PDA

عرض كامل الموضوع : بنت الاكابر مصافحه اولى



حصميت
16-02-2004, 01:07 AM
يـوم جـت بنـت الأكابـر تستثـيـر الـشـوق فـيـه=مالقت بي غير جرح ٍ من طعون الوقت دامـي
واستفزتنـي وانـا اللـي مالبـس ثــوب الخطـيـه=يـوم مرتنـي وغصـن اليوسفـيـه غــض نـامـي
كــن فــي نـظـرة هدبـهـا يــوم لــدت جـاذبـيـه=تفتن العقل اللبيـب وتسحـر الرجـل العصامـي
قـلـت ابـابـدا بـالـسـلام وكـــان ردَت بالتـحـيـه=باختصـر كـل الـدروب وباحتويـهـا باهتمـامـي
وكـان شفـت بهـا خـفـوق ٍ يتـبـع الجـيـه بجـيـه=باقبل بخطوت واثق وافصـح لهـا عـن غرامـي
وكـان شفـت بهـا غـرور وكبـريـاء وعنجهـيـه=باشعل العزه بصدري وانتخي باغلى الاسامـي
لـيـن اعلمـهـا طـبـاع الـبـدو ورجــال الحمـيـه=يوم واحدهم يموت ولاخضع لـو كـان ضامـي
واقبـلـت يـمـي بصـمـت وعينـهـا تـشـر علـيـه=واختلفت وضعت بيـن ورودهـا وتفـاح شامـي
وقلـت بالله لـو سمحـتـي كــان جيـتـي لـلاذيـه=ارحلـي عنـي بصمـت ومالـك ومــال (..... )
قـالـت اشـبـك لـيـه مـابـك للمـواجـه مـقـدريـه=والادب الخوف فيك وخايف اجرح في كلامي
قـلــت لاوالله مـانــي حـاســب لـهــذي وذيـــه=مايـذل الا الضعيـف ولايـخـاف الا الحـرامـي
والا انـا رجـلٍ عزيـز النفـس لـو حالـي شقيـه=واضـح وكلـي شمـوخ ومبـدأي يابنـت سـامـي
قالـت ابغـا اسألـك وابغـا منـك اجـابـه واقعـيـه=ليه جارت بك جروحـك وانـت رجـالٍ نظامـي
قلـت مـادام السـؤال عـن الجـروح السرمـديـه=جيتـك بخطـوه كريـم حـل فــي دار الكـرامـي
شاف بيت الشيخ واقبـل يـوم شـاف النـار حيـه=رجل عرف ولا يـدور غيـر للنـاس الحشامـي
ايــه انــا واخــذي كـلامـي واسمعيـنـي يابنـيـه=بعترفلـك واعترافـي مـو بضـعـف وانهـزامـي
كنـت انـا فـي مامضالـي عايـش عيـشـة هنـيـه=عزتي تسمو وفعـل الطيـب يفـرض احترامـي
كـان لـي حلـم وطـمـوح وبالعـطـا كـفـي نـديـه=ماعرفـت الشـح يـوم البخـل مايمـلـك زمـامـي
كـنـت اصــارع للبـقـا ولابـقــى فـيـنـي بـقـيـه=كنـت اجـاه والسـمـوم تلفـنـي والقـيـظ حـامـي
لـيــن لـوعـنــي زمــــان مابـقـلـبـه مـرحـمـيـه=نقـض جروحـي عليـا وصابنـي بسهـام رامـي
وابتـدا همـي يزيـد وضـاع حلـمـي مــن يـديـه=لين شفت الجرح تلو الجرح ينهش في عظامي
وقلت اداريها جروح في ثـرى صـدري خفيـه=عــل نــارٍ اشعلتـهـا تنطـفـي بـــرد وسـلامــي
لكن ابطت بي جروحي والخوي يلحـق خويـه=كنـهـا تعـشـق خفـوقـي وتـمـادى فــي هيـامـي
لـيـن صــرت الـيـوم تـايـه لاشــداد ولامطـيـه=وان كتبـت ابيـات زادوا عاذلينـي فـي مـلامـي
يحسدوني يوم اصوغ الجرح بحروف ابجديـه=مـن رداهـم والا انـا اللـي رافـع ربـي مقـامـي
ماكتبـت الشعـر لجـل يشـار لــي بـيـن البـريـه=هذا شاعر وانا اقول الشعر ورث مـن عمامـي
ولا كتبت الشعر لجل استعطـف قلـوب ٍ خليـه=بيـن نـاس ماتـفـرق فــي حــلال ولا حـرامـي
القصايـد عـنـدي اغـلـى مــن قـصـور البابلـيـه=قـدرهـا عـنـدي رفـيـع وبالجـواهـر ماتسـامـي
ماصخـيـت ابـهـا لوجـيـه بيـنـت فـيـه الـرديــه=حـالـف لامـاتـسـاق الا عـلــى حـــر قـطـامـي
وانعزلـت وعـن عذولـي مبتـعـد وآخــذ نحـيـه=دام انا اللي في طريـق العـز منصوبـه خيامـي
وعقـب هـذا يـوم جيتـي وش لقيتـي بــس فـيـه=مالقيتي غير جـرح ٍ مـن طعـون الوقـت دامـي

صهيل الاصيل
16-02-2004, 11:43 AM
القصايد عندي اغلـى مـن قصـور iiالبابليـه
قدرها عنـدي رفيـع وبالجواهـر iiماتسامـي
ماصخيت ابها لوجيـه بينـت فيـه iiالرديـه
حالـف لاماتسـاق الا علـى حـر iiقطامـي
وانعزلت وعن عذولي مبتعـد وآخـذ iiنحيـه
دام انا اللي في طريق العز منصوبه خيامـي

يعطيك العافيه جميله بجمال من خطها .