالكلام اللي في الوصية


واخيراً وافقوا اهل عبدالعزيز على انهم يخطبون مها.....

ويروحون لبيت ابو سعد

ويكلمونه في الموضوع...

لكن ابو سعد كان رافض هالشيئ ورفض هلزواج مع ان ابوعبدالعزيز مات وماتت المشكلة معاه لكن ابو سعد باقي معاند وماراح

يوافق على هالزواح....


وعبدالعزيز تظلم الدنيا في وجهه مرة ثانية....

ويتصل على مها..

عبدالعزيز: الو..

مها: هلا عمري شخبارك؟

عبدالعزيز: انا الحمدلله بخير انتي بشرني وشلونج اليوم انشاء الله احسن

مها: الحمدلله....عبدالعزيز في خاطري اقولك شيء..

عبدالعزيز: ااامري انا اسمعج..

مها: اذا انك تحبني روح وتزوج لاني ابيك تتزوج قبل لا اموت انا ...

عبدالعزيز:لا يكمن اخذ غيرج، وعلى فكرة اليوم جيت انا وعمي علشان نخطبج من ابوج لكنه ماوافق..

مها: شلون تتزوجني وانا مريضة وبعد سنة بموت، وبعدين اصلاً ابوك مات وهو مو راضي عن هالزواج؟؟

عبدالعزبز:حبيبتي الاعمار بيد الله، واحنا لقينا في وصية ابوي انه راضي عني اذا تزوجتج وكنت ابيج...

وبعدين لــــيه مانتزوج واحنا اللي صار لنا اكثر من سنتين نحب بعض ولايمكن أي شيئ يفرق بيننا ولا حتى المرض وحتى لو قدر الله

ومتي بعد سنه انا راضي وراضي لو اني اتزوجج اليوم وتموتين بعد شهر..

لكن المهم ان احنا نحقق امنيتنا ونحقق الامل اللي كنا متعلقين فيه...

مها:وهي تبدأ بالصياح...وانا اموت فيك ياعبدالعزيز لكن ماابيك تتعذب معاي...

عبدالعزيز: معليه انا راضي بعذابج وانا ابيج واحبج ولا يمكن اني اتزوج غيرج ابــــــــــد

مها: والله ماادري ياحبيبي وحتى لو اني وافقت ابوي ماراح يوافق..

عبدالعزيز: انتي اهم شي وافقي وابوج اكيد ماراح يقول لا اذا منت مصرة..

مها: ماادري ياعبدالعزيز، انا ابيك، واذا كان هذا قرارك خلاص انا راح اقنع ابوي...

عبدالعزيز: اكيد انا متأكيد من هالقرار وخلاص انتي حاولي تقنعين ابوج....



انتظروا باقي الأحدث في الجزء السادس

والأخيـــــــــــــــــــــــــــــر

[الزهرة العيناوية]

margo0ogh,

مشكورة حبيبتي وانا في انتظار الجزء السادس

[فرح]

مرجوجه حبيبتي كملي القصه باسرع وقت

اوكي حبيبتي تحياتي لك

[iamsweet22]

[ :D B]القصة وايد حلوة بس منتظرين النهاية بأسرع وقت ممكن[/B]

[iamsweet22]

:( وين النهاية يا عزيزتي
منتظرين الجزء السادس على النار
أتمنى تشوفي رسالتي