معااناتي مع الدائري الشرقي :)؟!؟!؟

[مسطل]

بسم الله الرحمن الرحيم
السلام عليكم ورحمة الله وبركاته ....



صباح الإربعاء ... وعلى الدائري الشرقي بالرياض ... صااااار لي موقف شويه يرفع الضغط
عشان ماطول عليكم السالفه بإختصار



كنت راجع من السويدي متجه لمخرج تسعه !! فجأه وقبل مقهى ابو هيثم كانكم تعرفونه بمسااااافه
وقف الدائري قلت الله يستر شكله حااااادث ..... واستمرت الزحمه حدود 6 كيلو او اكثر !!!

يوم وصلت مخرج 17 توقعوا وش سبب الزحمه ؟؟؟

ههههههه حاطين تفتيش !! ومقفل ابو الداااائري والمشكله مايوقفون احد يعني بس زحمه !!
وتأخرت عن موعدي حدود ساعه ونص !!

المهم وانا راجع للبيت بمخرج 16 لقيت تفتيش ثاني برضه على الدائري عند مخرج 12 والزحمه متعديه مخرج 9 !!! ونفس الحكاية مافيه الا نقطه تفتيش بس مايخذون لا اثباتات ولا استماره طب لييييييه هالزحمه
كذا بس على الفاضي ؟ طيب ماختلفنا اقل شي يحطون داخل المخارج تفتيش مو على الدائري ؟؟؟؟


الله يعين .. وحسبىىىىىى الله على من كان السبب وزعزع الأمن !! والسلام خير ختام ....!!

[مسطل]

على فكره :) ترى التفتيش له اكثر من اربع ايام ومستمر للحين وفي الفتره الصباحه بس !! يعني وقت الذرووووووه !:( ؟؟ ؟ ؟ ؟ ؟ وبالليل داخل اكثر المخارج تفاتيش :)

[mr.ghost]

اخوي مسطل تراهم بدو من هذا الاسبوع واتوقع انهم يطولون على هالحاله
وبعدين تراهم يبدون الساعه 7.5 او 8 الصباح ( علشان يمديهم يخلصون قبل ماتحرقهم شمس الرياض الساعه 10 )

المهم الحمدلله بالنسبه لي انا كل يوم اداوم مع هالخط بس انهم مايمديهم يقفطوني
لاني امشي الساعه 6



تحياتي والله يعينك انت واخوي

[DeViLiSh]

يااا زيييين الاجازة زينااااااه لا التزام و لا مواعيد :P

[السلطان]

مسطل,

ولايهونون ربعنا. .

انا وانا رايح للدوام اواجه نقطتين تفتيش وبالرجعه برضه نقطتين. . :roll:

وكل مامريت من عندهم ياأما إن ابو الشباب قاعد يقرق مع ربعه ومعطي النقطه طاف. .

والا انه لاشافني قال لي الرخصه والاستمارة؟ وافتح الشنطة؟ وفين تشتغل؟:lol:

وبعضهم يحاول يدور له اي مخالفه عليك عشان تقعد تسولف معه وبعدين يقول خلاص انا بخليك الحين بس غيري ماراح يخليك<===يازعط مسوي فيك جميل. . :?

ومرة يقولون اللوحة الامامية ماهي واضحة<==طيب نظفوا الشوارع من التراب اللي يطير حتى بوية السيارة. . :D

ومرة يقول انت كنت مسرع<===وش دراك ياابو الشباب وانت واقف بالنقطة. . ؟ :wink:

لاوواحد ذاك اليوم مريت من عنده انا وواحد من الشباب وشكله بزر توه متوظف. .

المهم ان صاحبي كان يدخن ولما وصلنا عنده اول ماسلم خويي قال له العسكري طف الزقاره.......؟؟؟؟؟؟؟؟؟؟؟؟؟؟؟؟؟؟؟؟ :?: :?: :!: :!:

بصراحه حسيت ان خويي بيطفيها بخشمه ويكفخه لكن الله ستر. .وعدت على خير وعطاه طاف. .

المهم مانقول الا الله يجازي اللي كان السبب. .:(

[النادر]

الله يعينكم على زحمة الرياض

مسططططططل الظاهر انكم صرتو مثل مصر... هههههه