PDA

عرض كامل الموضوع : مصطلحات نجدية ...



الجروووح
19-01-2004, 01:58 PM
يا اخوتني هذي بعض المصطلحات النجدية :




" مير "

اختلف المترجمون في تفسير هذه الكلمة ، واتفقوا أن هذا المصطلح مال أمه داعي ، ولا له موقع من الاعراب ، يوضع لتزيين الجملة ،، مثال : الله مير يسلمك ، الله مير ياخذك



" غديه "

وتعني : كوده !! ،، وفسر الماء بعد الجهد بالماء



" ومصع "

دعوة عند القصمان وتأتي بعدة أوزان : مصع ، يمصع ، ممصوعا ،، مثال : جرّن مير يمصعن



" ياهملالي "

...منتشرة عند النحوتين والنظولين ، مثال : مزنة : مادريتي نورة توظفت ؟ ،، حصة : ياهملالي عنده واسطة ،،، منقهررررة



" من تلالتنا"

من حمبنا



" واخزياه "

مصطلح ينتشر عند بعض الناس يقالهم مستحين ، وهم وجيه بن فهرة ، " ووجه بن فهرة هو الوجه المغسول بمرق "



" أويق "

هذه الكلمة تنتشر عند البلوغين أي الملاقيف ، معناها أناظر وأناظر معناها أشوف !! ،، مثال : حصه : خير وش عندتس رازتن خشتس عند الدريشة " النافذة " ؟؟ ،، مزنة : أبد ، أويق على اللي يفحطون



" أعبطه "

أعجنه واسويبه فطاير



" قوه "

كلمة من أصل إنقليزي " والله محنب سهلين " معناها تخاويني؟ ، مثال : حصة : قوه معي للسوق ،، مزنة : مشينا ، كلش إلا السوق ، تخاويها وهي مغمضه



" حوّل "

وراكم طيرتوا عيونكم بي ، ترى منيب بالنجدة ، بس حوّل يعني : انزل



" شنق "

تعني : جهة



" هماه "

وتجي بمعنى " مب كذا - مو "



" نيم "

وتعني : نائم



" تهقى "

تعني : تظن؟ ، والاسم منها " هقوتي " اي أغلب ظني ،، مثال : حصة : تهقين نورة تجي ؟



" بوه "

أهم مصطلح عند القصمان ويوضع بآخر الكلمة مثال : وشبوه ، جبتوه ، مادريتبوه ، وينهوبوه، وتقول هالكلمة وانت ماط بوزك شوي



" يهوجس "

سرحان ، يفكر

ـــــــــــــــــــــــــــــــــــــــــــــــــــــــــــــــــــــــــــــــــــــــــــ....
ملاحظة : اكثر الكلمات تحتاج لتشديد بعض حروفها . ..
ــــــــــــــــــــــــــــــــــــــــــــــــــــــــــــــــــــــــــــــــــــــــــ.....

مسطول
19-01-2004, 03:24 PM
ههههههههههههههههههههههههه
ههههههههههههههههههههههه

خخخخخخخخخخخخخخخ

هع هع هااااااااااع

فضحت بنا بس مهب مشكله خل العالم تتثقف شوي وش دراك يمكن بعدين تصير لغه خنفشاريه في المستقلع اللي جنب بيتنا

المستقلع >> المستقبل خخخخخ المستقبل والا LBC

خخخخخخخخخخخخخخ

الجروووح
19-01-2004, 03:46 PM
:evil: :evil: :evil: :evil: :evil:



مسطوووووووووووووووووووول هلووووووووووووووووو ...... :evil: :evil: :evil:


:D :D :D :D ههههههههههههه لا تخاف حبيبي ...



ولا فضيحه ولا شيء بالعكس مصطلاحاتنا اشوا من غيرها من الجيران .......


اسمع مصطلحات سودانيه او مصريه او ليبيه وشف الفرق ....

هبوب الشمال
19-01-2004, 05:42 PM
الاخ الجرووووح

أنا مانى بقول لا من تنزيل المقال بالمنتدى

لاكن كود يفتح باب بتفشى الشفرة

كشفتنا على النت وسجل يالتاريخ

مافعه الجرووووووح

وراو الجروووح على لهجتنا

الجروووح
19-01-2004, 05:51 PM
هلوووووو soon

اقول تبي الصدق


اقول والله عجزت من التحدث بلهجه مغايره للهجتي


بالعربي ابي الشله يتعودون على المصطلحات

اللي بقولها من اليوم ورايح



والف شكر لك soon العزيز على المرور

احلى غدير
19-01-2004, 07:36 PM
هااااااااااااااااااي جروووووووووووووح عن جد في احد كذا يتكلم والله اتوقع لو احد يتكلم عندي كذا من اليوم لبكره مارح افهم شيء والله تنفع اتعلمها واسويها طلاسم وشفرات :twisted: واديد نسبه بس لو تعلمت

لاااااااااااااااا وانا فرحانه بعمري على بالي اعرف نجدي وكويتي وحركات عند البنات وافسرلهم المسلسلات على كيفي وبصراحه كلماتك هذي كانت اختبار لقدراتي الترجميه وللاسف ماعرفت ولا كلمه وفيه كلمات حتى بعد الشرح مافهمتها يعني طلعت خرطي على قولهم



صح يعني ايه غديه :?:


قالو وش انت من الناس قلت حجازيه ولي الشرف بال سعود
قالو والنعم باهل الحجاز قلت ماعليكم زود ياهل الكويت


تحياتي غدوره الدلوعه

الحصني
23-01-2004, 12:27 AM
نعم هاذا هرجنا ونفتخر على الإقل اشواء من الجيزنة اءاءاءاءاءاءاءاءاءا :lol: :!: :!: :!: :!:

fido_dido
23-01-2004, 01:15 AM
هااااااااااااااااااي جروووووووووووووح عن جد في احد كذا يتكلم والله اتوقع لو احد يتكلم عندي كذا من اليوم لبكره مارح افهم شيء والله تنفع اتعلمها واسويها طلاسم وشفرات :twisted: واديد نسبه بس لو تعلمت




هههههههههههههههههههههههههههههه
وي وي وي وي

الجروووح
23-01-2004, 01:32 AM
اسمحي لي احلى غدير ما تعرفين شيء عن تاريخ اللغه العربيه



اللهجة النجديه من اللهجات المعتمدة في اللغه ..


وارجعي لكتب اللغه


واذا تبين انا ادلك على بعض الكتب ..


والف شكر يا الغدير ...

بليز وخر شوي
23-01-2004, 05:10 PM
وبعض الكلماات مثل




البزام والبخ ويطلق عليهااا مثل اسكت او انطم كح



ومشكووور على الكلمااات بس اغلبيتهاا شمالي او قصمنجيه كح

الجروووح
23-01-2004, 05:30 PM
هلووووووووووووووو بليز ...

كيفك حبيبي ...


وشكرا على المسيار ...

mr.ghost
24-01-2004, 03:59 AM
يسلمو اخوي الجرووووووووووووح


على هالكلمات الحلوووووووووووووه


انا بصراحه

من الناس اللي يعشقون اللهجه النجديه
وافتخر اني اتكلم بها
بس مو كلها اعرف اتكلم فيها

لان حياتي كلها في الرياض

ومارحت القصيم ولا الشمال

خخخخخخخخخخخخخخخخخ



تحياتي

الجروووح
24-01-2004, 04:03 AM
هلا والله mr..ghost


شكرا على المرور المميون ..

احلى غدير
24-01-2004, 10:31 AM
نعم هاذا هرجنا ونفتخر على الإقل اشواء من الجيزنة اءاءاءاءاءاءاءاءاءا :lol: :!: :!: :!: :!:

انا مو جيزانيه وفي فرق بين الجيازنه على قولك واهل الحجاز طيب ولي الشرف اني حجازيه

احلى غدير
24-01-2004, 10:36 AM
اسمحي لي احلى غدير ما تعرفين شيء عن تاريخ اللغه العربيه



اللهجة النجديه من اللهجات المعتمدة في اللغه ..


وارجعي لكتب اللغه


واذا تبين انا ادلك على بعض الكتب ..اوكي وارسلها كمان الله لايهينك
والف شكر يا الغدير ... يمكن مااعرف شيء في اللغه العربيه بس اللي متاكدة منو انو هذي الكلمات مامرت عليا لا في القواعد ولا المطالعه :lol:

يمكن دحين حطوها مدري

تحياتي غدوووووووووووووور بنت الحجاز ولي الشرف