PDA

عرض كامل الموضوع : قصيدة يبكي لها كبار السن دائما في المجالس ....



الجروووح
24-04-2004, 09:14 PM
السلام عليكم أخواني الأكارم الاعزاء .


أنقل لكم قصيدة ما أن تذكر في مجالس أبائنا وأجدادنا ألا ورأيتهم يبكون لها والذي فيها الكثير من

الألم والندم للشيخ سعدون العواجي من عنزة .الذي قتل أبنائه الشيخين عقاب وحجاب

والذي قتلهم الشيخ هايس القعيط في معركة دارت بين قبيلة شمر وقبيلة عنزة في ما مضى .


فالشيخ سعدون العواجي يرثي أبنائه ومات ألماً عليهم .


فيقول في رثائه لهم :



يـا ونتـن ونـيـتها تـسع ونات **** مع تسع مع تسعين مع عشـر ألوفي

مع كثرهن بأقصى الحشا مستكنات **** وعـداد خـلق الله كثير الوصوفي

ونـت كـسـير طاح والخيـل عجلات **** كـسـره حدى الساقين غادي سعوفي

عـلى سـيوف بالملاقاء مـهـمـات **** سيـفين أغلاء ما غـداء من سيوفي

وعـلى محـوصـن بالموارد قويات **** نـشرب بهـن لـو القبايل صـفوفي

واحـشم بحشمتهن ولو هن بعيدات **** وأنـام لـو أن الضـواري تـحومي

خـلـيتني يـعقاب مابـه مراوات **** عـيالك صـغار والـدهر به جنوفي

ويحجاب يا زبن البكار المكيلات **** لا روحـن مثـل النسـور الكـتوبي

من عقبكم مانبكي الحي لو مـات **** ولاني عـلى الدنيا كثير الحسوبي

وياطـول ماجريت بالصـدر ونـات **** عـلى فـراق مـعطـريـن الـسيوفي

ويعقاب عقبك شفت بالوقـت ميلات **** وأوجست أنا من ضيم بقعاء حفوفي

الخيل تردي بك نهار الـمثارات **** يـلي عـلى كـل الـملا فـيك نوبي

والخيل تقفي من فـعولك معيفات **** تـاطـاء شـخانيب الرضم ماتشوفي

مـرحـوم يانطاح وجـه المغيرات **** أن جـن كـراديـس السبايا صفوفي

ومـرحـوم يامشبع سباعن مجيعات **** وعـزاللـه أنـه عقبكم زاد خوفي




وبعدها قال قصيدته الثانية ينعي به عقاب يومه يقول :


ذيبان قـلبي والضـماير عـوني **** عواي ماضـي مـع سـبيب الربابه

اعوي عوا اللي يوم يقند يوني **** ذيـبن سـعى ولا الـضواري بغابه

فـي راس مرفوع الحدا يجنـبني **** تـجاذبـن الصـوت رمل الذيبابه

أنا عـويت ومثـلهن قـمت أوني **** عـزي لمن عـكف الشوارب زها به

زمل المـحامل بالـمهامه غدني **** وأنا بعد مـن عـرض جملة حسابه

قـطيتنهـن حـيث أنـهن حودرني **** مـع جال ماريجع لهيبن غداء به

أقـفى الرجاء وآمال حضي هبني **** والـياس عـندي راجـناتن حسابه

العام نجـدن مطـربيـنه تـغني **** واليوم عـرضات الزوابع هـبابه

لا واللـه أنه وانها خاب ضـني **** .....................

ومادري وش يقول لكن يقول:

الموت سـحبه هـشمـن وأرعـبني **** وأرزم خـياله يوم رودم سحابه

رجـف الحوافـر بالفوارس يرني **** والـسيف يصرخ بالجماجم ذبابه

اليا بـرز لـه فارسـن مايثني **** صاحـن علـيه ملويات العـصابه

يـشهـد على ماقلت ريع المغني **** وتشهد عـلى قولي شوامخ هضابه

وتشهد أبواعه والقراى يشهدني **** ورمـان يـشهد والعماير وطابه

يرمس على الموت الحمر مايكني **** حبسن بحومات الوغـى يلتجا به

مـن عـقب ماني دالهن مرجـهني **** البين ياماضي قـضعـني بـنابه

والبيت يـنعى والعـشاير تحني **** عليك ياسـبعـن عـرينك بـغابه

غـزو الندارى سـرت خيله وطني **** ركـز بلاه وجاحـني في صـوابـه

عـقاب لافـته المـقاديـر مـني **** لو صحت ماهو راجعـن لي جنابه
ــــــــــــــــــــــــــــــــــــــــــــــــــــــــــــــــــــــــــــــــــــــــــــ


وفي النهاية اتمنى من الله العزيز أن تكون القصيدة قد نالت مكانها من العبرة والعضة .ــــــــــــــــــــــــــــــــــــــــــــــــــــــــــــــــــــــــــــــــــــــــــــ

Good Boy
24-04-2004, 10:38 PM
الجروووح



يا مرحبا باللي ما يجيب الا العلوم الطيبة


لا واللـه أنه وانها خاب ضـني **** .....................

ومادري وش يقول لكن يقول:



حلوووووووووووووووووة مدري وش يقول دايم نسمعها من شيابنا ههههههههههه

تسلم والله على القصيدتين الرائعتين للشيخ سعدون العواجي و أنا قد شفت صورة تقريبية للشيخ و أول شئ تلاحظه فيه هو شنباته اللي واصلتن اذانيه من طولها

عزالله انه فارس و عياله فرييييييييييييييييييس

Regards

الجروووح
25-04-2004, 11:41 AM
هلا قووود بوووي .


يا ذيبان الطيب ماينذخر على الطيبين .


وانتم طيبين ولا ينذخر عنكم شي ابد .


حتى الروووح لو تنعطى نعطيكم أياها .



مشكور قووود بوي على المرور المشرف المنير ...

بـــــدوي
25-04-2004, 01:05 PM
الجرووووووووووح يسلموووو

موضوع يستاهل والله التثبيت لما في القصايد من العضه والعبر ه


وش رايك تزودنا بمثل هاذي القصايد ولك علي نثبت الموضوع بس نغير عنوانه الى سوالف من الماضي

علمني وانا تحت امرك ونخليه مفتوح للي عنده شي من الماضي ووده يضيف يقلط



تحياتي
البدوي

الجروووح
25-04-2004, 09:12 PM
والله تامر أمر يا بدوووي .


واتخذ اي اجراء تبيه انت .


وانا انشاء الله كل ما احصل على قصيدة مثل ذي راح ازودكم فيها .


لك تحياتي ومشكور على الأطلاع ..