PDA

عرض كامل الموضوع : .*.*. اعرف شخصيتك من طريقة ضحكتك .*.*.



ghool
12-10-2006, 10:38 AM
اعرف شخصيتك من طريقة ضحكتك

هههههههههههه:
صاحب الضحكه هذي .. وسيع صدر .. حبوب .. طيوب .. مسالم وعلى نياته .. دايم مبسوط وبارد .. اشين شيء انه يضحك احيانا في مواقف غلط !! .. رهيييييييييييب: وخطيييييييييير... ذكي ..و مليح
-----------------------------------
ههههههههههههاي اهم شيء الياء:
انسان شايف نفسه متكبر .. ضحكه قليل يقاله ثقل .. متسلط ويحس بالنقص .. ثقيل دم .. احسن طريقه للتعامل مع جيه ناس .. هو القمع والشكم والتزليب وعدم رفعه من ارضه .. عشان يعرف ان من تواضع لله رفعه ..
-----------------------------------
هاهاهاهاهاهاها بنفس الترتيب:
انسان مرتب .. يعني اذا دخلت غرفته ما تلقى فيها عود طايح .. كل شيء منظم ومرتب حتى الضحكه .. مثقف ويلبس نظارات 12 بوصه((وش البوصه اصلا!!)) يعني نظرات اكبر من وجهه .. ما يضحك كثير بس يبتسم وايد .. شكله كذا يخليك ترتاح له وتشكي له .. عاده تلقى عنده الحل .. لو مالقيت الحل اهم شيء ترتاح .. كتوم هو على فكرة
-----------------------------------
نياهاهاها:
انسان شرررير .. يمووووت في النذاله والشر .. قمه الوناسه عنده انه يرج ببسي ويعطي احد يفكه له .. عيونه يطلع منها شرر .. مركب ضروس ذهب عشان اذا ضحك تلمع وتقهر ازود احسن طريقه للتعامل مع هالنوعيه هو العمل بالمثل "ابعد عن الشر وغني له" .. لكن مهما حاولت تبتعد عنه هو بيجيك لانه يموووت ويسوي فيك مقلب .. لكن انتبه تعطيه فرصه .. لانه لو ما قهر احد يصدع راسه .. الله يعين اللي حوله عليه ..
-----------------------------------
كعكعكعكعكعكعكع:
انسان "دب" "فيل" يتراوح وزنه ما بين 100 -150 كيلو متر مربع لا عفوا تكعيب .. استمد ضحكته من كثر الاكل .. كريم جدا لحد الاسراف خصوصا اذا كانت السالفه فيها اكل .. ما يطلع من البيت الا وجيوبه مليانه .. علب ببسي وفش فاش ((ياقدمي)) اللي يجلس معه بيزيد 5 كيلو/ ساعه
اماكنه المفضله : السوبرماركت - المطاعم - اينما تواجد الاكل .. لكن في نفس الوقت نفسه عزيزه يعني موب مثل اشعب مشفوح .. كيفيه التعامل مع الاشخاص .. اهم شيء اجلس بعيد عنه خوفا على عظامك لا تخلخل لانه عاده يصاحب هذه الضحكه حركه سريع باليد .. مع ذلك خفيف دم ووسيع صدر .. واصدقائه يحبونه حتى لو قطّوا له في عشاء بس اهم شيء يجي معهم
-----------------------------------
يقولون فيه ضحكه جديده نازله السوق وهي هعهعهعهعهعهعهعهعهع هذي الصراحه ما بعد شملتها دراستي ولكن اعتقد انه ضحكه واحد متقرف .. لكن راح اجري تحليلات على الضحكه هذي ونحط بعض العينات تحت المجهر وان شاء الله تكون النتيجه عندكم بعد ايام

عبدالهادي
12-10-2006, 01:41 PM
الظاهر ان باقي ضحكة ماعرفتيها

وهي الى بدون صوت وبالعيون

دايم تمر بالمواقف المحرجة
.................................................
شكراً على التعريفات الجيدة

ghool
12-10-2006, 02:33 PM
آآآآآآآآه على ضحك العيون
شكرا للتذكيير فيها يا ابو هوازن

كرزه
12-10-2006, 02:51 PM
نسيتي الضحكة هاذي
هيهيهيهيهييهيييي<<شنو تطلع؟؟!:)
يسلمووو حبيبة قلبي

أنا أخو مزنا
12-10-2006, 03:38 PM
بس هذي ضحكات الناس كلهم



تقبلي أخلص أشواقي

عبدالهادي
12-10-2006, 06:35 PM
اخو مزنا ........ كل الناس لهم هموم وعلوم

وهالضحكة .... لك عزيزي هدية

قهقهقهقهقهقهقهقهقهقهقه

بس شرط ماتزعل

marooz
12-10-2006, 10:31 PM
heloo el maudu3

leget dehkat ukhuy jad tentebeg 3aleh el mowasafat

shukran

n0000000r
12-10-2006, 10:39 PM
وهذي
خخخخخخخخخخخخخخخخخخخخ
ايش تكون مشكوره اختي

nooni
27-10-2006, 06:31 PM
وبعد في كم نوع زياده على اللي موجود :
خخخخخخخخخخخخخخ : هذا توه قايم من النوم او ماله خلق ابد وكسوووول

هيهيهيهيهي : هذه انسانه حبوبه وبرييييييييييييئه اتمنى يكون شرحي صحيح (: