PDA

عرض كامل الموضوع : بعض قصص الهاكر المضحكه المبكيه (أدخلووو وموتو من الضحك)



المصلوخي
19-01-2004, 03:27 AM
السلام عليكم ورحمة الله وبركاته


اول شي احب الفت نظركم الى ان القصص هذي حقيقة ومهيب خرابيط من راسي يعني واقعية بحته بس قبل لا يبدا الرمي وطلق النار حبيت اوضح لكم معنى الهاكر الصحيح



الهاكر : اولا كتابة الاسم بالشكل هذا غلط والصحيح هو الخاكر ، لأن الهاكر هو نفسه اللي سوى البرنامج حقه وتعب فيه ، أما هالبزارين الملاقيف مالهم الا ولد يقرا ، او برنامج يخترق يعني حط الآيبي وقل ياربي ، وبــس وتبون الصدق خاكر وتخب عليهم بعد وهذي هي القصص


واحد مسوي نفسه خكر ، قال للضحية في احد برامج الدردشة والله لا أدخل جهازك هالحين ، ورد الثاني بالتحدي ،المهم اخينا الأول قاله أنا في جهازك هالحين وش ذا الخلفية الزينة سيارة مكسيما مره وحده المهم وافقت صدفة ان الخلفية صحيحة قام المسكين الضحية ومصع الفيش وطفى الطبلون بكبره

ياكثر اللي يسوون فيها مخترقين وفاهمين واحد منهم سوا لي فيها قال للضحيه والله لا ارسل لك الحين فيروز ( فيروس) يدمر جهازك المهم خوينا ضحك وقاله يرحم والديك ارسل فيروز واذا ماعليك كلافه ارسل معها اغنية حبيتك بالصيف


واحد اخترق من جد جهاز ثاني وكتب له في رساله فورية وش رايك العب في جهازك قال الضحيه ببرود اصبر شوي بس ، عاد المخترق ذروق وارتاع خاف ان الضحية فاهم ويبي يجيب خبره نحاش ونسى حتى نعاله في جهاز الرجال


واحد آخر اخترق جهاز واحد ثاني والمضحك انه يوم خذ لقطه للشاشه لقى الضحيه هو الآخر مخترق جهاز واحد ،،، ومافيش حد احسن من حد

واحد يحلف لي ( لاحظوا ان اللي فوق كلهم ماحلفوا ) المهم يقول دخلت في جهاز طيب كله برامج وملفات وصور ويوم خذت لفه حبيت ارسل للضحية رسالة شكر واعجاب المضحك انه رد عليه الضحيه وقال له : انا دايم اطلع من الساعه كذا الى كذا واتمنى ان حنا نتقابل وفرصه سعيدة


الخكر منهبلين على السب سفن ، قام واحد على نياته وسحب البرنامج من موقع وفتحه كله بالباتشات والتروجانات اللي فيه وصار جهازه مثل البايكه المفتوحه لكل من هب ودب واهي علئه تفوت ولا حد يموت ؟


واحد حبيب اخترق جهاز وكتب رساله يبي يعلم الضحية ان جهازه فيه منافذ وسهل اختراقه رد عليه الضحية وقال : هلا راشد وينك ، انهبل خوينا وسأله من راشد قال مهوب انت ؟ هذا واحد يوميا طاق خيمه في جهازي وتعرفت عليه


اثنين في مجلس يتكلمون في الانترنت ، قال الاول للثاني انت وجه انترنت الله يرحم حالك بس !، الثاني ضاق صدره وقال : وش عرفك اصلا بهالامور تعرف اللوك داون ؟؟ طيب تعرف السب سفن ؟ - طبعا الاول فاق خشته مايدري وش يقول - المهم خوينا كمل وقال تعرف الجمري ؟؟؟؟ وقتها تكلم واحد من الجالسين وقال وش الجمري اول مره اسمع به انت تقصد الجامر وضحك الجالسين عليه وخاصه عقب ماعرفو ان الجمري مطعم في الروابي ورفيقنا الثاني مرابط عنده ومحلل والديه ؟


واحد دخل جهاز شخص ثاني ولقى المسكين يدهر في موقع يوضح طريقة الحمايه من الهاكر ، واخينا المخترق ماقصر انتظره الين خلص وقال له : هاه بشر عساك استفدت ؟؟

واحد يدهر في جهازه ويضيف خلفيات ويعدل المهم زعق اللوك داون وانهبل اخينا وعلى طول عطاه امر ايقاف التشغيل وقام يلعن في الهكر ؟؟ والمضحك المبكي انه ماكان متصل بالانترنت ولا له نيه يتصل ؟؟


واحد قام يدّعي عند رفيقه ويقوله انا هالحين تطورت عقبك وصرت هاكر منيب بسيط ، عاد خويه ماهضم كلامه وساله وقاله له : طيب وش أقوى برنامج اختراق ؟ رد عليه اللي يدّعي وقال : اكيد مافيه غيره ( سب يفن ) ؟؟؟؟ خويه عرف انه ماعنده سالفه وقال هذا اسم وجبه والا برنامج


واحد فتح الباتش حق برنامج الهاكا تاك وشغل البرنامج والمعروف ان البرنامج فيه خانه يطلع فيها رقم الآي بي للشخص نفسه ، قام اخينا وقص رقمه ولصقه في خانة الاتصال وما صدق خبر يوم شبك معه ودخل على جهازه بدون ما يدري ومن الفرحه قام يدهر ويقلب الشاشه ويفتح المستندات يحسبه في جهاز الضحيه ولا تأكد انه يلعب على جهازه الا يوم عطاه امر اطفاء الجهاز وقبس جهازه على طول ؟؟؟

مشعان ابو جبنه الرومنسي
19-01-2004, 09:14 AM
هههههههههههههههههههههههههههههههههههههههههههههه
ههههههههههههههههههههههههههههههههههههه
هههههههههههههههههههههههههه
هههههههههههههههههه
هههههههههه
ههههه
ه

هع هع هع هع ههههههههههههههههههههه هع هع هع هع هع ه

الله يعطيك العافيه يا البناخي هلى هذا الموضوع

وربي ترا من جد عانيت من هالسوالف كنت سابقا شغال على سيرفر

وامتحني واحد كل شوي وهو حاط ملف تكست على سطح المكتب وكاتب لي ايميله ويقول لي انت عندك ثغرات ضيفني علشان افيدك يبغى يشبكني الاهبل على باله انا بنت

والقصه الثانيه الي صارت علي ان واحد بريطاني كان مخترق الجهاز عندي عن طريق الدوس

وكان جالس يوي داون لود للبرامج الموجوده عندي الي اغلبيتها برامج شبكات وما اتوقع انها تفيده

وكان من بين هالبرامج برنامج عليه فايروس الوورم الي اسنه فولدر folder
المسكين انه مايدري ان هالفيروس لو يفرمت من هنا الين بكره ما يروح لو يأذن

ولحد يومكم هذا وهو جالس يطلب الحل يقول لي كيف اتخلص من الفولدر

أحسن مافيه هالفايروس أنمه يعطل لك كل برامج الحمايه ثاني شي انه vp

يعني فجول بيسك سكربت ينسخ نفسه تلقائيا بدرجه هائله ثلاث شي انه يعطل لك الزر اليمين والقص واللصق يغير لك ملامح الايقونات

بعدها المسكين انقطع شكله مات مع الفيروس

وفي الختام مشكور اخوي المصلوخي على موضوعك الراقي

أخوك
مشعان ابو جبنة الرومنسي
مفجر المحطات

أحمدخالد
19-01-2004, 09:27 AM
ههههههههه حلوين منك

المصلوخي
19-01-2004, 09:41 AM
شكريااااااااااا لامروركم من هناااااااااا

أحمد &مشعان (شيخ القبيله )

fido_dido
19-01-2004, 10:44 AM
واحد يحلف لي ( لاحظوا ان اللي فوق كلهم ماحلفوا ) المهم يقول دخلت في جهاز طيب كله برامج وملفات وصور ويوم خذت لفه حبيت ارسل للضحية رسالة شكر واعجاب المضحك انه رد عليه الضحيه وقال له : انا دايم اطلع من الساعه كذا الى كذا واتمنى ان حنا نتقابل وفرصه سعيدة




ههههههههههههههههههههههههههههههههههه

لووووووووول الوووووووووووول
اشكرك بعنفhttp://smilies.sofrayt.com/%5E/r/pleased.gif،،،،،،،