PDA

عرض كامل الموضوع : هذه القصيده اللتي وجهها الشاعر محسن الهزاني رحمه الله لاحد عبيد رنيه



ولدعبدالله
10-02-2007, 12:44 AM
يا شين ما عينّت لي داعج العيـن,,قلبي عليهـا بالهـوى زاد طنيـه
الى ضحك في مبسمه طقني بيـن,,,لجت صناديق الحشـا واقرشنيـه
ساره وزعبيه ونصره غدت ويـن,,خواتم باصبـاع سـاره زهينـه
ساره حلاهن مير نصره حلا العين,,,وسطه الخاتم على ضـو ضحينـه
وان كان عندك وحده عندنا الفيـن,,,حتى الرخيصه ما نبيعـه برنيـه

وهذا هو رد عبد رنية
قال الذي يبدع من القـاف تسعيـن,,,تسعيـن قـاف كلبوهـن علنـيـه
يا راكـب فـوق طلـق الذراعيـن,,,فوقـه غـلامٍ الـى ندبتـه شفنيـه
الميركـه ماهـود وشدادهـا زيـن,,,وخرج العقيلـي والسفايـف زهنيـه
يطوي مسير العشر في ظرف ليليـن,,,والليل الآخـر بالحريـق أمرحنيـه
وصبح أربعٍ تلفي بيـوت الهزازيـن,,,ولا جيتهـم اعقـل ذلولـك بثنيـه
هزازنـه نعـم القـروم المسمـيـن,,,من سمعني في مدحهم مـا أكذبنيـه
ذباحـةٍ للحيـل ومهـبـشٍ زيــن,,,وماكولهم يركد علـى الكبـد هنيـه
لا جيت مجلسهم ويلاهو يطرب العين,,,سيـف الحـرار سيوفهـم يرهبنيـه
اخص محسن شوق ضاف الدليقيـن,,,لـولاه قـال كليـمـةٍ وازعلنـيـه
لومي على الي سامعه مـن زمانيـن,,,وراه مـا قـاضـاه ولا اعلمنـيـه
البارحـه يقولـون ليـلـة أثنـيـن,,,,أحس عيوني مـن الدمـع حرقنيـه
بكيـت ولا بكـان هـمٍ ولا ديــن,,,,,ولا لــي غـريــم يذبحـنـيـه
أبكي على من له على المتن,,,, قرنيـنسبيـب شقـراء عندمـا فزعنـيـه
ومجدلات أطرافها وقم بو عين,,,, شرواحـبــالٍ شفـتـهـن يفتلـنـيـه
ولا همني كود أنت يا مغيزل العيـن,,,يا بو قـرون فـوق متنـه كسنيـه
رقدت أنا وايـاه بالفـراش نيميـن,,,,إليـن حـس النـاس يـوم أقعدنيـه
أسقي من ريقه طعـم سكـرٍ زيـن,,,,والله وقـى ولا بـغـى يشرقنـيـه
يا محسن لو شفت مريوشـة العيـن,,,,عفت الحريـق وجيـت يـم رنيـه
ما شفت سعديـه وثنـوى وثنتيـن,,,,في روشنن محـلا حمامـه وبنيـه
ذرعـان سعديـه سـواة العراجيـن,,,,ومشمرخـاتٍ بالذهـب يذبحنـيـه
وجسمه كما الدهدار والين من الليـن,,,وخصره كما الفتخا بضبضاب حنيه
والعنق عنق الريـم بيـن الشعيبيـن,,,,لا شاف قناص الضحـى واجفلنيـه
وسنونها يا خوي بيـض الفناجيـل,,,,غزلان صيـف عندمـا وضحنيـه
وسعديه أزين مار نصره حلا عيـن,,,,خواتـمٍ بيديـن نصـره زهنـيـه
يا محسـن قلبـي تـدالاه رمحيـن,,,,وإلا حنيـشٍ بالعـقـب ينهشنـيـه
لا تلومني يا خوي قلببي غـدا ويـن,,,,ولو شفتهن تعاف قصـرك وبنيـه
وان قلت لي قين فانا قين وابن قيـن,,,,وإن قلـت شيـن فهـو منقعنـيـه
مار أنت يلي شوفتك تطرب العيـن,,,,,رجليـك بالمغـراب لا تزلقنـيـه

وسلامتكم