PDA

عرض كامل الموضوع : البــــــــــــــــــــــــــــدويـــــــــه ....!!!!!



المسكت
09-01-2004, 10:25 PM
:arrow:
بـدويـــة


قالت الله لا يهينك انت خابرني بدوية
ما احب الي يمسس غترته ويزبط عقاله

أنا ودي ببدوي يمشي بدمه حمية

لا تعزوا بالقبيله كلهم صاروا عياله

البدو غالين عندي لو حصل منهم خطية

الولد فيهم يساوي شيخ بجاهه وماله

قلت انا أنعم وأكرم ما كذبتي يا اجودية

سجل التاريخ عنهم البطولة والجماله

لكن الله لا يهينك لا تناسين البقية

الحضر رجالهم يا وسع صدره وطول باله

في المواقف إنشديني ما يتخلى عن خوية

لا فزع ما عاد يدري من وراه ومن قباله

وضيفهم يبشر بعزه والوفاء والمقدرية

كل واحد يسبق الثاني ولا ندري بحاله

قالت اكبر عيب فيني يا الحضر النرجسية

ما أظن أحدٍ بيغريني بطبعه أو جماله

أنا احب الي زهابه حاجتين وبندقية

يفتخر بالذود ويسرح كل يوم في حلاله

وان لفاه الضيف شاف الفرق شاف الناس حية

بدوي صوت نجره أطرب الطرقي وجاله

قلت أنا ليه اختلقتي فرق وسويتي قضية

الكبر لله والمؤمن ضعيف براس ماله

يا بدويه الجروح اللي من أسبابك ندية

والخفوق اللي تحرا جيتك ياما جراله

والعيون اللي تمنت شوفتك صارت شقية

والفراق اللي بليا ذنب يذبحني لحاله

قالت الله لا يعاقبني أنا بنتٍ بريّة

من السوالف كلها والحب وين اللي وفاله

يا ولد لا تحسبني جاهله ولا غبية

الهوى ما هو كذا والحب انا ما بي مجاله

أنا أخوي ان قال أخو فلانه عرفت إني بدوية

تجتمع روس العرب له من يمينه ومن شماله

*********




منقووووووووووووول من بريدي

بـــــدوي
09-01-2004, 11:22 PM
المسكت

ياهلا وغلا والله بالغلا

صح لسانك اخوي وسلمت يمناك على ماجبت لنا في المنتدى


اشهد انها بينت اللي في خاطرها وخاطري

يعجبني انا اني القى موضوع مثل هذا

وانتظر شوي اخوي وبتلقى ردي على القصيده

ابي احاول اجاريها بابيات متواضعه



تحياتي لك وياهلا وغلا



البدوي
http://www.geocities.com/aa_abd_aa/Bdoy.swf

المسكت
11-01-2004, 01:33 AM
بـــــدوي,



صح بدنك اخوي وشاكر لك على مرورك ...!!!!



وانا بأنتظار الرد ..!!!!

الرحال
11-01-2004, 08:53 AM
المسكت

أنا أخوي ان قال أخو فلانه عرفت إني بدوية

تجتمع روس العرب له من يمينه ومن شماله

مشكور على هذه القصيده وصح لسانك وتسلم يمين كتبتها

اخوك الرحال

المسكت
14-01-2004, 08:49 PM
الرحال,



صح بدنك اخوي ....!!!!!!!





وشــــــاكر لك على المرور .!!!!