PDA

عرض كامل الموضوع : يامن سأل عن حالي .. الحب غربلني وغيّر احوالي !



مدمن شاهي
18-11-2006, 09:35 PM
يامن سأل عن حالي .. الحب غربلني وغيّر احوالي !

من شفتّها ونيّت وقلبي ناداني ... يامدمن .. ياهوه .. تعال على شاني ؟

أرخيت له اذني وقلت هاه ( عاني ) .. قال العذاب اليوم وبكره تنساني !

هالابيات كتبتها وانا جالســ(ن) على طرف دريشتي المتكسمره واللي جالس كل يوم أطلّ منها على بيضتين لحمامه تروح وتجي في اليوم ثلاث مرّات عشان تطمّن على حال أطفالها .. ! :rolleyes:

وكل ماشفت هالبيضتين .. تذكّرت امي يوم انها تحمل باخوي الصغير وكل يوم تطق على راس بطنها وتقول " بكره تطلع على وشّ الدنيا وتشوف اخوك المملوح ! "

ياليتني بيضه واشوف بابه .. وياليتني حزمه في ظهر عوده !

دريشتنا مُطلّه مُباشره على باب " دحيّم " .. ودحيّم هذا مرته " سويّر " وسويّر هذي تعلّق قلبي فيها من يومي صغير .. ومن يومي صغير وانا أردد ( سلامات يامعذّب قلوب الأحبّه .. أنت الهوى البارح وانا صديق اليوم ) ! :rolleyes:

على طاري خربشاتي هذي .. أحسّ أني اليوم مستلج حبتين ونص .. وكل هالكلام المذكور " آنفاً " والداشر " مُستقبلا " والمُستحيل " حالياً " كتبته في غمضة عين يوم اني شفت سويّر تنزل من سيّارة دحيّم العراوي .. كانت راكبه ورى ( لأنه عيب عندنا في الديره أن الحرمه تركب قدّام .. لزوم تركب ورى .. وزوجها يتلطّم ) << عادات ما أنزل الله بِها مِن سُلطان !

المهم يوم انها نزلت إلا وتنزّل معها كيسـ(ن) كبير وغرشتين " تيم " .. وهو عاد شايلن معه شبك حمام لأنه رايح للسوق العصر .. ! :D

ويوم اني شفت ذاك المنضر .. إلا وابدى اتخوبص ويجيني المغص وتذكّرت ملفاتي القديمه وفليّت شريطي المترهّل وتذكّرت ذيك الليالي السود والكشّة المنفوشه !

حوّلت وخذت لي فنجالين قهوه وثلاث حبّات من نوع " سكّري ذاوي " وجلست مع الوالده وعيوني " غدت حمْرن " من الونّه .. صبّرتني الوالده .. وقالت : ياولدي .. الدنيا عبْر .. وتراها ممر .. وباتسر بنشوف لك وحده أبرك من سويّر ألف مرّه .. واطلق منها وشرط انها تعثى في بنات الديره وتقول " خذاني الرجْل الكفو وانا استاهله " .. ! :rolleyes:

ياولدي مالك ومال " الحُبْ " .. الحُب " غيّر احـــوالك " وخلاك مثل " دجاجتـ(ن) لعبتن فيها الانفلونزا .. ياولدي شف اصابع رجليك ( عاد انا طمّنت اشوف اصابع رجلي ) شفها تقول أعواد اسنان من دقّها .. دقّت حالك هالمصايب .. !

ياولدي ارحم حالك .. وترى سويّر يقولون عجز الحاره أنها " متكدّره " مع دحيّم .. وانها كل يومــ(ن) تطلع للسطوح تنضّف عشّة الحمام وتعبانه ليل نهار ! :rolleyes:

ياقلبي يامدمن .. رح لسالم وتعشّ انت وياه .. وسولف انت واياه بغيـر ( الحُبّ ) سولفوا عن أزمة الأسهم وانها سبب في زيادة عدد المستشفيات النفسيه .. !

سولفوا عن كيفية الإنماء الوطني .. حاولوا تفكوّن رموز التصريحات الأخيره لمدير الصندوق العقاري .. وأمّلوا خير أن الورثه يجيهم طفسة ارض باطراف الديره ! :rolleyes:

سولفوا عن مُشكلة زيادة المهور وأنها سبب لتفشي الأمراض الجنسية وكثرة رقص الشباب عند الاشارات وتسكّع البنات في شوارع الحوامل !

سولفوا ياولدي عن السياسه عشان أفارقك سبع سنوات وافتكّ منك ومن غثى " حبّك لسويّر " .. !

رح طسّ ياوليدي عن وجهي .. ورح شف البيضتين اللي فوق على دريشتك .. إحتمال وحده منهم " فقّست" !

يجيب الله خير !:)

سلام

كمال176
18-11-2006, 10:01 PM
شكرا على موضوعك وأتمنى لك التوفيق...

ابن جدة
19-11-2006, 09:41 AM
ياراجل الرومانسية طالعة من خشمك :D

حتى أمك حاولت تصرفك بس الظاهر مافي امل

الظاهر انك من النوع النشبة حتى مع أفراد العيلة ;)

يعطيك العافية مدمن ولا تحرمنا جديدك ،،،

مدمن شاهي
20-11-2006, 11:00 PM
شكرا على موضوعك وأتمنى لك التوفيق...

العفو حبيبي :)

مدمن شاهي
23-11-2006, 02:56 PM
ياراجل الرومانسية طالعة من خشمك :D

حتى أمك حاولت تصرفك بس الظاهر مافي امل

الظاهر انك من النوع النشبة حتى مع أفراد العيلة ;)

يعطيك العافية مدمن ولا تحرمنا جديدك ،،،

أمي مدعيّن لها فيني :rolleyes:

يكفي أني أونّاسها بكل صبحيه :)

الورود
24-11-2006, 06:22 AM
شاعر وكاتب ساخر وخيالك ساحر ... متكامل ما شاء الله


لا تحرمنا ابداعك وطلاتك ..متميز دوما يا مدمن شاهي

marooz
24-11-2006, 12:41 PM
hello modmen

raw3a hal romansiye

shukran

العاشق الوحداني
24-11-2006, 08:44 PM
الف شكر لك مدمن
الله يفكك بلا الحب
بس موضوع فلة ابعمل لق قص وبرواز علشاااااان الحكم المثيرة مشكور.

http://www.yabdoo.com/users/3583/gallery/139_p1747.gif

المستريح الي من العقل خال
25-11-2006, 02:25 AM
تسلم اخوي على الموظوع الحلو

مدمن شاهي
16-12-2006, 07:02 PM
شاعر وكاتب ساخر وخيالك ساحر ... متكامل ما شاء الله


لا تحرمنا ابداعك وطلاتك ..متميز دوما يا مدمن شاهي

حيّاك أختي ..

أسعدني مرورك بباب موضوعي .. وأتشرف بتكرارها :)

شاكر ومُقدّر ..

مدمن شاهي
01-03-2007, 08:46 PM
hello modmen

raw3a hal romansiye

shukran


هذي مهوب رومانسيه .. هذي ( كبّة عفش ) بس بطريقه لولبيه :)

شُكراً لمرورك :)