PDA

عرض كامل الموضوع : ونه اب لولده (((لا تفوووووتكم)))؟؟؟؟



عطوه
12-04-2004, 09:49 PM
السلام عليكم ورحمه الله وبركاته

بسم الله الرحمن الرحيم



شعر عجيب لابو دباس وهو رجل رحل عنه ابنه بغرض العمل لمساعده ابيه ولقد
طال غيابه فكتب ابوه له قصيده يحثه على الرجوع اليه فأترككم مع الاب ابو دباس:


يـاونه ونيتــها مــن خــوى الــراس *** من لاهب بالكبد مثل السعيره
ونيني من رجله غدت تقل مقواس **** ويونته لليل يشكي الجبيــــــره
يامالقلب مثل بن بمحـــــــــماس **** وياهشم حالي هشمها بالنجيره
ويا وجد حالي ياملا وجد غــــراس *** يوم اثمرت واشفى صفا عنه بيره
من ثمر قلبي سرى هجعه الناس **** متنحر درب عساه فيه خيــــــره
الله يفكه من بلاسو الاتعـــــــاس *** ومن شر عبثات اليالي يجيـــــره
في ديرت تقطعت عنها الارمـاس *** سبعين يوم للركايب مسيــــــره
لا والله هليحال من دون هلياس *** حط البحر والبر دون الجــــــــزيره
يالله يلي رد من عقب مايــــأس *** يوسف على يعقوب وابصر نظيره
ترد علي يادباس يا محصي الناس *** ياعالم مابالخفى والسريــــــــره
يدباس انا بوصيك عن درب الادناس *** ترى الي مثلك يناظر مسيــــــره
عليك بالتقوى ترى العز يدباس *** في طاعه الي ماينجيك غيـــــره
هذي ثمان سنين من رحت يدباس *** لا رساله جتني ولا من بريــــــره
يادباس من عقبك ترى البال محتاس *** وعليك دمع العين حرق نظيــــــره
وعليك جني في دجى الليل حراس *** اصبح على حيلي وعيني سهيـــره
اصبح انا مابين طاري وهو جاس *** وطواري تطري علينا كثيـــــــــــــــره
مثل الوحش قلبي على كف حباس ***يكفخ جم طير سبوقه قصيـــــــــــره
متحير من عيلة البيت يادباس *** ارجي ثواب الله واخشى المعيـــــــره
اخاف من حكي العدى ثم الانجاس *** اهل الحكايا الطايله والقصيـــــــــــره
ويقال خلى عيلةعن نزى الراس *** اقفى وخلى عيلة له صغيـــــــــــــره
ولا فانا يابوك قطاع الارماس *** ماني بمثبور ورجلي كسيـــــــــــــره
آصلك لو دونك نبى حمر الاطعاس *** الصلب والصمان ماهي عسيــــــــــره
مهالك مدارك مابهى وناس *** الا الثعل والبوم تسمع صفيــــــــــــره
لأركب على وجن من الهجن عرماس *** فج النحر يادباس حمره رهيــــــــــــره
متروسه الفخذين مزبوعه الراس *** جن الخلاص عيونها مستديـــــــــــــــــره


نطروا شوي بكملها بس بعدين والسموحه......

بـــــدوي
12-04-2004, 11:46 PM
عطوه تسلم يالغالي على هذه المشاركه

لاعدمنا جهدك البناء

القصيده رائعه جدا وانت اروع

ارجو انك تضيف جواب الولد لابيه

(اسف اني وضعت فواصل بين الابيات))

تقبل تحياتي

البدوي

عطوه
13-04-2004, 02:12 PM
اسف على التأخيييييير وشكرا اخ بدوي على مرورك وشكرا لانك وضعت
الفواصل.....والقصيده لين الحين ماخلصت الحين بكملها وبعدين بحط
جواب الولد والسموحه ............


تكمله قصيده الاب...........


او شبه ربد اتخفق للونـــــــــــاس*****وان رفعت جنحانها مستذيره
تنشر من العوده على نور الانفاس*****عند الفجر واليل مجفي مريره
والعصر بالصمان تسمع لها غراس*****حبل الرسى خطر تبتل جريره
نهار ثالث بين حمـــــى والاوراس*****وارى يمينك جعلها لك سفيره
ثم على ساجية تقلب الـــــراس*****تمشي بأهلها في البحور الغزيره
الى مسقط الفيحا بها الخير محتا**** س لولا الكفر والشرك واواي ديره
فيها الطبيخ وراهي الخبز يادباس*****يقعد خوي الراس خنه خميره
هي ديرة الي باغيين كيفة الراس***** ولالحد همه من الناس غيره
هيس ولد هيس لصحاف نحاس*****يفرح ليانيدي لذبح النحيره
واذا موقفك يدباس مافي نوماس*****يصلح لقين مهنته طق زيره
ترى الفداوي دون وانت انشد الرا*****س راعيه مايذكر بمدح وغيره
ماله سوى طق الحنك منه واليا*****س ولين انقطع خرجه فلاله اذخيره
طلب المعيشه بالحراثه والاجنا*****س المشترى والبيع يوصف وغيره
قم انهض العبرات مع كل فراس*****يادباس دور خير تسشيره
جدك وعمانك على العز والياس*****اهل المواجب مكملين القصيره
يادباس مايصبر على البق والحا*****س الا الي ماله بنجد العشيره
واليوم يامروي شباك العباس*****انت الرجى ياتعام وجه المغيره
عشرين عاما كلها ارجيك يدبا*****س مثل الغرير الي تولع بطيره
عدل المناكب هيل عن فرخ غرناس**يمناه في لطم الحباري شطيره
عانق خلوج روحت عقب مرواس*****عند العصير البيضها مستذيره
والليل جا وحال من دون هالياس*****وروحه على فرقاه فرت فريره
يادباس انا يابوك ماني بملاس*****مير انعيلات الرفاقه كثيره
جنبت وسط السوق وامشي مع الساس**واخذ شوي الحق واترك كثيره
يادباس لو جبتلي من دحم السياس***مختلف من رز ونيره
مالي بها ياجعلها بالف قباس*****اوجعلها تذهب ولو هي كثيره
يادباس قلبي كل ماهب سناس***شرجيه هبت بقلبي سعيره
والحال يا فرز الوغى مسه الباس****عليك يا ناطح وجيه المغيره
وغصون قلبي يافتى الجود ياباس****غادنا يابوك سني هشيره
من شافني بيقول ذي فيه لساس****والي برى حالي الاهي خبيره
لاوعلى من قبل قول الانفاس****وانفارق الدنيا يجينا بشيره
عسى يطق الباب والناس غطاس***ياوالي القدره عليك تعبيره
وصلاه ربي عد ماهب سناس****على النبي عدت حقوق المطيره



وبس الحين باخذ بريييك وبكتب رد الولد دباس لابيه

انتظروااااااااا

الجروووح
13-04-2004, 05:02 PM
تسلم يمينك يا الذيب .


رائعه بالفعل مثل اللي نقلها لنا .


مشكور عطوه ...

عطوه
14-04-2004, 02:35 PM
السلام عليكم ورحمه الله وبركاته

اخي الجروووووووح اشكرك على مرورك وردك الجمييل
ايليكم رد الولد دباس على الوالد ابو دباس اترككم مع القصيييده...............

:lol: :lol: :lol: :lol: :lol: :lol: :lol: :lol:




حي الجواب الي لفانا من الراس****جابه غلام ماتوانى مسيره
اهلا هلا عد ماحبس قرطــــاس****وماكتب فوقه من بيوت شطيره
جواب منهولي مود من الناس****ابوي ما يوصف حلي لغيره
فرز الوغى جنه على الوكر غرناس****قرون ربعه كلها تستشيره
دليل عيرات اليي هب سناس****ثم ادلهم الجو ومابه ذخيره
مرهف الغنم لاهل الركايب والافراس****لي روحوا بيته عليهم قصيره
راعي معاميل بها العبد جلاس****للبن يشري بالسنين العسيره
هذي بمركاها وهذي بمحماس****وهذي يصبه للوجيه السفيره
وخلاف ذا ياراكب فوق عرماس****مامونه من نقوه الهجن العسيره
حمره وهي في سنها وقم الاسداس***متوسط لا فاطر ولا هي صغيره
ماهي لحووح راتبه بالعصا قاس***حرم عليها غير شيل النجيره
والخرج هو بيوت قيل بقرطاس***مع مزهب الايام ماهي جثيره
وفوقه غلام من وته قطع الارماس***لوهو بلييل ماتغير نظيره
ولالفيت الدار فجهر بالاحساس***وبلغ سلامي كل ذيك العشيره
واختص ابوي الي لفا الجمله الناس***وخصه بعلم وقل تراني بشيره
لا لايانجي العرض يابوي لاباس***ان كان تشكي الضيم فانا اسيره
وان سألك عني تراني بنوماس***وانا احمد الي ماتوسلت غيره
المدح لو يشرى شريناه باكياس***باموالنا نرخص ندور الستيره
مطرق فرنج مصاربة الراس****ومصلبخ جبته عساني اذخيره
ابغيه للي حادينك على الساس*** اهل النمايم والحكايا الكثيره
ربع النوى وفيك الردى واتخ الساس***معقول يلي قال غايب عشيره
علي دين لو دعى الجمع بنحاس****لين العشير يقوم يعلن عشيره
يابووي يابووي انا مارحت لكيفة الراس***مع ذا ولاني في سباه وغيره
ان ماسكنا الدار من غيرها وجاس***ولا نعاف الدار وندور غيره
كله العين كلمة قلت يادباس*****تشكي وانا دوني بحور غزيره
خذلك يمين الشرع قطاع الانفاس**انه فلا جتني علوم بصيره
لانا بجاني ولا حبر وقرطاس*** ايظا ولا جتني علوم سفيره
ان كان تشكي الضيق يابوي لاباس***جاك الفرج يابوي هو البريره
ولا فأنا يابوي قطاع الارماس*** اصبر على الشده ولوهي عسيره
يامسندي يابوي شوف اوكد الناس****ثم انشره قل ويش هو في مصيره
ابغي عسى الله يبرد القلب ياناس****من لاه بن شبت بقلبي سعيره
ومن كااان له غايب فلا يقطع الياس****ان قدر الله جاب علمه بشيره



وسلااااااااااامتكم :lol:


وهذي القصيييده وخلصت ارجوا انها تكوووون عجبتكم