PDA

عرض كامل الموضوع : حنا البدو



فيزا
23-08-2003, 04:58 AM
نلهـو ونأمــل أيامــاً تُُُعـد لنــا..........سريعـة المــد تطوينـا و نطـويها
والنفس تغتـر بالدنيـا وقد علمت..........أن السلامة فيها تــرك ما فيها


حنا بدو

حنا عمى عين العدو

حنا البداوه وضعنا

واهل الوفا هم ربعنا

حنا بدو

اصل وفصل

حنا بداوتنا الاصل

ماهي بداوة تليفزيون

والا مسلسل اردني

بس بدوي بالمكرفون

ولا هد سيفه ينثني

و لا بدو بيت السدو

حنا البــــدو

حنا بداوتنا تراث

من جيل لا جيل انتقل

بالقمه حنا مو اقل

حنا معاني ساميه

نروي السيوف الضاميه

نرد المنايا ما نهاب

لو هي سعاير حاميه

حنا بدو

حنا البداوه عيدنا

ما ناكل الاصيدنا

مانعيش عالة مجتمع

نموت مانمد ايدنا

حنا بدو

حنا البداوه ... بدمنا

مانسمي احد عمنا

حتى ولو منهو يكون

لو هو زعل ماهمنا



حنا بدو

حنا بداوتنا شيم

دين وقيم

طيب وظفر

ومعنى كبير ما اظن تعرفه

لو تدعي المعرفه

شي عسير

ما اظن مثلك ياصله

صعبه و لا هي حاصله

حنا بـدو

يعني التمسك بالجذور

ماهو التخلف والجهل

ولا بعد حب الظهور

ولا التنكر للاهل

كلمة بدو

تعني الشمم

فعل وكرم

مبدى حضارات الامم

حنا القمم

نار على رأس العلم

يشهد لنا سيف و قلم

وان كان ما عندك خبر

لنا الفخر

لو عشنا ببيوت شعر

عيشة ألم عيشة فقر

عيشه تعلمنا الصبر

نشرب من الماي الهماج

نكحل نواظرنا بعجاج

ساعات مافيها ذرى

يكفي نتلحف بالنجوم

وفراشنا رمل الثرى

وسراجنا نور القمر

لامن ظهر

نومن بقضانا والقدر

ماهو كسل

ولا نعيش بلا امل

نملك طموح علم وعمل

ونرعى الابل ونرعى الغنم

ونعزف من الونه نغم

ونتابع اخبار المطر

وندور الروض الخضر

ونسري ورى برق سرى

ولا نتراجع للورى

نبحث عن المرعى العشيب

ومن شعيب اليا شعيب

مانستقر

عنواننا كل الديار

تجوالنا ليل ونهار

وهذي حياة الباديه

سنه ربيع

سنه دهر

ورغم الفقر

نخاف من قولة افااا

ونتعب على قولة نعم

ونعيش عالين الهمم

نرعى الذمم

نركض و نتعب ما نمل

محنا مثلك لا شغل و لا عمل

ماغير بس اكل و نوم

و من الشحم ضاقت عليك الهدوم

انا بدوي

عزمي قوي

يبدا نهاري بالصلاه

واصارع امواج الحياه

ما ضاقت الدنيا ابد

و لاني من اصحاب الحسد

محافظ على الخمس الفروض

واضح ولا احب الغموض

و لا اتلون و التوي

لاني بدوي

متمسك باصالتي

ولا اغير لهجتي

انا بدوي

في فزعتي في جلستي

في كلمتي في نخوتي

حتى عقالي ولبستي

ولو قلت عني فوضوي

ماهمني

بالحيل انا بدوي

ويسرني

اعرف من انت ومن انا

ويكفينا نعرف بعضنا

والفرق واضح بيننا

حنا بدو

حنا عما عين العدو

السلطان
23-08-2003, 10:10 AM
فيزا,

حنا عمى عين العدو. .:wink:

صح لسانك. .

تحياتي

ألكسندر
23-08-2003, 01:42 PM
نروي السيوف الضاميه
نرد المنايا مانهاب
لوهي سعاير حاميه

]
[size=6]صح السانك على هاقصيده الاكثر من رااااااااااااااااائعه

والله ماقول الا ياليت اذا فيه قصايد مثل هذي
فارجوك لا تبخلين بها[/size

wafaa
23-08-2003, 05:06 PM
صح لسانك