PDA

عرض كامل الموضوع : فكاهيات الزجل اللبناني



alisiklawi
26-03-2007, 03:37 PM
انا حبيت اني فوت بموضوع جديد و هوي الزجل اللبناني الفكاهي و بتمنى ينال اعجابكم و شكرا.....................

alisiklawi
26-03-2007, 03:39 PM
الدقة في الحساب


هوني معلم ســـرياني ----- بحســـابــاتو علمانــي
بصفو في تمان تلاميذ ----- الواحد أذكى من التاني

بيسأل تلميذو ســـــمعان ----- جبنــا ميــة دراع قـمـــاش
وبدنا نفصّــل منها تمــان ----- جــلالات بطانـتـــها خيـاش
ولو فرضنا هالأوضة خان ----- وموجود فيها تمـان جحاش
قللو : يامعـــلم غلطــان ! ----- نحنا تســعة ! شــوتخمين
عادد حالك براني ؟

معلمنــا احمــرت عيـنــو ----- وصار يسب بقلبو الدين
ويمكن ســــــبلّلو دينــو ----- لكن صـاح بصوت تخين :
هالجحش التاسع مينو ؟ ----- إطلــــــع بــــرا يا لعين
إســـتاذك عم بتهينـو ؟ ----- مابـدي بصفـي تــلاميـذ
ولساناتا فلتاني !

لما وصّــل حــد البـــاب ----- سمعان , جدد شبابو
وقال :الأستاذ ياشباب ----- مابغـــالط بحســــــابو
عا شويه بيعملنا كلاب ----- وناسي يحسـب جنابو
كنا تسـعة ! مش مرتاب ----- وتا مانغــالط الإسـتاذ
بطلع تا تصفو تماني

نقــاء
26-03-2007, 07:11 PM
زجل سلس...


ممتع ...




فيه نظم الحكايات الطفولية البريئة..


شكرًا يا فاضل


وأهلاً بك معنــا

ضيفًا عزيزًا




http://www.yabdoo.com/users/5862/gallery/1913_p75555.gif

alisiklawi
27-03-2007, 09:48 PM
يسلملي تمك يا نقاء و أفكارك النقية
و بتمنالك كل ألبقاء من عيوني أللبنانية

alisiklawi
27-03-2007, 09:53 PM
يا طير
دخلك يا طير يا طاير بهالوديان
ع ضيعتنا معك رح ابعت رساله

ودّيها يا طير يا ملون بألوان
تايعرفو الأهل شو صاير بحالي

وان كنت يا طير ما بتعرف العنوان
عدرب ضيعتنا بيدلّك خيالي

هونيك مطرح ما بيلعبو الصبيان
وضو القمر عتلال بيلالي

ومن حضن الموقدة عم يطلع الدخان
يفرش لحاف الدفا عجبل عالي

ولك بحّة قصب بتليّن الصوّان
عتابا وميجنا وجلسة ارتجالي

وختيار جايي من الأرض تعبان
وعجوز عالمسطبة تقطف دوالي

ونسمات الهوى بتغازل الريحان
وصبية تمرجحت تحت عرزالي

وتنور حولو تجمّعوا النسوان
وصوت بو زهرة بعتمات الليالي

بيكفي بقى يا زمن هجران
ايام ضيعتنا عنت ع بالي

ومهما بالغربة طال الزمان
بيبقى تراب الوطن يا طير غالي

alisiklawi
27-03-2007, 09:54 PM
شوق الى لبنان

يا طيور عا لبنان ودوني....قبل العمر ما يصبح جنازي...

غابت الشمس وختيروا عيوني...والدمع تحتن صار عكّازي....