PDA

عرض كامل الموضوع : ــ بـــنات الــبدو ـــ



ExiT
26-02-2007, 03:22 PM
تحضّرت بنت البدو .. ويـش ذا النـور
!!يـا زيـن ذا الموضـوع مكثـر كلامـه

ودّي اشـارك واعطـي الراي والشور
وابين انواع البني بالفهامه

بعض البني حاشـا يجـي منّهـا اقصـور
غيـث القلـوب اللـي تفطّـر غمـامـه

مثل الذهـب والمـاس تزهابـه انحـور
وترفع بـراس اللـي عزيـز(ن) مقامـه

والهرج يا زينـه .. فديتـك .. وماجـور
ماهـوب هاوريـو هـاااي بابـا ومامـه

وماهيب متّكلـه " لـو الحـال ميسـور
"علـى اندنوسـيّـه تجـيـب السئـامـه

تعجـن وتخبـز قـرص بـرّ(ن) بتنـور
وتبـزا نماهـا قبـل ســنّ الفطـامـه

بنـت الرجـال وتربيـة كــل منـعـور
يـا طيـب مرباهـا عساهـا السـلامـه

وبعض البني ما تجلـب الفـرح وسـرور
يـا كثـر مـا تسخـط وتبـدي الملامـه

" ليثه " على المسكين .. وصيده لصرصور
لا شافـتـه تنـخـشّ كنـهـا نعـامـه

مـا تغسـل الدلّـه ولا تفـرك اقــدور
واهدومهـا مـن فاضحـات الفخامـه !!

"الفاغره" مـا حقّهـا غيـر " طرطـور"
مـن وفّــق الله بينـهـم بالرخـامـه

تــزنّ للحـاجـه مـثـل زنّ دبّــور
وتعـرف مواقيـت الرضـا لاغتنامـه !!

واللاش لاش(ن) لمْرتـه صـار مامـور
بذنـه تمطّـه ليـن تـقـرح عظـامـه

ويجـي ولدهـم بيـن الابطـال مخسـور
ينقش بخشمـه مـا بقـى مـن ر..امـه

سبحان من قسّـم علـى النـاس مقـدور
تستفهـم ل بعـض الحظـوظ العلامـه ؟

بعـض النشامـا حظّهـم دوم معـثـور
يبـلاهـم الله بـالـقـلال الشـيـامـه

بعبايـة الكتـف المخصّـر ومعـصـور
مـا غطّـت ازرار البـلـوزه حـزامـه

مثل المريضه .. تمشـي اشـويّ وتـدور
واثـره لجـل يدعونهـا.. يـا حمامـه!!

كـم مـن رديّـة جـات للـذرب خابـور
بلشـه .. وربـي ساقـهـا باستـلامـه

وكم من سنافيّـه وهـي عنـد مدحـور
يضيم ربعـه دوم .. ومـا شـيّ ضامـه

وتصبر علـى العيشـه وتركـب بحنتـور
ويكثـر عليهـا كـل يــوم المـلامـه

وياجي نماهـا مهـذّّب الخلـق مستـور
يالله عسـاك اتخارجـه مـن عمـامـه

وبعض النشامـا لاجتمـع نـوره بنـور
فيـا درب سفّـر وانقشـع يـا ظـلامـه

هذا وانا ما انبش علـى النـاس مستـور
الوضـع بيّـن مـن حـلالـه حـرامـه

وماهوب يا "كـل البـدو" شـرح دكتـور
ثلثيـن ذا الموضـوع عيّـا كـلامـه

وسلامتكم

منقول

زمرده
24-05-2007, 06:57 PM
الله يعطيك العافيه
على النقل
الصراحه
حلووووووووه
دمت بود