PDA

عرض كامل الموضوع : قصة حقيقية عشت اوضاعها بنفسي



بدوي بكرتونه
17-01-2004, 12:45 PM
قصة حقيقية عشت اوضاعها بنفسي


ابو محمد :وين ابو سيف اليوم !ماشوفه؟
ابو داحم: اووووووووووه ابو سيف تعب وودوه عياله للمستشفي
سلامات ويش صار فيه!
يقولوا جاته جلطه الله يكفينا الشر
يآآآآآآساتر وعسي ماهي بخطيره؟؟؟
وش لون ماهي بخطيره!!في القلب ياكافي الشر
لاحول ولا قوة الا بالله وان شاء الله لقي اهتمام لما راح للمستشفي
ايه لقي!! لقي تحويل لمستشفي اخر!!
ليه ياكافي؟؟؟
قالوا الامكانيات هناك اكبر !!!
طيب ويش صار بعدين؟؟؟
وصل للمستشفي وحاولوا يذوبو الجلطه لكن صادفتهم مشكله!
ويش هي المشكله؟؟
المشكله انهم لقيو الجلطه صارت جلطتين
يارب ارحمنا ويش صار بعدين؟؟
قالوا لازم نعطيه دواء مفعوله سريع لعلاج الجلطات
طيب عساهم عطوه العلاج؟؟ وتعافى بس؟؟
لا هين ماعطوه شي لانهم طلعت لهم مشكله جديده
وش لووون!! ايش طلع جديد
طلع يالحبيب ان العلاج اللي بغو يعطونه اياه ماهو متوفر
ايش تقول!!!!!!! انت خبل!!! هذا كلام عاد!!
ايه والله هذا اللي طلع معاهم
طيب وبعدين ايش صار بالرجال؟
ويش بيصير جاته جلطه ثالثه
بس عاد يكفي يامال العافيه
لا وبعد لحقتهاجلطه رابعه وخامسه وسادسه
معقول انت ايش تقول؟؟
والله العظيم هذا اللي حصل وانا اخوك
والدكاتره ايش يسوون؟
بعظهم يحاول فك الجلطه والبعض راح يبلغ عياله يدورو الدواء ويتصرفو بسرعه
وجابو عياله الدواء؟؟
الله لايبلنا ! الان ان كان الدكاتره مايعرفون مكان الدواء ويش لون يعرف عياله!!
ويش الحل اجل؟
الحل ياحبيب ان الرجل جاته جلطه سابعه وثامنه وتاسعه وهذا كله في خلال 12 ساعه
وووووووووووول يارب رحمتك طيب والحل؟؟
الحل ان الدكاتره بطلوا في الدواء وقالوا لازم نسوي عمليه عاجله
طيب وسوا العمليه؟؟
طلبوا من عياله يوفروا لهم عدة ولوازم العمليه
وش لووووووووووون!!!ويش عدته؟؟؟؟
اشفيك يابومحمد لوازم العمليه من مقصات ومشارط وادويه
انت اللي اشفيك من ساعه تقولو مستشفي كبير وتخصصي!!!
ايه تخصصي بس ماهو للي مثلي ومثلك ومثل ابو سيف!!!
يووووووووه لاتوهقنا عاد .المهم جابوا عياله عدة العمليه؟؟
ايه جابوها بعد البحث اكثر من ساعتين من صيدليه الي صيدليه
طيب سووا العمليه للرجل وخلصوا؟؟
وقتها يابو محمد وصلت عدد الجلطات عشره بالتمام والكمال وكلها في صمامات القلب
طيب عسي الرجال زين الان؟؟؟
أي زين واي خرابيط يابومحمد!!!!!!!
اشفيك ماهو الان تقول انهم سوا له العمليه له؟؟؟؟
اقول والله مانت بصاحي يابومحمد هذا اذان المغرب يأذن تعال نصلي ونروح نعزي عيال ابو سيف في ابوهم :shock:

صورة مع التحيه والتقدير لوزارة الصحة في اكبر دوله نفطيه بالعالم

mr.ghost
17-01-2004, 04:32 PM
بدوي بكرتونه


الله يعطيك العافيه اخوي


وماقصرت على هالقصه اللي تحكي واقعنا وحالتنا مع المستشفيات والمستوصفات
والقطاع الصحي كاملاً


مشكور اخوي


تحياتي

بدوي بكرتونه
19-01-2004, 12:13 PM
شاكر يامشرف المنتدي العام علي المرور

لكن احب ان اشير الي ان هذه واقعة حقيقية حصلت امامي ولكن انا صغتها علي شكل حوار بين اثنين وهي ليست من الخيال القصصي


شاكرا للجميع الاطلاع

الجروووح
19-01-2004, 01:33 PM
الله يستر على المسلمين والمسلمات من البائس والمصائب ...



والله في الامس القريب ذهب اب صديق لي من اسباب الجلطة ..


الله يرحمه ويرحم امواتنا واموات المسلمين اجمعين ...


وشكر لك يا بدوي على القصة الموئثرة ...