PDA

عرض كامل الموضوع : [b]انا حاااااااااااااااااااااااااااااااااااااااااااامل[/b]



مسطل
22-08-2003, 06:53 AM
بصراحه أنا فاشل بالمقدمات عشان تسذا بطب محيفره على الموضوع لا تشرهون علي !! << لو يبي يشرهون عليك تسان شرهوا من زمان بس مامنك رجى يالشين



كنت نايم هاك اليوم وما دريت إلا أنا قايم من النوم << بالله عليك !! .. يوم قمت بروح أغسل وجهي بديت احس بدوخه شوي وشوي الا تسبدي حامت !! وش العلم ؟؟ وش السالفه ؟؟ المهم يوم ناظرت وجهي بالمراية يوم شفت هاك الزين والوجه المليح والشعر الزين والطويل !! يؤ من ذي ؟؟ وش جابها هنا ؟؟ قلت بنفسي شكلي ما بعد صحيت من النوم ويوم غسلت وجهي قلت غدين أصحى من هالنوم وأناظر في المراية مره ثانية إلا هالبنت طالعه لي ؟؟ بسم الله الرحمن الرحيم وش تبي ذي يوم وخرت شوي قلت بشوف منهي يمكن سكنيه داخله بالمرايه بالغلط قلت من ذي أنا خابر عمري شين وبعدين أنا تمساح وش تبي ذي ؟؟ وشوي يوم أستوعبت أني أنا الشين هي هالبنت المملوحه الزينه !! وش العلم يا صدى ؟؟ [ هذاك منول يوم أقول لنفسي صدى يوم أني تمساح ؟؟ الحين وش أقول لنفسي ؟؟ ]] .. المهم قلت وش السالفة وش اللي قلبن من تمساح أقشر إلى بنت مملوحه ووش زينها ؟؟ المهم اني رحت أنام قلت غدين لا صحيت أرجع مثل منول .. المهم رحت أنام عيا يجين النوم وأنا أتقلب بالفراش مدري وش أسوي وأنواع الهواجيس والقلق مدري وش أسوي بعمري الحين !! وقعدت أشيل هم الدخان وش أسوي ؟؟ ووشلون أدخن الحين ؟؟ ووشلون أروح لم العيال بالإستراحه وإلا القهوه ؟؟ يا والله البلشه !! << أكبر همك يالسربوت حتى وأنت بنت .. يوم أستسلمت للأمر الواقع وأيقنت أني بنت لا محال من هذا الأمر يا أمة الله <<< لا تشرهون الصدمه مأثره فيه .. المهم وشوي إلا تسبدي بدت تحوم علي مرة ثانية يا والله البلشه الحين وش أسوي وأنا مالي دبره بشئ ؟؟ يوم أني تسماح وأنا ما أدبر أي شئ الحين يوم أني بنية وزينه ومملوحه وش أسوي !! يوم رحت لم أمي أقولها يمه قالت هلا والله ببنيتي !! [ الغريبة أن أمي ما أستنكرت الوضع ؟؟ يمكن من الأساس مهيب مقتنعه أني تمساح عشان تسذا ما أستنكرت هالشئ ] .. قلت لها يمه أحس بدوخه وأن تسبدي حايمه علي ولا أدري وش السالفه قالت يا بنيتي يمكن أنتس ماكلتن شئ حوم تسبدت وقلبها .. قلت لها يا مميتي ما أكلت شئ أبد !! قالت أمي يا بنيتي ما عليتس أرتحاي لتس شوي وإن شاء الله تتغدين [ قصدها أني إن شاء الله بطيب لغير الناطقين بالقصمنجيه ] ..يوم رحت لم غرفتي لين تسبدي مره بدت تحوم علي وقمت أسترجع [ وأنتم بكرامه ] يوم أني ما أستحملت الوضع قلت يا يمه تراي تعبانه وودي أروح لم المستشفى أشوف وش بي يوم رحت لم المستشفى وصلحوا لي تحاليل وخرابيط والطقه الباقيه .. وقالوا لي راجعينا باتسر عشان تشوفين النتايج !!! قلت الله يستر لا أصير راسبه بأكثر من خمس مواد !! << عرق التماسيح باقي به شوي .. ويوم رحت لم البيت وألقى أمي جايبتن لي ملابس وحركات .. وأجي أدور ملابس التماسيح ما ألقها << يبي يبكي على الأطلال .. المهم أني بديت كل شوي ألبس شئ وأرجع أفصخه وأقول مهوب زين توهم أهلي شايفيني عليه !! ووشلون ألبس لبس مرتين مهيب زينة بحقي وش يقولون أهلي ما عندي ملابس !! المهم أنه جاء باتسر ومرن ورحنا لم المستشفى <<< قويه صح .. طيب .. يوم جاء باتسر وأنا اللي أروح للمستشفى وأدخل على الدكتوره وأقولها هاه يا دكتوره وش صار بي ؟؟ قالت ما بتس إلا العافيه << بس بالمصري .. قلت طيب وش اللي محوم تسبدي وقالبن فوق تحت طول أمس قالت متخفيش دنتي صحتك زي البوووووووووم .. ألف مبروك دنتي حامل ؟؟!! .. أنا ؟؟ أيوه أنتي مالكي مش مصدقه ؟؟ قلت أكيد يا دكتوره أنا حامل ؟؟ قال أيوه ؟؟ وأنا اللي أدوخ صدز عندهم ويغمى علي !! وما صحيت إلا وأنا فوق السرير مرقده والدكتوره جنبي .. تقول ألف حمد لله على السلامة من الفرحة وقعتي علينا دايخه !! وأنا بقلبي أقول أي فرحه يا [ طوووووووووووووووط ] <<< المشرف عاوز كده ..يوم قمت من الدوخه وأنا اللي أروح لم البيت وطول الطريق أهوجس وش أقول لأهلي ؟؟ وهاللي ببطني من وين جبته وأنا مالي إلا يومين بنت ؟؟!! يا والله البلشه ليتني تمساح أبرك لي بس .. المهم يوم وصلت للبيت إلا أمي تقول هاه يا بنيتي بشري وش قالت الدختوره ؟؟ قلت ما قالت شئ مابي إلا العافية قالت أنا قايله لتس بس أنتي الله يهديك دلع بنات هالجيل جاتس .. وأنا اللي أقول بقلبي أي دلع يا يمه إلا بلوه وبلشه لو تدرين وش اللي بي وش تبين تسوين بس ؟؟ وأنا أروح لم غرفتي فوق وأقفل على نفسي الباب وأقعد أهوجس بهاللي ببطني ووش أسوي فيه يا أنا أبتلشت فيه ؟؟ والبلى أني عاقله ومالي يومين وأنا بنت ومن وين جان هالحمل ؟؟ ووشلون ؟؟ وأسئلة كثيرة ؟؟ صدعت برأسي لين دخت ونمت من الهم !! ويوم صحيت بآخر الليل .. من الهم والهواجيس فكرت أني أنتحر ولا أفشل أهلي وأجيب لهم الخزي والعار << ما سلموا أهلي مني حتى وأنا بنت !! يوم ورى يوم حبيبي ما قاني نوم المهم بعد فتره حسيت أني خلاص بنكشف وبطني كل ماله ويكبر وش الحل ؟؟ خلاص قررت أني أنتحر ولا علي من اللي يصير ولا أبلش بعمري ولا أفشل أهلي .. يوم أني قررت قلت وشلون أنتحر ووش الطريقة اللي أبي أنتحر فيها ؟؟ قلت مالك إلا أنك تطب من فوق البيت ؟؟ رحت لم السطح عشان أنتحر ويوم رقيت على حد السطح وجيت بطب وإلا طرف قميصي نشب بالسطح وأنا اللي أبلش بعمري لا أنا اللي أنتحرت ولا أنا اللي سلمت ومنظر الأرض وأنا معلقه يخوف ومن كثر الخوف أغمى علي و لا عاد أدري وين أنا فيه وما صحيت إلا من الوالدة وهي تقول يا صدى قم وراك نايم بالصالة !! قلت يمه وأنا مفزوع وين ولدي ؟؟ قالت بسم الله عليك وش فيك ؟؟ قلت يمه الولد اللي ببطني قامت الوالدة تسمي علي وتقول وش أنت محلم فيه بسم الله عليك قم قم مابك إلا العافيه وشوي إلا أبوي داخل ويقول هالسربوت هنا ؟؟ غريبه مهوب طالع برى البيت مثل العاده !! قالت أمي أيه لقيته نايم هنا ؟؟ قال أيه هذا تاليت اللي يحمل مواد بالجامعة يالشين .. أثر السالفه كلها حمل مواد .. وأنا اللي أقول زين أنها مهيب حمل أوادم قال أبوي وش قلت ؟؟ قلت لا أبد سلامتك وأنا اللي أقوم أغسل وأدق على الشباب لينهم في أبو هيثم وأنا اللي أروح لمهم وأقول بقلبي الحمد لله أني منيب بنت وإلا تسان أنحرمت من القهوة والدخان والبلوت وغيرها << والله من زين التفكير



منقووووووووووووووووووووووووووووووووووووووول

ولهان
22-08-2003, 11:04 AM
هههههههههههههههههههههه والله روعة .......

مشكور مسطل

مسطل
22-08-2003, 11:50 AM
العفووووووو يالغالي وحاضرين للطيبين :)


ومشكووووووور على متابعتك ومشاركتك لأنك رديت على 4 من المواضيع اللي كتبتها ونقلتها اليوم :)

ابوفيصل
22-08-2003, 01:11 PM
هههههههههه

حلوة اخوي مسطل


تقبل تحياتي ،،، 8)

مسطل
22-08-2003, 02:45 PM
خل عنك كل ماقريت العنوان وتخيلت شكلي حامل حسيت ان ودي امسح الموضوع ههههههه !:)

على العموم :) انت احلى حبيب قلبي ابوفيصل وهذا من ذوقك ياعسل :)

mr.ghost
22-08-2003, 10:24 PM
صدقن صدقن اخوي مسطل
ترى هالقصه تموتن ضحك من جد حلووووووه

يعطيك الف عافيه





تحياتي

النادر
23-08-2003, 12:30 AM
يعطيك العافيه اخوي

السلطان
23-08-2003, 08:25 AM
مسطل,

هههههههههههه

بصراحه تعبت وانا اقرأ لكن تستاهل القصه. .

وزين انه كان حلم. .:wink:

بيـــــــــس

مفارق
23-08-2003, 08:41 AM
سسسسسسسسسسسسسسسسسسسسسلام

لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل



مسسسسسسسسسسسسطل


هذا أكبر همه السربته



لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل


مـــــــــ :oops: فارق

wadei2005
25-08-2003, 11:33 PM
خخخخخخخخخخخ.


لأ :D هــذه قوييييييييييييييه مرررررره. :lol: :lol: :lol: :lol: