PDA

عرض كامل الموضوع : حوار بين اثنين سمعهم ثقيل مضحك



almumaiz
24-08-2003, 10:17 PM
السلام عليكم ورحمة الله وبركاته.........
تخيلوا لو اتنين سمعهم ثـقيل اتكلموا مع بعض!! . ايه اللي ممكن يحصل ؟ تعالوا نشوف اتنين من دول، واقفين على محطة الاتوبيس ودار بينهم الحوار ده :

الأول : الاتوبيس ده بيروح مــصر الجديدة؟

الثاني : على الحديدة !!... ليه انت طالب احسان

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه . عايز تولع؟


الأول : أدلع ! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش

الثاني : خيش!! والله ده صوف انجليزي

الأول: بنتك زيزي!!! ربنا يخلي...

الثاني : أنتاج محلي .!!!! ده مستورد

انشاء الله عجبكم الحوار

ابوفيصل
24-08-2003, 11:15 PM
ههههههههههه

حللوة يبو التميز



تقبل تحياتي ،،، 8)

almumaiz
25-08-2003, 09:07 PM
تسلم يا غالي


تحياتي لك :roll:

لاهي شمال
25-08-2003, 09:43 PM
الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش

الثاني : خيش!! والله ده صوف انجليزي





ههههههههههههههههههه على طول صرفها ( صوف انجليزي ) 8)


الله يسعدك والله ضحكتني من قلب


مشكور حبيبي المميز

-«b4Love»-
26-08-2003, 01:44 PM
ذكرتوني بخالتي كبيرة فى السن ما تسمع
اذا جلست تسولف معها انواع الضحك انت بوادى واهى بوادى
هههههههههههه

يعطيك العافيه اخوى على الموضوع ....

almumaiz
08-09-2003, 08:51 PM
اخي لاهي شمال و-«b4Love»-
شكرا على مروركم
تحياتي لكم

الفرح والسرور
09-09-2003, 07:16 AM
هههههههههههههههههههههههههههههههههههههههههههههه


من المواضيح المضحكه شكرا لك على الموضوع