PDA

عرض كامل الموضوع : خيطي بيطي جاب لنفسه العيطي



بليز وخر شوي
28-10-2006, 11:53 AM
صصصصصصصصصصصصبحهم بالخيرررر

ومسسسسسسسسسسسهم بالخير



صديقيني صديقاتي كووووووووووول عام وانا بخير وانتو بصحه وسلامه :D




واخبار علوم شي ماشيات ومن هذا المنبر اسلم على زيروكسس صديزي وجروحتي يالبا خشمه

والله لايحرمنا من خشه ورود وحوافي واللي ماذكرت اسمه جعل يومي قبل يومه <<يعمري يالذرابه كككككككككككككك

الزبده نخووش على طوووووول


هذا ياطويلين العمر والسلامه والخوجلي وماطر والحقباني .. فيه واحد كثير النسيان
ومن كثر ماينسى سموه اهله ناسي (عجرم)آل فاهي >>>هاذي عايلة كبيرة بالمره





المهم بيني وبينكم والكلام للجميع ولايدري احد
(صكوا الباب لاسمعتوا ذا الجمله
)ولاحديتوني على حلف ولانيب تساذب الاعليكم




(ناسي) هذا.. ماسمي بها الاسم من فراغ ولايهمونكم اللي يقولون الاسماء لاتعلل
اجل فيه بزر ينسى لايطلع من بطن امه ؟؟
لا.. وماذكر الا يوم عطوا امه طلق صناعي !!
المشكله امه يوم عطوها الطلق الصناعي حست بان ودها تطرش
اثرالخبل (ناسي) نسى وين دخل معه ..ويوم جا يطلع صار يرقى لفوق
يحسب إن الطلعه مع الفم (مايلام ..هالحين اي منشأة باب الدخول غير باب الخروج )
ولا طلع الا يوم شفطوه بمكنسة الكهرب >>> هذا اللي فاهمه من قولتهم شفطوا الجنين




(ناسي) يكثر من قولت ماعليش والله اني كنت ناسي
.قالت له امه مره : جب فقس جاب لها توكس ..هاشت عليه امه وقالت له اقول :فقس وتجيب توكس .
يالله رجعه وجب لي فقس .. (ناسي) رجع التوكس وجاب ببس بدال التوكس >>>>
اثر على الكاتب حسبي الله عليه وكتب توكس بدال الفقس




ومره طلبت منه زوجته يجيب لها من الصيدليه (بامبرز )
( ناسي ) ماعرف ينطق ماطلبته زوجته منه...وطلب منها تبين له هذا الطلب وشوا علاج له ؟؟
وهل هو شراب ولا حبوب >> لا احسن قل تحميله بعد
و بين لزوجته انه انسان ينسى الاشياء اللي يعرفها .
فمن باب اولى انه ماراح يذكر اللي مايعرفها
بل كيف لو كانت اول مره يسمع بها




الزوجه استحت وترجمت له اطلب بالعربي وقالت: (بامبرز) هذا يعني فوط صحيه للاطفال نيهاهاهاهاها




(ناسي) دخل الصيدليه ومعه واحد(ن) من اخوياه .. ولقى الدعوه زحمه.
وحب انه ياخذ غرضه ويطلع بسرعه (كلنا ذلك الرجل دايم مستعجلين على ايش ؟ ما ادري )
فما كان منه الاان قال للصيدلي وباعلى صوته : يادكتور بالله عطني فوط صحيه اطفال
(لاوبعد فاتن هو وكشرته)
كل اللي حوله في الصيدلية صاروا يتلفتون على بعض مستغربين من هاللي يطلب هالطلب ولاعنده في احد .
حتى خويه اللي جاي معه طق اللطمه وابعد عنه تسنه مايعرفه




الصيدلي سئل ناسي) عاوزها (بسوسته) ولا بدون ؟؟ .
(ناسي) رد عليه : لا بدون سسته (الاطفال اللي يمشون يلبسون سحاب ) لايخرب السحاب ثم عاد من يمسكهن لنا
وعندما جاب الصيدلي (الغرض) وصار بين يديه
( ناسي) سئل الصيدلي : يادكتور هذا العلاج وش يداوي؟؟ ووشلون طريقة استعماله ؟ ؟
الصيدلي رد على (ناسي) : يابني روح الله يهديك (مهوما) اهلك عارفين كل حاقه !!
فحينها لم تتمالك الصيدليه نفسها ومن فيها ان لا وان إنفجرت ضحكا من هذا الموقف اللي صار
بعدها صاروا ربع (ناسي) يعيرونه ويلمزونه ويسخرون منه بعد هذا الموقف الذي حصل له >>تو الناس
وصاروا يعيرونه ب(بامبرز) الفاهي




بعد هذا الموقف حصلت له مواقف كثيره >> خالصين منها
لكن للأسف انه صار ذكي ومعد يروح بأي احد معه حتى مايمسكونهاعليها ويفتك من التعليق اللي يجيه




وبينما هو على هذا الحال اذ طلبت زوجته منه ان يحضر لها من العطارين (خوى جوى ) :o
(ناسي)كتب الطلب خوى جوى على ورقة حتى لاينساه اذا دخل على العطار




(ناسي) دخل العطار فوجد صاحب المحل يكلم بالتلفون
ويقول : لا اجل العلاج اللي عطيناك اياه قضى على السرطان تماما..
ويكلم عليه اخر ويرد عليه : الحمدلله اجل علاجي جاب نتيجه وحملتي .
.ومكالمات أخرة من هالنووع >>وش الجدا راس مالها يدق بجواله على الثابت ويرفعها تسنه يكلم احد




المحل كان مليء بالزبائن وغالبية هؤلاء الزبائن نساء مع القليل من الرجال
استمع (ناسي) لماتطلبه النساء من العطار
هذي تبي علاج تطويل الشعر.. وثانية تبي علاج تبييض الركب ..والاخرى تبي علاج تصفية البشره
ووحده معها (قويريره) وتنشد العطار : ياولد هالغريشه وشهي له ؟؟
والعطار يجاوبها بأنها خاصه بالرجال وانها لكذا وكذا (كلام مشفر )
فماكان من المرأه الا (وتنحز ) زوجها وتقول له: اشترها خل نشوف هم صادزين ولا ماعندهم سالفة !!!




ادخل( ناسي ) يده في جيبه لاخراج الورقة المكتوب فيها ماطلبته زوجته منه...
فتش وفتش ثم فتش وفتش.. واخرج جميع مافي جيبه ..بوك ..وخمة مفاتيح ..وجوال
وورقة تأمين صحن من مطعم غوزي اللي كان في الثقبه وقد سكر من خمس سنين
(ناسس) عندما وجد ورقة التأمين ضاق صدره وتسائل وش يسوي بها الورقه ؟؟
وتحسف على العشرين ريال اللي دفعها تأمين للصحن ..وأخذ يهوجس وشلون يرجع قيمة التأمين ؟؟
المشكلة في الصحن مايدري وينه فيه ..هل هو جايبه للبيت ؟؟..والا في الاستراحه ؟؟ والا على البحر؟؟
مافيه أمل يذكر بل من سابع طعشر مستحيل ان يذكر.. وان تسان ذكره فودوا موضوعي للماصله




(ناسي) تنبه لنفسه وقال مهوب هذا وقته خل ناخذ غرضنا هالحين وبعدها يحلها الف حلال
اتصل على جوال زوجته علشان يسئلها وش اللي كانت موصيته عليه؟؟
لكن جوال زوجته لقاه مقفل(اكيد مقفل فهو 24 ساعة مع بزرانها وماغير العاب وتشغيل مقاطع البلوتوث )
دق على بيته لقاه مشغول.. اتصل مره اخرى.. برضوه مشغول.. تقل السماعة طايحة (وين طايحة ياعم
الا في يد الزوجه وماغير سواليف مع امها ..ثم اختها.. ثم صديقتها الخ )
فما كان منه (خلونا نستخدم الضمير ملينا من ذكر اسمه ) حينها الا ان يعتمد على ذاكرته ( مكره ناسي لا بطل )




خاف ان يكون طلبه يفشل ثم يضحكون عليه مثل ماصار له في الصيدليه (الحياة دروس )
فما كان منه الا ان نادى العطار وقال له : يا الاخو لو سمحت ابيك في كلمة راس !!
العطار استغرب وجاء لم ناسي وقال : خير يا الغالي آمرني ..
ناسي قرب من العطار وسمعه في اذنه وقال له بالله عطني( خيطي بيطي)
وبسرعه خل ننمشي تراي مستعجل ووراي اشغال نبي نقضيها
العطار فق كشرته وتدزلبت عيونه وقام الفار يلعب بعبه من هالطلب الغريب !!
فما كان من العطار الا ان جزم ان ناسي من الجماعه اللي هم اياها >>يقالك يلمح ولاهوب قايل ارهابيين
فقال العطار بكل حنكه (ماذبحنا الا هالحنكه )ابشر اطلبها لك من المستودع بس اصبر علي ربع ساعه ويجيك الطلب
(يقالك ان خيطي بيطي كلمة سر ويعني اني كاشفها كشفها )
العطار اتصل على المباحث وبلغ عن (ناسي) وما امداه يسكر السماعه
الا والمباحث مطوقه المنطقه>>اصلن هم دارين قبل مايتصل
ومن عقبها ومحد يدري عن أرض (ناسي) آل فاهي الا يوم طلع للناس وهو بصحة وعافيه
ومن عقبها معد فيه امل ينسى شيء





مايستفاد من الموضوع



1-اشتر كرتون (بامبرز) واسترح من الروحة للصيدلية كل شهر
2- خل صحنك في سيارتك علشان ماتدفع تأمين وتنسااااه :D

da7am
28-10-2006, 12:26 PM
موضوع شيق ومضحك جدا ولي به عودة مرة اخرى

مشتاق الشوق شايق شوقه
28-10-2006, 02:09 PM
الحمد الله مني متزوج بس بناكلها بتبن اذا تزوجنا


مشكوريا قلبي على الموضوع

بليز وخر شوي
12-11-2006, 09:42 AM
حياك يالغالي شرفت ولا كلفت

بليز وخر شوي
12-11-2006, 09:43 AM
العفو اخوي مشتاااااق


ماعليه الحين تاخذ فكره عشان يصير عندك خلفيه كككككككككككككككككك

ابن جدة
12-11-2006, 10:51 AM
(ناسي) هذا.. ماسمي بها الاسم من فراغ ولايهمونكم اللي يقولون الاسماء لاتعلل
اجل فيه بزر ينسى لايطلع من بطن امه ؟؟
لا.. وماذكر الا يوم عطوا امه طلق صناعي !!
المشكله امه يوم عطوها الطلق الصناعي حست بان ودها تطرش
اثرالخبل (ناسي) نسى وين دخل معه ..ويوم جا يطلع صار يرقى لفوق
يحسب إن الطلعه مع الفم (مايلام ..هالحين اي منشأة باب الدخول غير باب الخروج )
ولا طلع الا يوم شفطوه بمكنسة الكهرب >>> هذا اللي فاهمه من قولتهم شفطوا الجنين







هههههههههههههههههههههههههههههههه

الله يعمي ابليسك ياشيخ
الا صحيح اتخيل ابليسك اعمى كيف يمشيك :D

يعطيك العافية ولا تحرمنا فلاتك ،،،

بليز وخر شوي
25-11-2006, 03:19 PM
العفووووو ياصديزي ومشكوووووووور على مرورك

وابليسي احول مو اعمى نيهاهاهاهاها

marooz
27-11-2006, 02:56 PM
heheheheheeehehehe

بليز وخر شوي
04-12-2006, 09:04 AM
شكرا على الابتسامه يكفى تعقيبك على الموضوع ولك جزيل الشكر