PDA

عرض كامل الموضوع : حبيبتي



الاسير
31-01-2004, 08:41 PM
لاتقولين ياحبيبتي بس هذي هي النهايه

ليش بس تنهي الحكايه

العبي ولخبطي وكسري..وشوهي حروف الروايه

بس كلميني بحنان ..

واعزفي الحان الامان

لا تبخلين يالعزيزه وانت تدرين باللي كان

لا تقولين ياحبيبتي بس هذى هي النهايه

ارجعي وسافر ي وعاندي كل وقتٍ في المرابع

ارجعي لساحات حربك بين قلبك والمواجع

ثم تغطرسي وانت تمشين بين اطراف واصابع

هي بقايا عاشقين وهايمين..

مادروا انهم ضحايا اغبيا

خاسرين وتايهين..

ارجعي لساحات حربك

واعسفي لها خيل المشاعر وقلبك

واتركي اوراق الحمايه والدروع

واتركي بعد ملح خوفك والدموع

وانتي في داخل ظميرك تشتعل احلى شموع

هي عيونك..

الله مااجمل عيونك

من بياض الليل تسرق لنهار اجمل جنونك

كامله والكامل الله

بس ياحبيبتي كامله والله خلقها

لوبماضي الوقت كانت.. كان قيصر هو هدبها

وصار كسرى من نقاها كحلةٍٍٍٍٍٍ تسرق ادبها

لاتقولين ياحبيبتي بس هذى هي النهايه

ارجع وشاور ضميرك من هناك ومن هنيا

ارجعي وسلمي عليا..

واحضن همومك بيديا

وانتي ارجعي للبدايه..

تلقى روحي هيا هيا

مع تحـــــــــــــــــــــــــــ الاسير ـــــــــــــيات
منقولة

بـــــدوي
04-02-2004, 01:37 AM
الاسير ياهلا وغلا فيك

صح لسانك اخوي ويامرحبا بهذه المشاركات الرائعه

وكل عام وانت بخير



تحياتي
البدوي