PDA

عرض كامل الموضوع : وشو هذا الشانزليزيه اللي تحكون عنه..طلال العبد العزيز الرشيد



الحبوبه
07-01-2004, 03:58 AM
يقال بأن هذه القصيده اخر ماكتب الشاعر الأمير طلال الرشيد ....... يرحمه الله
واحد خايب.. حظّه تعيس

سافر تقسيط لـ باريس

كَذّب على أم العيال

رايح أدوّر عمّال

جمع الورث

حصاد الحرث

وقبل يسافر يا سادة

سجّل في نادي كالعادة

يسوّي برنامج تخسيس

***

قام يدوّر شنطة تكَفّى

وكل هدومه قبل يَصفّي

عشرة فنايل علاقي

وشورت وشرّابٍٍ ما قيس

قالت أم عياله تكفى

خذ لك لبس شويّ يدفّي

قال فـ باله يا مسكينة

والله قدّامي اللي يدَفّي

قام يودّعها وقالت له

خذ بالك يا نور عيوني

وتعوّذ دوم من إبليس

قال فـ باله يا مسكينة

وأنا من عازمني غيره

ناطرني ابليس فـ باريس

***

سافر صاحبنا بطيارة

وأسبوع انقطعت أخباره

ما حد يدري وين دياره

وأم عياله.. بأصعب حاله...

تحسب وتعدّد وتقيس

وفـ ليلة دق التليفون

جا صوته مبحوح ومَرْخي

لا له لا طعم ولا لون

يتكلم من غير حروف

عنده حرف (الرا) محذوف

قالت أم عياله وش بك؟

صوتك خافت كنّه منسي

قال انتبهي ظنك يشطح

بس كنت شوي أحكي فرنسي

قالت عفيه يـ كحيلان

وش أخبارك يابو فلان

قال حصان

***

شفت اللّي ما شاف إنسان

شفت الرَبْعْ

سبع وضبع

في العصر شيوخٍ تتشامخ

وفي الليل أحلا طقة صبعّ

وفي الشانزلزيه نصف الليل

يا فلانه شفت أم محمّد

- وش تسوي؟

- تتهجّد!!

- وش هو هذا الشانزليزيه

- هذا شارع رايح جاي

***

بأول هذا الشارع قهوه

فيها كل شياب الرَبْعْ

كل واحد يشرب من نبْعْ

واحد راجع غصب للهْوَه

وواحد يقرا (القدس) (معارض)

يشتم كل أمّه وما تهوه

وشايب لا هذا ولا هذا

لا عقل وقلب ولا شهوه

أم عياله جابت راسه

غصب يوديها لباريس

يمكن تلقى البنت عريس

***

- والبنات

- آه يالبنات

- أبو فلان...... إش فيك؟

- يام عيالي صاير شي

صاير لبس الناس شوي!!

وعينك ما تقدر تمّنها

ومن ضيق هدوم البنات

تحلف ان الملبوسات

للأخت اللي أصغر منها

ومن كثر المكياج الخادع

شفت بعيني شي ما شفته

شفت فلان يغازل أخته

- وأنت إش تسوي يمناي

- آنا مع هالناس خطاي

يومٍ يتحقق لي مناي

ويومٍ مـ لقى حدّ حداي

لكن من حبي لهالشارع

دايم ودي إني اثنين

واحد رايح واحد جاي

***

وعيال الديرة.. اسم اللّه

أيــه

كل واحد جهّز له حكايه

كذبه على البنت المسكينه

ضحكة وقصيدة وسكّيته

بجيبٍ مشط وجيب مرايه

يمشي ووراه الحمايه

مو حبيب أمّه مهم

واحد ويسوي أمَمْ

لازم نأمّن عليه

يمشي من خلفه عبيد

ويمشي قدّامه علم

***

وشفت يام فلان ذاك الشاعر اللي

يشتري بالمال شعره للتسلي

يشتري حتى المشاعر

من أهل بيع المشاعر

اللي كل شعره جديد..

والصحافه له عبيد

واللي إحساسه نشيد

تعرفينه... اللي حتى ما يعرف يلقي القصيد

إيه عرفته.. تقصد طلال الرشيد

- لا !

- أدري أدري!

كنت أحَسْبَكْ يا حبيبي شخص ثاقب

أنت مو بكرى بتجي؟

تبغى كم مرّه تعاقب؟

أنت ما تعرف يـ غالي

إنه تلفونك مراقب

أنمـــار
07-01-2004, 07:43 AM
مشاركة حلوة يا الحبوبه .. تسلمين

والله يرحمه يا رب


أنمـــار

بـــــدوي
07-01-2004, 04:11 PM
هلا اختي الحبوبه


تسلمين يالغاليه


رحمة الله على الشاعر

وتسلم يمينك على ماقدمتي لنا من كلام رائع

اكرر اختي هلا فيكي وننتظر جديد مشاركاتك

الحبوبه
08-01-2004, 12:59 AM
هـــــلا أنمار ... وبدوي

يسلمو اخواني على مروركم... ويعطيكم العافيه

هبوب الشمال
08-01-2004, 01:07 AM
يسلمواااااااااااااااااااا
الحبوبة

لاتحرمنا من التواصل