PDA

عرض كامل الموضوع : قصة ديدو وفيدو وجارتهم الحجازيه(حضريه)



مشعان ابو جبنه الرومنسي
01-01-2004, 06:27 AM
حياكم الله بالاول

ابي اسرد لكم أول قصة وأول موضوع ايضا لي في منتداي الغالي

اخواني وأحبائي ديدو وفيدو

كانت الساعه التاسعه صباحا عندما كان ديدو منبطحا امام التلفاز يتابع مسلسل :lol: هايدي الصغيره
هو ما يحب مسلسل هايدي بس ينتظرها تخلص علشان بعدها يبي يجي جازورا وينتظر على احر من الجمر
وفي يده اليمنى فشفاش دسكفري وفي يده الثانيه حلاوة ابو مروحه ومغير ينفخ فيها معجبه الشكل وهي تدور
وفجأه يرن جرس الهاتف وهو ينقز ديدوكأنه ددسن معشقه بأثنين
ويرد على التلفون

قال ديدو: ألوووووه

ردت عليه جارتهم الحظرية أم وائل: قالت الو

رد ديدو: هاه من انتي

قالت: يا ولدي يا ديدو الله يرضى عليك ابغاك تجيني دحين ضرور ابغا ارسلك للبقاله

قال :ما أقدر امي تذبحني

قالت: انت ما عليك انا دحين اقول للوالده اديني هيه استأذن لك منها

المهم استأذنت له وجا عند جارتهم وبلهجه جلفه شوي وش تبغين بسرعه الحين قبل لا يبدأ جازورا

قالت له ابيك تجيب ليه علبتين صلصه ورزمة طحين وبتلاته ريال عيش احمر
قال عيش احمر وشو هذا ما اعرفه ما اعرف الا التميس تبين والا ابي اروح
قالت له خلاص هات اللي تجيبوه
وهو بالطريق قابل خريج دار الملاحظه فيدو لقاه يلخوص بالطين اللي قدام بيته ومعاه الكوره ام ثلاث الوان
والله وهو يناديه ديدو ولد هيييييييييه يا ابو خشم تعال
قاله فيدو وش تبي
قال ابيك تروح معي للبقاله
قال هالحين؟؟
قال له ايه الحين تعال
قال اصبر اجيب حذياني الله يكرم السامعين
قال لا تعال بسررعه ماهو لازم البقاله قريبه
والله وهم يمشون متوجهين لبقالة ((عم مناحي))
والوجيه الله لا يبلانا ديدو منتثر على سروال السنه ايدام من الغدا حق امس
وفيدو لابس ثوب بني ومكبوب على صدره فمتو وديدو معلق برقبته نبيله ملفوف عليها بعشره ريال شطرطون اخضر وإيديه مليانه مطاطات وحاطن بأصابعه اربعة خواتم من الكبار وملونه بعد
راحو للبقاله واشترو الطلبات من عم مناحي وكانت جارتهم ام وائل قد اعطت ديدو خمسين ريال
على أساس انه يشتري الطلبات ويرجع الباقي
ولاكن فيدو الشرير لعب براس خويه ديدو وقال يارجال ما عليك لا ترجع الباقي اصلا هي مي طالبته منك
وبعدين ياخي زوج جارتكم بطران أنا شفته امس راكب هيلكس الفين وواحد glx
معه هيلكس وتبيه يسأل عن باقي خمسين ريال بس ؟؟؟
يا شيخ خلنا نروح نفتقها ونشتري من دكان الرياضه اللي على الطريق العام
المهم تأثير فيدو نفع مع ديدو
وراحو لمحل الرياضه
المهم ديدو اشترا له كسارات علشان يكشخ فيها بالملعب يوم يلعب كوره العصر مع تماسيح حارتهم
وفيدو قال له انا ابي اشتري عصا حقة بيسبول شاف شكلها بالمحل وقال هذي العصا رهيبه تنفع للمضاربات والله وهو جالس فيدو يعاين العصا يقول لعربيد بالله عربيد ماهي مثل العصى اللي مع داي الشجاع بأفلام كرتون هذاك البطل اللي يجي بعد بابا فرحان العصر
قال له عربيد اقول انطم ويالله بسرعه تأخرنا
والله وهم يشترون اغراضهم ويطلعون من المحل
واتجهو للبيت وهم بالطريق لقو لهم واحد سوري شكله يشتغل بشركه والسوري واقف على الطريق العام ويأشر شكله يبي ياخذ لموزين ويروح للدوام قال ديدو لفيدو وش رايك بهالصيده
قال فيدو والله صيده حلوه وديدو يطلع النبيله حقته ويحط فيها حصاه وينتف السوري مع رقبته
قال السور تعال لهون ولاااااه والله لا ادبحك
وديدو يقووول لفيدو هج هج يالله يا ولد حط رجلك والله وهم يهربون
ويندسون ورا برميل الزباله الله يعز السامعين
ويجي السوري يركض يدورهم ويقول لوين راحو هالأواريض ؟؟
وهو ما يدري انهم وراه
والله ويطلع فيدو من ورا البرميل وبعصا البيسبوول ويصكه فيها على راسه من ورا بكل ما عطاه الله من قوه والا السوري مكوع على خشته والا هو من صيد أمس
وهو يبتسم فيدو ويقوول لديدو شفت ما اقولك ان العصا هذي تنفع للمضاربات
قال ديدو ايه تنفع بس الرجال شكله مات

قال ايه والله يا ويلنا وش نسوي
قال ديدو اسمع حنا نركض على البيت وكأننا ما شفنا بعض ولا سوينا شي
قاله فيدو طيب يالله مشينا
وهم مثل الصاروخ كل واحد على بيته وكل واحد منهم قلبه يلعب سامري من الخوف
راح ديدو يودي الطلبات حقة جارتهم أم وائل
وأعطاها الطلبات المهم أخذت ام وائل الطلبات
وقالت له:إشبك ياواد أتأخرت
قالها : واد ببطنك لا تقولين واد تأخرت عند بقالة عم مناحي جلست انتظره الين ما فتح الدكان
يقولون الورعان اللي عند البقاله انه سكر الدكان وراح يودي ولده فهد للمستشفى

قالت له وين الباقي :
قال في نفسه وهو يفكر : عزالله اللي رحنا وطي الله يورطك يا فيدو مثل ما ورطتنا لا ويقول زوجها بطران هذي هي طلعت بخيله وشكل زوجها بيكفخني

قالت له مره ثانيه بصوت أعلى وين الباقي
قال : هااااااه الباقي ايه الباقي هالحين وهو متلخبط قال لها ايه الباقي جاني ولد اكبر مني وضربني وأخذه مني وهرب

قالت له كيف شكلو ومين هوه وولد مين بسرعه قلي خليني اقوول لزوجي حماده لمن يجي
قال شكله طويل وابيض ولابس سروال مثل سروال راشد الماجد

قالت له طيب روح انته دحين وأنا اقول لحماده لمن يجي
قالها طيب
والله وهو يروح للبيت مرعوب ما يدري وش يسوي
المهم جارتهم أم وائل فتحت الكيس اللي فيه الاغراض وحصلت على طرف الكيس بقايا دم
وقالت وهي متروعه يا لهوي إيش هادا

وهي على طول وتاخذ التلفون وتتصل على بيت
ويرن التلفون وديدو ينقز تروع من الصوت واستغربو أهل ديدو ليش ما نقز على التلفون زي عادته
رد أبو ديدو قال الو
قالت جارتهم : ألو انته ابو ديدو
قالها : إيه انا ابوه
قالت : ألحق يا ابو ديدو ارسلت ولدك للبقاله وجاب ليا الكيس حق الاغراض عليه دم شوف ولدك لا يكون ضرب احد والا قتل احد

قال وشووووووو وش تقولين انتي ؟؟؟
ولدي ديدو ما يسوي كذا
وديدو كان واقف قريب من الغرفه يتسمع على الكلام

المهم قال ابو ديدو خلاص انا اشوووف وش السالفه
ويجي ابو ديدو وهو معصب وحواجبه مضمومه
قال ديدووووووووووووو،،،،،،،،
قال ديدو يلبيه يبه
قاله تعال
والله ويجي ديدو وهو يقوول بنفسه عزالله اللي رحنا فيها الوالد قافله معه

ما يمدي ديدو يكمل تفكيره الا وأبو ديدو فاغصن جمجمته بالزاويه ويقول له وش انت مسوي
قول الصدق وأنا ما اضربك

قال ديدو وهو يصايح والله يبه مو أنا هذا فيدو خويي مو أنا هو الي صفقه بالعصا
والله ويتله ((يعني يسحبه من رقبته ))
ويروحون لبيت فيدو وأبو ديدو يقابل أبو الشقاوي ومعاهم العيال
فهم أبو ديدو أبو فيدو على السالفه
والله وهم ياخذون الاثنين على مجلس الرجاجيل وبذاك السوط وما فيه رحمه
وأكلوووو الاثنين من التكفخ الين مانتفخت جنوبهم

وكانت هذي نهاية الشابان الطائشان
ديدو الارتيري وفيدو النيوزلندي


وتقبلو قصتي الاولى بصدر رحب ولو ما احبكم يا اخواني ماكان اخترتكم بالذات

وفي الختام تقبلو الاحترام

اخوكم

مشعان ابو جبنة الرومنسي

مفجر المحطات

أنمـــار
01-01-2004, 06:43 AM
ههههههههههههه

الله يرجك

على فكرة فيدو يصير ولد ديدو ، ما هم اثنين اصحاب


مشكور على هالمجهود الرائع ، و يشرفني اكون اول من قرأ القصة :)

و الشباب هنا ما شاء الله يعجبونك


أنمـــار

مشعان ابو جبنه الرومنسي
01-01-2004, 07:01 AM
هههههههههههههههههههههههههههههه

مشكور يا بعد براطم ماي قراند مذر على مرورك الكريم وتوطيك للموضوع توطيا مبرحا

بس للأسف ما اكتشف ان ديدو ولد فيدو الا بعد ما نزلت الموضوع

بس يالله اروح اسجل باسم عضو جديد واسمي نفسي مبارك علشان تركب علي القصه

<<<<<<<<وش دخل مبارك يا النعجه

آآآآآآفس قصدي فيدو مو مبارك

ولكم فائق الاحترام والتقدير والقصدير وثاني اكسيد المنجنيز

اخوكم

مشعان ابو جبنة الرومنسي

مفجر المحطات

بليز وخر شوي
01-01-2004, 01:03 PM
كح

لووووووووووووووووووووووووووووووووووووووووووووووووووووووووووووووول




بعنف كح


قصه مؤثره الله يعينك يا فيدو سفن اب


ننتظر جديدك اخوي مشعان

مشعان ابو جبنه الرومنسي
02-01-2004, 06:42 AM
هههههههههههههههههههههههههههههههههههههه

بف بف بف

<<<<<<<< يسوي اعلان لبف باف

مشكور اخوي الغالي بليز

بس والله لو اني عرفت من الاول ان ديدو يقرب لفيدو كان حطيتك بدال

المسكين فيدو الي جات رجله في هذا الموضوع المتشعط والمتمعط بالغلط

بس خيرها فيغيرها

وما عليك يا اخوي الحبيب بليز ان شاء الله راح تكون بطل القصه الجديده

واللي راح يكون عنوانها ( البعير الشجاع في قرية أم مقلاع )

بس في الختام اشكرك يا الغالي على مرورك الكريم والمشرف

وتقبل تحياتي اخويك

مشعان ابو جبنة

مفجر الحطات

fido_dido
03-01-2004, 08:32 AM
http://smilies.sofrayt.com/%5E/t/pissedsmil.gifhttp://smilies.sofrayt.com/%5E/t/pissedsmil.gif

هههههههههههههههههههههههههههههه

بس ليش اخترت هالأسماء بذات ،،،،،هاه اعترف<--------------------

الذيب
05-01-2004, 10:29 AM
احسن شي ديدو وفيدو و نيدو هههههههههههههه



مشكور على القصه ما قصرت..


الذيب

هاجوس
06-01-2004, 11:00 AM
:lol: :lol: :lol:
والوجيه الله لا يبلانا ديدو منتثر على سروال السنه ايدام من الغدا حق امس
وفيدو لابس ثوب بني ومكبوب على صدره فمتو وديدو معلق برقبته نبيله ملفوف عليها بعشره ريال شطرطون اخضر وإيديه مليانه مطاطات وحاطن بأصابعه اربعة


:lol: :lol: :lol:

الله يرجك لين تطيش على هالوصف.....

والله قصه رهيبه

ونبغى بطولات جديده للثنائي المرحه :P

تحياتي

مشعان ابو جبنه الرومنسي
07-01-2004, 05:02 AM
حبيب قلبي هاجوس تسلم يا بعد براطم ماي قراند مذر وفذر

مشكور على مرورك الكريم وتسلم يا رب

والقصة التاليه ستكون أن شاء الله بعنوان (نهاية ضب شجاع)

وتقبل تحياتي

أخوك مشعان ابو جبنة الرومنسي

مفجر المحطات

مشعان ابو جبنه الرومنسي
07-01-2004, 05:05 AM
واحب أشكر كل من مر على الموضوع المنفجر ورا مطعم الفلاح بجوار

دكان ابو عريشه للحلل والاواني المنزليه الخربانه

واشكر لكم سعة صدركم اخواني ولكم مني خالص التقدير والاحترام

اخوكم مشعان ابو جبنة الرومنسي

مفجر المحطات

الجميلة
08-01-2004, 11:53 PM
ههههههههههههههههي

http://remm2000.jeeran.com/ammm.jpg

مشعان ابو جبنه الرومنسي
09-01-2004, 10:44 AM
بسم الله الرحمن الرحيم

هذا لسان والا شرشف والا بطانيه

يا أستاذ مشرف مدري يا استاذه مشرفانه

الحين منو الي في هالصوره جالسه تستعرض بضروسها الرصاصيه

ما علينا المهم مشرفتي العزيزه واختي الغاليه أشكر لكي مرورك

وتوطيكي للموضوع توطيا مبرحا

تقبلي تقديري واحترامي

أخوكي <<<<يعني اكبر منكي لا تغلطين لا يخليكي تعضين الارض

مشعان ابو جبنة الرومنسي

مفجر المحطات