PDA

عرض كامل الموضوع : حوار مع خليجية تعبد الشيطان !!!!!!!!!!!!!!!



أم عبد العزيز
24-06-2007, 06:57 AM
قراءت هذا الموضوع على احد المنتديات واستغربت منه كتير بسبب قله الوازع الديني عند بعض الناس لا اقول الا حسبي الله ونعم الوكيل اليكم الموضوع :


الاسم : طبعاً ماتقوله علشان الفضايح
النك نيم : فامبايرا .. بالعربي يعني مصاصه الدماء!!!تاريخ الميلاد : 19 أكتوبر 1989 .. شفتوا شلون ياهل بعدها
الوزن :42 كيلو
الطول : 154 سانتي متر
الجنسية : كويتية .... سود الله ويهها فشلتناااا يا ناااااس
لون العيون : أدعم غامج ومرات تقلب بندقي أو أخضر غامج .... العن أبو الصوارييخ
لون الشعر : هم أدعم غامج .. بس تصبغه ألوان أحمر وأزرق وأخضر وبنفسجي وأجلح وأملح
هواياتها : تسمع أغاني عبدة الشيطان اللي تبط الراس

تعزف قيتار
(ماسألناها بس أتوقع قيتار كهربائي)

البلع
(عسى الأكل زقوم )

النوم
(نامت عليج طوفه قولوا آمين)

.. تجرح نفسها تقول أحب أشوف نفسي مجروحه
(الحمدلله والشكر)

التعارف
(منو اللي يبي يتعرف على هالأشكال!)

.. القراءة
(أقري شي يفيدج!!)

.. تحب تذبح الحيوانات مثل الجلابه والقطاوه وتتسبح بدمهم !!! وتحب تتصرف تصرفات عبدة الشيطان

هذي كانت بطاقتها الشخصية .. والحين بحطلكم بعض الأسئلة اللي سألناها غير اللي حطيتهم لكم ببطاقته الشخصية .. وطبعاً نحاجي اليهال على قد عقولهم :-


?????: ليش مسميه روحج فامبايرا؟


فامبايرا : لأني أحب الفامبايرز


?????: شاللي محببج فيهم؟


فامبايرا : لأني وحده منهم صج مو مثل اللي يطلعون بالأفلام


?????: قصي على روحج


فامباير : كل واحد وإعتقاده


?????: أنزين شفيج مجلبه عالانجليزي ليش ماتتحجين عربي؟


فامبايرا : أعرف أتحجى عربي .. بس أكره العربي .. وبعدين أنا أتحجى أنجليزي أكثر من العربي


?????: بس لازم ماتكرهين أنج تتحجين عربي أو تنسين أنج عربية .. أول شي هذا حجينا .. وثاني شي اللغة العربية لغه القرآن .. ولا شرايج ؟


فامبايرا : .... بليز غيروا الموضوع


?????: اوكي .. انزين بس انتي اللي بروحج جذي من أهلج ؟


فامبايرا : اي بس انا


?????: انتي ماتحسين انج غلط بينهم ؟
فامبايرا : أصلاً انا أكره أهلي وأكره كل الناس وأكره نفسي .. كله تلقاني أقعد بداري بروحي وأسمع هالاغاني .. ومرات أقعد أبجي ومحد يوقف معاي غير أخوي الصغير


?????: اممم اخوج الصغير ... شسمه ؟


فامبايرا : ... سوري ماقدر

?????: انزين أنا بعرف أهلج يدرون أنج عبده شيطان ؟


فامبايرا : أنا مو عبدة شيطان .. بس أحب أقلدهم


فامبايرا : انزين أنت عبدة شيطان ؟


?????: من صجج أنتي ؟ أكيد مسلم ششايفتني .. وأنتي شنو بالله ؟


فامبايرا : امممم .. كنت مسلمه بس الحين لأ


?????: ماتستحين لما تقولين انج مو مسلمه ؟!؟


فامبايرا : شفيك قلتلك أنا كنت مسلمه ..

فامبايرا : غير الموضوع بليز لا يصير طق


?????: لووووووووول ... أنزين ماقلتي أهلج يدرون عنج ؟


فامبايرا : اي يدرون


?????: ونعم الأهل .. اللي يشوفون بنتهم جذي وساكتين عنها ... والله الدنيا اختربت


فامبايرا : عن الغلط



?????: عن الغلط ؟ أنتي الغلط بكبره .. الله يهديج بس .. ترى انتي بعدج ياهل .. مو تقولين تحبين القراءة ؟ روحي أقري القرآن يمكن الله يستر عليج .. بس لازم اول شي تتوضين


فامبايرا : انت بلوك ودليت خلاص


والبنت عندها مواقع وايميلات خاصه فيها .. بس ماراح انشر مواقعها ولا ايميلاتها .. لأنها مو ناقصه فضايح

كلمة أخيرة :-
ماقول الا عسى الله يهدي الناس الضايعه .. ويهدي هالأهل اللي ماعرفوا يربون عيالهم
صج الديرة أختربت .. عيال الديرة أختبروا خلاص .. تلقاهم تفرفر بالمجمعات وتحرش ببنات خلق الله .. والبنات هم نفس الشي .. والشباب الجنوس .. والبنات الصبيك .. وعبدة الشيطان .

N0 BoDy
24-06-2007, 08:16 AM
لا حول ولا قوة إلا بالله ...وحسبنا الله ونعم الوكيل

rozana
24-06-2007, 08:22 AM
بجد قصة كثير غريبة

معقولة لهدرجة

حسبنا الله ونعم الوكيل

أم عبد العزيز
24-06-2007, 09:24 AM
شاكرة لكم المرور اعزائي . وصدقوني ما خفيه كان اعظم ولا حول ولا قوة الا بالله .

شمس المحبة
24-06-2007, 11:44 AM
انا مرة حاورت احدهم الذين يعبدون الشيطان والحقيقة انها ليست عبادة ولكنها طقوس دعارة ويتحججوا بعبادة الشيطان ليبرروها لانفسهم .

الله لا يردهم

وتقبلي مروري مع فائق احترامي وتقديري

زمرده
24-06-2007, 12:24 PM
لا حول ولا قوة لا بالله

الله لا يبلانا
ويهدي الجميع

ويثبتنا على الدين الاسلام

الهم امين

دمتي بود

انسان اكثر
24-06-2007, 07:04 PM
لا حول ولا قوة لا بالله

الله لا يبلانا

قمرة البراري
24-06-2007, 07:54 PM
الله يشفيها ولا يبلانا

وكل هذا من الفراغ الروحي بسبب البعد عن عبادة الله لا حول ولا قوة الا بالله

4X4
24-06-2007, 10:02 PM
لا حول ولا قوة إلا بالله ...وحسبنا الله ونعم الوكيل

اشكرك اخوي على الموظوع خلاص هذا اخر الزمان علامات الساعة الصغرى ظهرت وتكررت ووذلحين ننتظر الكبرى

ذلحين الواحد يوم يطلع من عند باب البيت مايقول الا يالله بحسن الخاتمة

سلالم

حبوبة
24-06-2007, 10:29 PM
لاحول ولاقوة إلا بالله والله شئ غريب

happy :) face
25-06-2007, 03:34 AM
الله يهديهم ويرجعهم لطريق الصواب

:)

أم عبد العزيز
26-06-2007, 07:22 AM
شاكرة مروركم الكريم اعزائي . لا حرمنا من اطلالتكم يا رب .

لقاء
26-06-2007, 02:13 PM
لاحول ولا قوة الا بالله

اسيرة الاشواق
26-06-2007, 02:58 PM
لا حول ولا قوة الا بالله العلي العظيم ،،

الله يهدي ابنـاء وبنات المسلمين ،، ويبعدنـا عن هالاشكال !!

يعطيج العافيه أختي // اسيـــرة الاشواق ..

TEEFA 2008
26-06-2007, 03:08 PM
وش هذه القصة والله جداً غريبة .........

حسبنا الله ونعم الوكيل

سنا الفضه
26-06-2007, 06:44 PM
هالبنت صاحيه؟؟