PDA

عرض كامل الموضوع : لين اضبط البراد واكل علاجي من روائع بندربن سرور اقروهااااااا



هوت تيتشر2004
14-01-2004, 05:13 AM
بناء على طلب الأخ هاجوس لقصيدة الشاعر الكبببير بندر بن سرور
والتي يقول فيها

لين أضبط البراد واكل علاجي

اقدمها له واقول غالي والطلب رخيص



(دوك الفرت)
يامنير دوك الفرت واخذ الفواتير
وافحص عليه ودخله بالقراجي
اللي يبي بنزين ركب مواصير
واللي تبيه النار ركب بواجي
واليا ستعد وصخر البعد تصخير
تصخير شيهان لفرخ الزراجي
حده على اللي مايعد المخاسير
ركاز عمدان الخشب للنعاجي

ثم قل لبو بندر ترى وقتنا غير
تبدلت سحب المطر بالعجاجي
قومه عتيبه شيوخهم مابهم خير
لايدعي بشيوخ شيوخ الخراجي
نبكي سيوف سمرت نجد تسمير
تسمير عود الساج في عود باجي
حدن محمد ابن هادي ورى النير
والفرم محسن عقبنه سواجي
ربع رسو بين الحفيفين يامنير
ماسلمو لمدور الباج باجي
رحنا ندوج ونتسمى مناصير
نمشي على البيدا بليا مزاجي
متى يجي في نجد بعض التغايير
حتى يجي للصابرين انفراجي

(تم ادخال بيت ليس من القصيده وهو:

ياناس خلوني على الأرض لاطير لين اضبط البراد وآكل علاجي

لكي يظهر بندر وهو ليس في حالته الطبيعيه عندما قال هذه القصيده.. والله اعلم

أتمنى ان اكون قد لبيت الطلب اخ هاجوس
ولكم تحياتي،،،،،،،،

بـــــدوي
14-01-2004, 09:24 AM
هلا وغلا


سلمت يمناك اخوي وماقصرت في تلبية الطلب


لكن كل هالابداع والقوه والتميز في شاعرنا ويضهر انه ماهو في حالة الطبيعيه؟؟؟؟؟؟؟؟؟؟؟؟


هو كتب القصيده وانا اخوك من زعل

وعموما جمل الله حالك انها نشرتها

تحياتي
البدوي

هاجوس
26-01-2004, 08:26 AM
الله يعطيك العافيه اخوي هوت تيتشر ....وماقصرت...واسف اسف اسف لاني الان شفة القصيده وطول الرد...لكن الف شكر لك ... نبغى المزيد..

تحياتي لك ياذوق..

نجـــ سهيل ـــمـ
24-10-2008, 02:35 AM
بندر بن سرور
شاعر متمكن جدآ في الوصف
وقصائده مازالت باقيه يرددها عشاق الشعر رغم وفاته من فتره طويلة

الســــــــهم
24-10-2008, 04:22 AM
ياناس خلوني علـى الأرض لاطيـر ليـن اضبـط البـراد وآكـل علاجـي


الله يرحم بندر بن سرور

وهنا في هذا البيت حسب تحليلي للقصيده

يبين انه ربما كان مصابا بداء السكر
حيث يدعو الله ان يساعده على الثبات حتى ياخذ العلاج

رحمه الله رحمه وااااسعه